Në sheshin Washington të New Yorkut mbrëmë u shënua Dita ndërkombëtare e luftës me jastëkë që mblodhi disa qindra banorë dhe turistë

NEW YORK – Në qendër të New York-ut është mbajtur “lufta tradicionale me jastëkë” ku edhe sivjet eventi ka mbledhur qindra pjesëmarrës, raporton Anadolu Agency (AA).

Në sheshin Washington të New Yorkut mbrëmë u shënua Dita ndërkombëtare e luftës me jastëkë që mblodhi disa qindra banorë dhe turistë.

Të mbledhur në shesh erdhën të “armatosur” me jastëkë, të ndarë në dy grupe, ndërsa me shenjë të udhëheqësit filloi beteja.

Fitues nuk kishte, por kundërshtarët vazhduan të kënaqen në manifestimin.

“Lufta me jastëkë” është një formë e pazakontë e zbavitjes, ndërsa ngjarja e mbrëmshme në New York u organizua me masa të forcuara të sigurisë.