Ministri i Jashtëm i Japonisë, “Është e një rëndësie të veçantë që liderët botërorë të vizitojnë vendin ku ka shpërthyer bomba atomike dhe të shohin nga afër realitetin e bombardimi atomik”

TOKIO – Sekretari Amerikan i Shtetit, John Kerry, do të bëhet zyrtari më i lartë amerikan që ka vizituar Hiroshimën, pasi të hënën do të udhëheqë një delegacion të ministrave të Jashtëm të cilët do të vendosin lule mbi monumentin i cili nderon 140 000 njerëzit të vrarë nga bomba atomike në vitin 1945.

Mbetët të shikohet nëse vizita e Kerry-t paraqet test për një vizitë të mundshme të presidentit Barack Obama në Hiroshimë në muajin maj, atëherë kur Obama do të jetë i pranishëm në takimin e G-7-shes i cili do të mbahet në rajonin Ise-Shima të Japonisë.

Kjo do të jetë vizita e katërt e Obamës në Japoni, njëherësh e fundit në cilësinë e presidentit amerikan.

Asnjë president i SHBA-ve nuk ka vizituar Hiroshimën, për sa ka qenë në krye të shtetit.

Ministri i Jashtëm i Japonisë, Fumio Kishida, ka ngjallur shpresën që takimi i ministrave të Jashtëm të rezultojë me një deklaratë të përbashkët për çarmatosjen bërthamore. aa