voal.ch po ju sjell një video nga aktivitetet me impakt të jashtëzakonshëm të Lidhjes Qytetare Shqiptaro Amerikane, lobit më të fuqishëm shqiptaro-amerikan deri më sot në SHBA, në sajë të roli të ish Kongresmenit Joe DioGuardi dhe gruas së tij Këshilltares për Çështjet Ballkanike Shirley Cloyes DioGuardi.

Më 28 prillin e vitit 2002 Lidhja Qytetare Shqiptaro Amerikane në praninë senatorit Joe Biden, senatorit Charles Ellis Schumer, kongresmenëve Ben Gilman e Tom Lantos dhe kryetarit të bashkisë të New Yorkut Michael Bloomberg organizon një manifestim të madh “Salute to Albanian Freedom” – “Përshëndetje Lirinë e Shqiptarëve” me rastin e 12 vjetorit të darkës historike në Sheraton të 28 Prillit 1990.

Me këtë rast Liga Qytetare Shqiptaro Amerikane kishte ftuar një delegacion të liderëve shqiptarë nga të gjitha trojet shqiptare në Ballkan si Pjeter Arbnori, Ramush Haradinaj, Iliaz Halimi, Rufi Osmani, NikollëCamaj, Ferhat Dinosha dhe Riza Halimi për të marrë pjesë në këtë manifestim.

Disa ditë pas darkës, Joe DioGuardi çon në Washington delegacionin shqiptar me udhëheqësit të Kongresit dhe të administratës Bush për të nxjerrë në pah rolin e shqiptarëve në paqen dhe stabilitetit në Kosovë, Maqedoni, Mal të Zi dhe Presheve.

Lidhja Qytetare Shqiptare Amerikane sjell Pjeter Arbnorin, Ramush Haradinajn, Iliaz Halimin, Rufi Osmanin, NikollëCamajn, Ferhat Dinoshën dhe Riza Halimi në Washington për të informuar Komitetin e Marrëdhënieve Ndërkombëtare të Dhomës dhe Grupin e Kongresit për të Drejtat e Njeriut, ku ata priten zyrtarisht si përfaqësuesit e “kombit shqiptar”.

Në korrikun e vitit 2002 Lidhja Qytetare Shqiptaro Amerikane nën drejtimin e kongresmenit Joe DioGuardi i jep Senatorit Biden në Capitol Hill Club në Washington DC Çmimin Ballkanik për Paqe në praninë e kryetarit të asaj kohe të parlamentit të Kosovës Nexhat Daci. Këtë çmin presitigjioz Lidhja Qytetare Shqiptaro Amerikane në 2002 e ndante për herë të dytë. I pari që e kish marrë këtë çmimi ishte Gjenerali Wesley Clark.

Ndërsa në qershorin e 2002 pas një udhëtimi në Kosovë, Joe DioGuardi dhe Shirley Cloyes bindin Kongresmenët Benjamin Arthur Gilman dhe Tom Lantos të paraqesin përpara Kongresit Rezolutën 467 në mbështetje të “Pavarësisë së Kosovës tani”, duke thyer heshtjen e vendosur nga bashkësia ndërkombëtare për statusin përfundimtar të Kosovës.

Të gjitha aktivitetet e Lidhjes Qytetare Shqiptaro Amerikane të drejtuar nga kongresmeni Joe DioGuardi dhe Këshilltarja për Ballkanin Shirley Cloyes DioGuardi i ka mbuluar asaj kohe në mënyrë besnike gazeta kombëtare Bota Sot. Jo më kot kjo gazetë asaj kohe arriti një tirazh të paparë në historinë mbi njëqind vjeçare të shtypit shqiptar duke shkuar deri në 200 mijë kopje, në Europë, Kosovë, SHBA dhe një periudhë edhe në Maqedoni. /Elida Buçpapaj