VOAL- Këshilltarja Federale Simonetta Sommaruga vizitoi të shtunën hidrocentralin Nante de Drance në Finhaut, Valais, i cili më në fund duhet të hyjë në punë më 1 korrik pas 14 vitesh punë dhe kosto prej rreth 2 miliardë frangash.

Hidrocentrali ndodhet në 600 metra thellësi midis liqeneve artificiale të Vieux-Emosson dhe Emosson dhe përdor diferencën prej 300 metrash në lartësi midis dy pellgjeve për të gjeneruar energji.

Impianti, i cili do të inaugurohet në shtator, do të duhet të gjenerojë rreth 2.5 miliardë kilovat orë energji në vit. Ai “do të luajë një rol thelbësor në stabilizimin e rrjetit të energjisë elektrike zvicerane dhe evropiane”, nënvizoi Nant de Drance SA në një deklaratë. rsi-eb