VOAL- Pas vitesh fokusimi në trafikun në distanca të gjata dhe eliminimit të problemeve të kapacitetit, Këshilli Federal ka vendosur të riorientojë strategjinë hekurudhore. Risia u njoftua të mërkurën në Bernë nga këshilltarja federale Simonetta Sommaruga e cila prezantoi perspektivën e “Hekurudhat 2050” të hedhur për konsultim.

Fazat e ardhshme të zgjerimit, u nënvizua, do të synojnë kryesisht përmirësimin e ofertës në distanca të shkurtra dhe të mesme, për shembull duke rritur lidhjet në rrjetin rajonal ekspres dhe duke përmirësuar stacionet periferike. Përmirësime specifike janë planifikuar për trafikun në distanca të gjata dhe të mallrave.

Qeveria vendosi gjithashtu të përfundojë tunelin bazë të Lötschberg duke e pajisur atë me dy shina. Ajo ndër të tjera do të shmangë mbylljen e plotë të saj për 8 muaj. Kostot shtesë të këtij dhe projekteve të tjera (si tuneli Zimmerberg dhe kryqëzimi i Gjenevës) do të kërkojnë ndarjen e 720 milionëve shtesë. rsi-eb