Më 26 tetor 2023 Universiteti Popullor Shqiptar UPA në Gjenevë për nder të 15 përvjetorit të Pavarësisë së Kosovës organizoi një mbrëmje madhështore.

Albana Krasniqi                                                 Laurence Fehlman Rielle

Mbrëmjen e hapi Znj Laurence Fehlman Rielle, Deputete në Parlamentin Federal të Zvicrës, personalitete zvicerane dhe mike e shqiptarëve që ngre ura miqësie mes shqiptarëve dhe zviceranëve,

Kryetare e UPA. Fjalimi i saj kishte rëndësi të veçantë për Kosovën e Pavarur. Nderim!

Themi, gjykimi i Deputetes Rielle është vazhdimësi e pohimeve të tilla edhe më parë nga Konfederata Helvetike.

Kujtojmë: Ministren e Jashtme të Zvicrës Znj. e nderuar Micheline Calmy Rey e para zyrtare në Evropë dha hapur mendimin zviceran që Kosovës t’i njihet Pavarësia!

Zonja Calmy Rey tani më ka vendin e sajnë historinë e Kosovës, renditur sado thjeshtë në vargun e figurave të shquara humane që kanë ndihmuar kombin shqiptar në ditë të vështira.

Shqiptarët kanë Respekt e Mirënjohje të përjetshme ndaj popullit zviceran!

Programi muzikor na dha kënaqësi të jashtëzakonshme! Jehona e këngës së lashtë shqipe hedhur në skenë nga artistja e madhe Elina Duni e përpunuar me stil të ri modern ndërkombëtar nga kitaristi me famë Rob Luft dhe tamburisti Korri Dik mahniti të pranishmit. Publiku përcolli me vëmendje e me duartrokitje të gjata nga ku herë-herë mund të dëgjoje edhe fjala “Ju lumtë!”.

Me ketë rast zhvillova një bisedë me Znj Albana Krasniqi Drejtoreshë e UPSH: si arritët të konkretizoni ketë ceremoni për pavarësinë e Kosovës me kaq dinjitet? Ajo – Thekson jo pa mburrje:

Universiteti i kulturave të Gjenevës është më shumë se Universiteti i Shqiptarëve.

Për fatin tonë të mirë, komuniteti ka bërë një hov të madhe dhe nuk ka më nevojë ta marrësh për dore e t’i tregosh udhën.

Ai është gjithanshmërisht i pranishëm në të gjitha hallkat e shoqërisë zvicerane.

Kjo i dha mundësinë Unversitetit popullor shqiptar të Gjenevës të ecë me hapin e kohës dhe t’ia ktheje sadopak Gjenevës mikpritjen që i rezervoi në momentet më të vështira të historisë së tij në sfond migrator.

Kështu UPA vë sot në qendër të vëmendjes të gjithë ata që si ne më herët, largohen nga vendet i tyre për shkaqe ekonomike a politike dhe kanë nevojë të jenë të rrethuar në mirëbesim, të bashkë ndërtojnë të ardhmen e tyre.

Ekipi ynë vë në dispozicion të të popullatave të origjinave të ndryshme gjithë ekspertizën e grumbulluar në vite dhe inteligjencën kolektive që e mban gjallë. Në këtë prizëm ai është i hapur ndaj më shumë se 70 kombësive të ndryshme.

Thënë kjo, ne i mbetemi gjithsesi besnikë të kaluarës sonë, dhe krahas lëmive të tjera të aktivitetit, kemi si mision identitet-ndërtues apo afirmues bërjen të njohur të vlerave më të mira të shqiptarisë në mërgim.

Njerëzit e dalë nga komuniteti ynë i gjen gjithkund tani: punëtorë, avokatë, edukatorë, sipërmarrës, sportistë, shkrimtarë e artistë.

Më tej vazhdon:

Elina Duni është njëra nga ne, ajo me e spikatura në sensin tim, në bërjen të njohur të vlerave universale të muzikës sonë tradicionale. Ajo është në gjendje që me energjinë, vitalitetin, mençurinë e interpretimit, të çojë sallën në këmbë, pasi muzika e saj mobilizon dhe frymëzon.

Bashkëpunimi ynë me Elinën është i hershëm.

Krenaria më e madhe jona është që Elina ishte e ftuar nderi në festën tonë të pavarësisë në 2010, ku kishim gëzimin e papërshkruar të kemi të pranishme dy divat e këngës shqipe Vaçe Zelën e

Nexhmije Pagarushën. Nuk ka nevojë të them se çatia ishte e vogël për të zënë brenda saj këto kolose të muzikës shqiptare.

Më pas, në 2016, Elina u bë pjesë e projektit të UPA, BESA, ku u paraqit me spektaklin “Të shkosh” ( Partir) koncert i konceptuar posaçërisht për këtë ngjarje të përkujtimit, me një program edukativ për shkollat e Gjenevës, në bashkëpunim me departamentin e arsimit, Zyrën e integrimit të Gjenevës, bashkinë e Gjenevës, Yad Washem.

Më pas Elina është angazhuar shpesh në aktivitet tona, me një paraqitje dinjitoze para publik të shumëfishtë shqiptar, zviceran e më tej.

Organizimi i kësaj të diele erdhi natyrshëm, gjatë një mbrëmje të ngrohtë vjeshte, ku ajo, si padashas, midis dy dollive, nxori në zë të thekshëm duke kënduar në “ prime” këngë e Muharrem Qenës, “ O vendi im”.

Vendosëm që Elina ta ndajë me publikun emocionin që na dha rreth tryezës.

Dhe kjo u bë me rastin e 15 vjetorit të Pavarësisë së Kosovës,në një nga sallat më prestigjioze të Gjenevës, në një bashkëpunim të këndshëm e harmonioz.

Ju lutem kush ishte pjesëmarrës nga UPA?

Siç e patë mbrëmja u hap nga Presidentja e UPA, Laurence Fehlman Rielle, deputete në Parlamentin Federal dhe shumë e angazhuar në çështjen e Kosovës ndër vite, duke qenë edhe bashkëvepruese e hershme krah Znj Micheline Calmy Rey.

Ishte i pranishëm edhe themeluesi dhe luftëtari më i zellshëm i kauzës sonë, Ueli Leuenberger, ish parlamentar zveceran.

Komuniteti ynë nuk i lë indiferente edhe politikanët e kantonit e të komunave. Na nderuan edhe Deputeti i Gjenevës, Jean-Charles Rielle, Krytarja e qytetit të Carouge Sonja Molinari, Stephanie Lammar, Këshillare administrative e kësaj komune, Michel Pomato, këshilltar administrativ i qytetit të Grand Saconex, Martine Sumi- Viret, politikane dhe aktiviste e palodhur zvicerane, që ka mësuar edhe gjuhën tone, Ambasadori i Shqipërisë në Berne, Ilir Gjoni, Ambasadori i parë shqiptar në Zvicër, Naim Malaj, Konsulli i Gjenevës, Rexhep Bajraktari, Kryetari i LAPSH në Zvicër Liburn Mehmetaj, nën-kryetari i UPA, Gëzim Ilazi e qindra artistë, politikanë, dashmirës të këngës tonë nga Gjeneva e Zvicra.

A mendoni që festa e Pavarësisë së Kosovës të bëhet traditë e UPA?

Festa e pavarësisë së Kosovës është në ADN-në e institucionit që nga viti 2008.

Nuk mund ta harroj ngadhënjimin e bashkëkombasve tanë në ditën e shpalljes së pavarësisë, në lokalet e vjetra të UPSH. Rrinim të gjithë para ekranit duke përbirë lotët nga emocioni, shfaqja e gëzimit të pamasë më pas në rrugët e Gjenevës e para OKB-së që na kish pritur sa herë në manifestimet e kërkesave tona për liri.

Kjo datë çdo vit kremtohet në mënyra të ndryshme, në përkujtim të mundit, djersës, gjakut të gjithë atyre bijave e bijve të saj, për t’u ngritur në apoteozë me çlirimin dhe pavarësimin e Kosovës.

Pjesa më e bukur e kësaj mbrëmje ishte Koncerti me Elina Dunin. Cili është vlerësimi juaj?

Elina është një thesar kombëtar që i kalon përmasat e shqiptarisë, që meriton një respekt të veçantë, jo vetëm përmes zërit e interpretimit, por edhe për atdhedashurinë e kultivuar dhe zemërgjerësinë e pashoq.

Ajo e bën një Kosovën e Shqipërinë, duke mbetur artistja zvicerane me përkatësi të shumëfishta

Mençuria e saj është se rrethohet gjithnjë nga më të mirët. Rob Luft është një nga kitaristët më në zë e më të vlerësuar në muzikën bashkëkohore, dhe që ka filluar të njohë mirë edhe shpirtin shqiptar dhe gjuhën e tij.

Ju falënderoj përzemërsisht me admirim për punën tuaj plotë dritë, krenari, për komunitetin shqiptar, gjithë çka bëni për gjuhën e kulturën tonë.

Gjenevë, 28, 02. 2023 Nexhmije Mehmetaj