Rrëmbyesi i dyshuar i avionit të kompanisë Egyptair, u dorëzua tek autoritetet qipriote në aeroportin Larnaca.

“Mori fund”, shkroi në rrjetin social tëiiter Ministria e Jashtme e Qipros.

Një avion egjiptian i udhëtarëve u detyrua të martën në mengjes të ulet në Qipro, pasi që rrëmbyesi u kërcënua se do të aktivizojë një jelek me mjete shpërthyese.

Zyrtarët ne Qipro e identifikuan tashmë të arrestuarin se Seif Eldin Mustafa, por është e paqartë se cilat ishin motivet e rrëmbimit të avionit.

Media shtetërore qipriote, më herët citonte burime nga agjencitë e sigurisë të kenë thënë se rrëmbyesi duket të ketë motive personale dhe ka kërkuar të kontaktojë me ish gruan e tij që jeton në Qipro.

Presidenti qipriot, Nicos Anastasiades, citohet të ketë thënë se “situata nuk ka të bëjë me terrorizmin”.