Një zjarr ka shpërthyer në Hollywood Hills, duke bërë që shefi i Departamentit të Zjarrfikësve të LA, Kristin Crowley të largohet papritur nga një konferencë shtypi në të cilën ajo po jepte një përditësim mbi zjarret.

Shtëpitë e aktorëve të Hollivudit janë shkatërruar nga zjarret, ndërsa numri i viktimave është rritur duke shkuar në 5.

Vetëm pak ditë më parë aktorët e martuar Leighton Meester dhe Adam Brody po festonin në Golden Globes, ku ky i fundit u nominua për punën e tij në shfaqjen hit të Netflix.

Çifti tani është në listën në rritje të yjeve të Hollivudit që kanë humbur shtëpitë e tyre nga zjarret që shpërthejnë në LA, sipas raporteve të mediave amerikane.

Zjarri, i quajtur Sunset Fire nga Departamenti i Zjarrfikësve të LA, ka shkaktuar evakuime të detyrueshme, duke përfshirë zona të mbushura me shtëpi të të personazheve të famshëm.

Tani ka të paktën gjashtë zjarre të ndezura në Los Anxhelos dhe në qarkun e tij fqinj Ventura. Përveç një në Woodley, i cili është zvogëluar në madhësi, të tjerët janë 0% të përmbajtur, thonë zyrtarët. bw