Janë të rralla rastet kur Presidentja e Kosovës Atifete Jahjaga ka mundësinë që të paraqitet para një audience të gjerë në Gjermani dhe konkretisht në televizionet kryesore publike gjermane siç janë ARD dhe ZDF.
Dhe i vetmi program i përbashkët televiziv mes dy programeve edhe ashtu mese konkurrente ARD dhe ZDF është ai i mëngjesit. Programin e njohur edhe si MOMA (Morgen Magazin) e përgatit një javë ARD dhe një Javë ZDF, raportojn mediat në vend.
Këtë javë radhën e kishte ZDF dhe me këtë rast temë ishin edhe azilkërkuesit nga Kosova dhe Shqipëria. Pas një prezantimi të djeshëm të Ministrit të Brendshëm të Bavarisë Herrman (CSU) nga Studio e ZDF-it sot u lidhën edhe me Presidenten e Kosovës Atifete Jahjaga për të biseduar me të sidomos për problematikën e azilkërkuesve nga Kosova por edhe Shqipëria.
Por ngjau ajo që më së paku pritej. Me një mënyrë pothuajse të pabesueshme Jahjaga jo vetëm që nuk u përgjigj në pyetjetet e gazetares gjermane por asaj iu deshën as më pak e as më shumë se shtatë të herë ta ndërprente Jahjagën e cila tërë kohën fliste për “të arriturat” e Kosovës, artistët e sportistët e saj, tek tuk korrupsionin etj. etj. Atë pra që Kosova e duron prejse kjo zonjë është e para e vendit dhe po ky vend e duron!
Intervista e Jahjagës në ZDF mund të ndiqet në këtë LINK të ZDF ku Jahjaga e jep një shembull sa të turpshëm aq edhe të meritueshëm që nuk i ka as edhe dy fije me politikë!
E që kjo është një vërtetë absolute e tregojnë edhe reagimet e mediave gjermane dhe sidomos gazetës së njohur gjermane Die Welt e cila në një artikull të gjatë paraqitjen e Jahjagës të premten në mbrëje e quan një rekord të pathyeshëm në historinë e re të tv-së gjermane. Dhe atë kur pas shtatë sprovash të moderatores t’i ndërkrehet monologu në fund ZDF ia ndalon sinjalin!
Shikojeni këtu intervistën e plotë të Jahjagës:
http://www.zdf.de/ZDFmediathek/beitrag/video/2394208/Besonderer-Ehrengast-glaenzt-im-ZDF-moma#/beitrag/video/2455080/Kosovo:-%22B%C3%BCrger-sind-isoliert-im-Land%22
Këtu mund ta lexoni tekstin e plotë të Die Wiel-it:
http://www.welt.de/politik/ausland/article144395433/Kosovos-Praesidentin-redet-worueber-sie-will.html
Komentet