VOAL

VOAL

Copyright © 2022

VOAL

Zbardhen pasuritë marramendëse të kryebashkiakëve të rinj: Prin Eduard Kapri i Pogradecit, 45 apartamente në Shëngjin

November 5, 2015

Zbardhen pasuritë e 13 kryetarëve të rinj të bashkive të zgjedhur më 21 qershor të këtij viti. Në deklaratat e pasurive të dorëzuara në bazë të detyrimit ligjor në Inspektoratin e Lartë të Deklarimit, Kontrollit të Pasurive dhe Konfliktit të Interesit renditen pasuritë e panumërta të disa prej të zgjedhurve vendorë dhe pronat e shumta në zonat bregdetare. Kështu kryebashkiaku i Pogradecit, Eduart Kapri, në deklaratën e tij të pasurisë, ndër të tjera ka shënuar dhe pronësinë mbi 45 apartamente në Shëngjin të Lezhës. Ndërsa kreu i bashkisë së Pukës, Gjon Gjonaj rendit pronësi mbi disa shtëpi banimi e troje, por deklarohet pronar edhe i Hotel-Turizmit në Pukë. Deklaratat e pasurive të krerëve vendorë të zgjedhur rishtas janë bërë pasi ata kanë marrë detyrën ndërsa për të zgjedhurit që kanë pasur më parë një post janë deklaratat e pasurive për vitin 2014.

Pasuritë e kryebashkiakëve

Kryetarja e bashkisë Shkodër, Voltana Ademi (deklarata 2014)

Bashkëpronare me 33,33 % e ap. banimi në Shkodër, sip. 64 m2, me kontratë shkëmbimi.

Bashkëpronare me 33,33 e ap. banimi në Shkodër, sip. 97 m2, me kontratë shkëmbimi.

Bashkëpronësi në një njësi në Shkodër, sip. 64 m2, me kontratë shkëmbimi.

Të ardhura nga paga si deputete, 2 962 266 lekë.

Të ardhura nga qiraja e njësisë me sip. 20 m2, nga objekti me sip. 116.5 m2, 81 666 lekë.

Të ardhura nga qiraja e njësisë me sip. 35.34 m2, 120 000 lekë.

Të ardhura nga qiraja e njësisë me sip. 70 m2, 214 667 lekë.

Kredi bankare në “Societe Generale Albania”, dega Shkodër, 385 168 lekë. Detyrimi financiar i pashlyer 3 473 963 lekë.

Kryetari i Bashkisë Korçë, Sotiraq Filo (deklarata 2014)

Shtesa në llogarinë bankare në “Raiffeisen Bank”, 319 953 lekë.

Të ardhura nga interesat bankare të një depozite në Bankën Kombëtare tregtare, 33 544 lekë.

Të ardhura nga interesat bankare të një depozite në “Credins Bank”, 90 785 lekë.

Të ardhura nga interesat bankare të një depozite në “Credins Bank”, 541 euro.

Pakësim i llogarisë bankare në “Intesa Sanpaolo Bank”, 74 400 lekë.

Pakësim i llogarisë bankare në “Intesa Sanpaolo Bank”, 13 euro.

Të ardhura nga interesat bankare të një depozite në “Intesa Sanpaolo Bank”, 115 863 lekë.

Të ardhura nga interesat bankare të një depozite në “Intesa Sanpaolo Bank”, 54,86 euro.

Të ardhura nga paga si kryetar bashkie, 1 078 568 lekë.

Kredi bankare në “Raiffeisen Bank”, 1 500 euro, shlyer plotësisht.

Bashkëshortja, Frosela Filo

Të ardhura nga interesat bankare të një depozite në “Credins Bank”, 111 880 lekë.

Të ardhura nga interesat bankare të një depozite në “Credins Bank”, 44 euro.

Të ardhura nga interesat bankare të një depozite në “Procredit Bank”, 4 982 lekë.

Të ardhurat nga interesat bankare të një depozite në “Bankën Kombëtare Tregtare”, 24 395 lekë.

Pakësim i llogarisë bankare në “Veneto Bank”, 260 964 lekë.

Të ardhura nga interesat bankare të një depozite në “Intesa Sanpaolo Bank”, 11 892 lekë.

Shtesa në llogarinë bankare në “Bankën Kombëtare Tregtare”, 95 455 lekë.

Të ardhura nga puna në Ujësjellës-Kanalizime, Korçë, 649 407 lekë.

Kartë krediti në “Bankën Kombëtare Tregtare” me limit 100 000 lekë, detyrimi i pashlyer 64 878 lekë.

Kryetar i bashkisë Mirditë, Ndrec Dedaj (deklarata 2014)

Të ardhura nga paga dhe dietat si prefekt, 1 885 476 lekë.

Kredi bankare 29 000 euro me afat 20 vjet. Detyrimi financiar i pashlyer, 22 152 euro.

Detyrim ndaj një personi të tretë, 10 000 euro, për 3 vjet, pa interes. Detyrimi financiar i pashlyer 6 000 euro.

Kryetari i bashkisë Tropojë, Besnik Dushaj (deklarata 2014)

Shtesë gjendje cash, 1 000 000 lekë.

Pronar i një autoveturë “Benz”, dhuruar nga djali.

Të ardhura nga paga dhe shpërblime si deputet, 2 771 821 lekë.

Të ardhura nga pensioni i bashkëshortes, ISSH, 200 000 lekë.

Kryetar i bashkisë Pukë, Gjon Gjonaj, (deklarata 2015)

Pronar i një shtëpie banimi me sip. 146 m2 në Qerret, vlera 3 000 000 lekë.

Pronar i një tokë bujqësore me sip. 3000 m2, vlera 1 500 000 lekë.

Pronar i një shtëpie banimi me sip. 100 m2, në Qerret, vlera 1 000 000 lekë.

Pronar i një tokë arë me sip. 6500 m2, vlera 1 200 000 lekë.

Pronar i një toke arë me sip. 16 044 m2 në Barbullojë, Lezhë, vlera 64 176 000 lekë.

Pronar i një shtëpie 2-katëshe banimi me sip. 197.5 m2, toke arë me sip. 3096 m2, lokali me sip. 112 m2, magazine+servis me sip. 90 m2, në Xhafzotaj, Durrës, vlera 300 000 euro.

Pronar i një shtëpie banimi me sip. 148 m2, vlera 88 800 euro.

Pronar i 2 ap. me sip. 158 m2, vlera 86 900 euro.

Pronar i një garazhi me sip. 45 m2, vlera 11 250 euro.

Pronar i 2 ap. me sip 150 m2 në Tiranë, 90 000 euro.

Pronar me 50 % i një magazine frigorifer me sip. 10 000 m2, vlera 1 450 000 euro.

Pronar me 34 % i një biznesi (karrierë) për nxjerrje mermeri Kolesjan, Kukës, vlera 1 800 000 euro.

Pronar me 50 % i Hotel-Turizmi, Pukë, vlera 1 650 000 euro.

Gjendja cash, 1 400 000 lekë.

Kryetari i bashkisë Kukës, Bashkim Shehu, (deklarata 2015)

Pronar i një ap. me sip. 102 m2 në Tiranë, vlera 81 600 euro.

Pronar me 25 % i një toke arë me sip. 1580 m2, në komunën Farkë, vlera 500 000 lekë.

Gjendja e llogarisë depozitë në “Intesa Sanpaolo Bank”, 5 200 dollarë.

Pronar i një makine “Fiat Punto”, vlera 70 000 lekë.

Pronar i një makine “Audi Q7”, vlera 700 000 lekë.

Të ardhura nga puna si shef sigurimi në “Alb-Force Security” për periudhën janar-korrik 2015, 14 000 dollarë.

Të ardhura nga puna e bashkëshortes si specialiste IT në “Alb-Force Security”, 9 600 dollarë.

Të ardhura nga paga e bashkëshortes si pedagoge në Fakultetin e Ekonomisë, Universiteti i Tiranës, 50 000 lekë.

Kredi bankare në “BKT”.

Kryetari i bashkisë Librazhd, Kastriot Gurra (deklarata 2014)

Gjendja e llogarisë bankare në “BKT”, 5 034 lekë.

Gjendja e llogarisë bankare në emër të bashkëshortes në “BKT”, 9 824 lekë.

Gjendja e llogarisë bankare në “Raiffeisen Bank”, 950 000 lekë.

Gjendja e llogarisë bankare në “Raiffeisen Bank, 142 451 lekë.

Gjendja e llogarisë bankare në “Fibank”, 617 lekë.

Të ardhura nga paga si drejtor i ALUIZNI-t, Elbasan, 77 986 lekë/muaj.

Të ardhura nga paga si anëtar i Këshillit të qarkut Elbasan, 9 360 lekë/muaj.

Të ardhura nga paga si anëtar i Këshillit të komunës Qukës, 7 155 lekë/muaj.

Të ardhura nga paga e bashkëshortes, 41 000 lekë/muaj.

Të ardhura nga paga e bashkëshortes në komunën Lunik, 18 000 lekë/muaj.

Të ardhura nga paga e bashkëshortes në komunën Velçan, 18 000 lekë/muaj.

Kredi bankare në “BKT”, 1 900 000 lekë. Detyrimi financiar i pashlyer, 1 728 665 lekë.

Kredi bankare në “BKT”, 350 000 lekë. Detyrimi financiar i pashlyer, 183 146 lekë.

Zbardhet pasuria e Rirës, Damzit e Deçkës

 Kryetarja e bashkisë Prrenjas, Miranda Rira (deklarata 2014)

Të ardhura nga paga si deputete, 1 303 961 lekë.

Të ardhura nga pjesëmarrja në komisione, 100 800 lekë.

Të ardhura nga paga si pedagoge e jashtme pranë Universitetit të Tiranës, 80 000 lekë.

Të ardhura nga paga si pedagoge e jashtme pranë Universitetit të Elbasanit, 114 322 lekë.

Të ardhura nga bonuse për shpenzime karburanti, telefoni dhe dieta ditore, 1 163 581 lekë.

Kredi bankare në një bankë të nivelit të dytë, 2 800 000 lekë me afat 5 vjet dhe normë interesi 13.89 %.

Detyrimi financiar i pashlyer 817 132 lekë.

Bashkëshorti, Julian Çota

Të ardhura nga paga 1 267 000 lekë.

Kryetari i bashkisë Bulqizë, Melaim Damzi, (deklarata 2014)

Pronar me 88 % i një fabrike për prodhimin e ujit me gaz me sip. 275 m2+ truall me sip. 1500 m2, vlera 15 500 000 lekë.

Pronar i një ap. me sip. 67 m2, në Peshkopi, vlera 3 500 000 lekë.

Pronar i një makine “Land Rover”, vlera 600 000 lekë.

Pronar i një ap. me sip. 89 m2 në Tiranë, vlera 8 400 000 lekë.

Të ardhura nga paga si prefekt i Dibrës dhe profesioni si mjek kirurg, 960 000 lekë.

Të ardhura nga pagesa si ekspert mjeko-ligjor, 40 000 lekë.

Të ardhura nga paga e bashkëshortes si mjeke kirurge, 1 200 000 lekë.

Të ardhurat nga interesat e në një depozite bankare, 72 000 lekë.

Depozitë kursimi në “Credins Bank”, 1 371 000 lekë.

Detyrimi për shlyerje huaje, 5 000 000 lekë.

Detyrim ndaj një personi të tretë, 3 000 000 lekë.

Detyrim ndaj një personi të tretë, 2 000 000 lekë.

Kryetari i bashkisë Dropull, Ahilea Deçka (deklarata 2014)

Të ardhura nga paga (për 6 muaj), si instruktor, 45 710 lekë.

Të ardhura nga paga (për 6 muaj), si drejtor i komanduar i Drejtorisë Rajonale të Formimit Profesional Publik, Gjirokastër 62 000 lekë.

Të ardhura nga paga e bashkëshortes në Drejtorinë Arsimore Gjirokastër, 470 000 lekë.

Të ardhura nga pensioni i babait, 140 000 lekë.

Të ardhura nga pensioni i nënës 62 000 lekë.

Bashkëshortja, Eli Deçka

Pronarë e një makine “Mercedez Benz”, vlera 700 000 lekë.

Pronare me 50 % e një shtëpie private me sip. 120 m2 në fshatin Jorgucat, Gjirokastër, vlera 5 000 000 lekë.

Pronare me 100 % e 3 dynym tokë bujqësore, fituar sipas ligjin 7501, vlera 1 500 000 lekë.

Gjendja cash, 1 840 000 lekë, pjesa takuese 50 %.

Gjendja cash, 50 000 euro, pjesa takuese 50 %.

Publikohen llogaritë bankare dhe pronat e Kaprit, Lelit e Shupulit

Kryetari i bashkisë Vlorë, Dritan Leli, (deklarata 2014)

Pronar me 50 % i një ap. me sip. 144 m2 në Tiranë, pjesë e regjimit martesor, vlera 67 000 euro.

Pronar me 16.6 % i një ap. me sip. 87 m2, në Vlorë, vlera 29 324 lekë.

Detyrim për t’u paguar, 14 000 lekë.

Detyrim për t’u paguar, 95 000 euro.

Gjendja e llogarisë bankare në “Bankën Kombëtare Tregtare”, 272 347 lekë.

Gjendja e llogarisë bankare në “Tirana Bank”, 9 927 lekë.

Gjendja e llogarisë bankare në “Credins Bank”, 7 311 lekë.

Të ardhura të siguruara nga shërbimi ndaj Cardio Dignostic Center, 5 000 euro.

Pronar i një autoveture “ML 270 CDI”, vlera 2 500 euro.

Pronar me 50 % i një autoveture “Lang Rover”, vlera 35 000 euro.

Gjendja e llogarisë bankare në Bankën Kombëtare të Greqisë, 42 000 euro, pjesa takuese 50 %.

Gjendja e llogarisë bankare në Bankën Kombëtare të Greqisë, 2 000 000 lekë, pjesa takuese 50 %.

Të ardhura nga paga si administrator i shoqërisë “RX PHARMA”, shpk, për periudhën janar-qershor 2015, 417 640 lekë.

Të ardhura nga paga si mjek në QSUT, për periudhën janar-qershor 2015, 316 424 lekë.

Të ardhura nga paga si mjek në spitalin “Hygeia”, për periudhën janar-prill 2015, 204 318 lekë.

Kredi bankare në “Bankën Kombëtare të Greqisë”, 47 000 për 17 vjet me normë interesi 8.9 %. Detyrimi financiar i pashlyer, 24 678 euro.

Kredi bankare në “Bankën Kombëtare të Greqisë”, 30 000 euro për 20 vjet me normë interesi 7.49 %. Detyrimi financiar i pashlyer, 22 830 euro.

Bashkëshortja, Suela Leli

Gjendja e llogarisë bankare në “BKT”, 7 765 lekë.

Të ardhura nga puna si mjeke në Spitalin Universitar Obstetrik Gjinekologjik, “Mbretëresha Geraldinë”, 437 916 lekë.

Kryetari i bashkisë Pogradec, Eduart Kapri, (deklarata 2015)

Pronar i një ap. me sip. 168.53 m2 në Pogradec, vlera 7 881 895 lekë.

Gjendja e llogarisë bankare në “BKT”, 24 803 lekë.

Gjendja e llogarisë bankare në “Tirana Bank”, 324 095 lekë.

Pronar i 37 bodrumeve me sip. 555 m2 në Shëngjin, Lezhë.

Pronar i 3 njësive me sip. 1909.42 m2 në Shëngjin, Lezhë.

Pronar i 45 ap. me sip. totale 3054.96 m2 në Shëngjin, Lezhë.

Gjendja cash, 1 400 000 lekë.

Të ardhura nga paga si administrator i firmës “REAL-2” shpk, 26 640 lekë/muaj.

Të ardhura nga paga si kryetar i këshillit bashkiak, Pogradec, 7 650 lekë/muaj.

Kryetar i Bashkisë Përmet, Niko Shupuli (deklarata 2014)

Gjendja e llogarisë bankare në “Tirana Bank”, 31 598 lekë.

Gjendja cash, 73 000 lekë.

Të ardhura nga paga si kryetar komune, 552 380 lekë.

Të ardhura nga pagesa si anëtar i Këshillit të qarkut Gjirokastër, 117 900 lekë.

Bashkëshortja, Lorena Shupuli

Të ardhura si pagesë nga lejë lindja, 35 921 lekë.

  • twitter
  • facebook
  • linkedin
Fjalë kyçe: , , ,
1 Comments
  • author avatar
    destinykings 8 years ago Reply

    Unë do të doja të them ju falënderoj për Destiny financave mbretërit e huasë për të gjitha gjërat që kanë ndihmuar mua me. Unë kam një familje të madhe, dhe çdo herë kemi pasur një financave mbretërit kriza Destiny Kredi na ka ndihmuar jashtë. Unë falënderoj Perëndinë për ndihmën që i kanë dhënë për mua dhe familjen time, email atyre sot at{[email protected]

    { [email protected]}

Komentet

Lajme të ngjashëm

Ukraina qëllon Rusinë me raketa britanike me rreze të gjatë veprimi

VOA/Henry Ridgwell

Njoftohet se Ukraina ka përdorur për herë të parë raketa britanike të tipit “Storm Shadow” me rreze të gjatë veprimi për të goditur objektiva brenda Rusisë. Siç njofton korrespondenti i Zërit të Amerikës Henry Ridgwell nga Londra, sulmi ukrainas vjen pas njoftimeve se Presidenti Joe Bien vendosi në fillim të javës që ta lejojë Kievin të përdor raketa amerikane me rreze të gjatë veprimi për të goditur objektiva në brendësi të Rusisë.

Mediat britanike njoftuan të mërkurën se Ukraina kishte përdorur për herë të parë raketa të tipit “Storm Shadow”, të furnizuara nga Britania, për të goditur objektiva brenda territorit rus. Raketa të tilla janë përdorur në të kaluarën kundër forcave ruse në territoret e pushtuara të Ukrainës, si vitin e kaluar, kur u godit shtabi i flotës ruse të Detit të Zi në Krime.

Londra dhe Kievi nuk e kanë konfirmuar sulmin e djeshëm.

Në fillim të kësaj jave, ushtria ukrainase përdori raketa me rreze të gjatë veprimi, të furnizuara nga Shtetet e Bashkuara, për të goditur në thellësi të territorit rus, pas miratimit nga Uashingtoni.

Franca gjithashtu e ka furnizuar Ukrainën me raketa me rreze të gjatë veprimi. Por raketat evropiane dallojnë nga ato amerikane, thotë për Zërin e Amerikës analisti Patrick Bury nga Universiteti Bath.

“Ato janë raketa që lëshohen nga ajri dhe kanë një rreze veprimi prej 250 kilometrash. Raketat amerikane kanë një rreze më të gjatë veprimi dhe nuk lëshohen nga ajri, ndaj janë më të vështira që të eliminohen, të paktën në teori”.

Dy sistemet e raketave ofrojnë mundësi për objektiva të reja.

“Rrezja e veprimit të dy llojeve të raketave është e mjaftueshme për të depërtuar brenda territorit dhe goditur infrastrukturën ruse, duke ndërprerë furnizimet për frontin e luftës. Rrezja e veprimit nuk është aq e rëndësishme sa fakti që Ukraina ka nevojë për sasi të mëdha raketash dhe sa më shpejt të jetë e mundur”, thotë për Zërin e Amerikës, James Nixey, i cili drejton programin Ruso-Euroaziatik në Institutin Mbretëror për Çështjet Ndërkombëtare që njihet edhe si Chatham House.

Ukraina duhet të zgjedhë me kujdes objektivat e saj, thotë analisti Bury.

“A do të lejohen ata (Ukraina) që ta shtojnë trysninë dhe të godasin infrastrukturën energjetike, ushtarake, rafineritë e naftës, objektiva që do të fillonin me të vërtetë të dëmtonin ekonominë ruse? Kjo është pyetja.”

Por Gjermania, furnizuesi i dytë më i madh i Ukrainës me armë, e përjashtoi këtë javë mundësinë që t’i ofronte Kievit raketa me rreze të gjatë veprimi. Berlini druhet se mund të përfshihet në luftë.

“Asgjë nuk ka ndryshuar për ne, situata dhe rrethanat janë të njëjta. Raketat gjermane nuk janë si ato amerikane apo britanike. Këndvështrimi ynë për këtë çështje është i njëjtë”, tha shefi i mbrojtjes gjermane, Boris Pistorius.

E ardhmja e ndihmës ushtarake perëndimore për Kievin mbetet e pasigurt. Presidenti i zgjedhur amerikan, Donald Trump, është zotuar t’i japë fund luftës në ditën e parë që merr detyrën. Kievi i druhet tërheqjes së mbështetjes amerikane. Analisti Bury thotë se Britania dhe Franca mund të vendosin që të vazhdojnë furnizimin e Ukrainës me raketa.

“Dy vendet kanë armë bërthamore dhe mund të rrezikojnë nëse duan. Mund të gjenden dallime mes NATO-s evropiane dhe asaj amerikane për disa çështje politike lidhur me Ukrainën”.

Pas vendimit të Uashingtonit për ta lejuar Ukrainën që të godasë territorin rus me raketa amerikane, Moska uli kufizimet për përdorimin e armëve bërthamore.

protestuesja lexon mesazhin e nënës së Martinit: Asnjë prind mos u provoftë me një dhimbje të tillë! Boshllëk që s’mbyllet kurrë

Po mbahet sot protesta e qytetarëve në lidhje me vrasjen e 14-vjeçarit Martin Cani.

Një nga protestueset ka lexuar një sms që pretendon se i është dërguar nga nëna e viktimës.


Me fjalë dhimbjeje, nëna e vogëlushit tashmë të ndjerë shkruan se i biri ishte i mbushur me ëndrra të cilat ia morën, ndërsa shton se nuk ka fund mirënjohja për personat që iu gjendën të birit në momentet e tij të fundit në këtë jetë.

“Na ka lënë pas një boshllëk që nuk do të mbushet kurrë. Falenderoj popullin shqiptar për mbështetjen në këto momente të vështira. S’di sa mirënjohëse jam për ata që ju gjenden aty Martinit në momentet e tij të fundit.
Martini ishte i mbushur me ëndrra dhe jetë, ja morën të dyja. Si nënë që jam uroj që askush të mos provohet më një dhimbje të tillë. Me respekt Florina dhe Angel Cani”, shkruan e ëma e 14-vjeçarit në mesazh.

Protesta për vrasjen e 14-vjeçarit/ Prindër e nxënës hedhin bojë të kuqe para Ministrisë së Arsimit

Prindërit dhe nxënësit kanë hedhur bojë në asfaltin para Ministrisë së Arsimit te Rruga e Durrës në shenjë proteste pas vrasjes së 14-vjeçarit Martin Cani.

Me pankarta të shumta në duar, me mesazhe për institucionet, shoqërinë, por edhe për 14-vjeçarin e vrarë, qytetarët kanë kërkuar drejtësi dhe siguri.BW

“Institucionet e papërgjegjshme vrasin”, qindra qytetarë mbushin rrugët e Tiranës dhe marshojnë drejt ministrisë së Arsimit

TIRANË

Qindra qytetarë kanë mbushur sot rrugët e Tiranës në shenjë protestë pas vrasjes së 14-vjeçarit Martin Cani duke kërkuar siguri.

Prindërit janë mbledhur fillimisht te shkollë “Fan Noli” dhe më pas kanë marshuar drejt sheshit “Skënderbej” me një pankartë gjigande në krye “Institucionet e papërgjegjshme vrasin” dhe bënë apel për marrjen e masave.

“Nuk ka dhimbje më të madhe. Ai ishte si djali im se ishte shoku i djalit tim. Nuk di çfarë të them, jam shumë i prekur. Ai i ka fut thikën të gjithëve”, tha një prind.

“Apel shtetit shqiptar të mos flejë gjumë, mjaft më. Nuk durohet”, tha një prind tjetër. BW

“Jetojmë me frikë”, prindërit protestë për vrasjen e 14-vjeçarit: Ndihemi të pasigurt, qeveria të marrë masa! Mund të ketë efekt zinxhir

TIRANË

Qytetarë të shumtë kanë dalë sot në protestë për vrasjen e 14-vjeçarit pak ditë më parë në dyert e shkollës “Fan Noli” në Tiranë. Teksa fajësojnë institucionet për vdekjen e Martin Canit, prindërit janë të ndarë për mbylljen e rrjeteve sociale, një propozim i hedhur dje në diskutim nga kryeministri Edi Rama. Ata kërkuan dorëheqjen e ministres së Arsimit dhe marrjen e masave urgjente nga qeveria.

“Jetojmë të pasigurt, jetojmë me frikë. Ministrja e Arsimit duhet të japë dorëheqjen urgjentisht deri te oficerja e sigurisë që nuk ka bërë gjë.

Bullizimi në rrjetet sociale është një gjë që i shqetëson shumë të rinjtë sot. Ne këtu duam të vëmë theksin te Ministria e Arsimit, është inekzistente. E keni parë si i është mbyllur goja elitës intelektuale.
Unë i kërkoj qeverisë, ministres së Arsimit të japë dorëheqjen. Ndihemi të pasigurt. Unë kam dy vajza, vajza ime shkon në një shkollë ku rreth e qark shitet drogë. Ne duam siguri publike. Sot shoqëria shqiptare po pëson një krizë të vlerave. Është rritur mosha e minorenëve që kryejnë krime”, tha një prind.
Një vajzë 10-vjeçare që iu bashkua protestës tha se ndihet e tmerruar kur del nga shkolla.

“Të rriten masat e sigurisë në shkolla. Të kontrollohen çantat. Rrjetet sociale i shkatërruan. Celularin në dorë. T’i mbyllin rrjetet sociale. Do ishte zgjedhje. Nuk kontrollohet ajo. Në Kinë ta kontrollosh TikTokun. Duhen mbyllur dhe bashkëpunim me prindërit. Djali do ishte gjallë po të ishin bërë bashkë drejtoresha e shkollës, mësuesit, prindërit. Këtu ka dhe një problem se bëjnë dhe të tjerët, mirë ia bëri ai thonë. Ka efekt zinxhir”, tha një tjetër prind.

Një nënë u shpreh se prindërit duhet t’i kontrollojnë fëmijët.
“Nuk jam për mbylljen e rrjeteve sociale, prindërit e bëjnë zgjidhjen. Ata duhet t’i kontrollojnë”, tha ajo.
“Çfarë të them, a ka më keq?! Unë jam gjysh, a ka më keq për një gjyq. Mendoj se faji është tek Arsimi. Ministrja e Arsimit duhet të kishte dhënë dorëheqjen vetë në mënyrë urgjente në shenjë respekti”, u shpreh një i moshuar.BW

Osmani: Rrezikimi i partneritetit me aleatët e cenon vetë mbrojtjen e Kosovës

Presidentja e Kosovës, Vjosa Osmani, ka thënë gjatë një fjalimi vjetor në Parlamentin e vendit se rrezikimi dhe cenimi i marrëdhënieve me shtetet aleate cenon vetë Kosovën dhe është gabim strategjik.

“Të punosh me ata që na kanë ndihmuar ta kemi lirinë e shtetit, asnjëherë nuk është nënshtrim e as shantazhim. Besoj fuqishëm se forca jonë më e madhe qëndron pikërisht në aleancat tona”, tha Osmani të enjten në Kuvendin e Kosovës.

Duke folur në një seancë të bojkotuar nga dy prej tri partive më të mëdha opozitare, Partia Demokratike e Kosovës dhe Aleanca për Ardhmëninë e Kosovës, presidentja e vendit tha se “aleanca e Kosovës me vendet e tjera është më e madhe dhe më e rëndësishme se cilido prej nesh si politikan”.

Ajo bëri thirrje që Kosova t’i ruajë aleancat e saj, sepse ato, sipas saj, janë “gur themel i sukseseve tona dhe investim në të ardhmen tonë, ku Kosova do të jetë anëtare e barabartë në komitetin euroatlantik të kombeve të lira”.

“Aleancat janë këtu për të na mbrojtur, prandaj vënia në rrezik e tyre, luajtja bixhoz me to, apo cenimi i tyre, e cenon vetë mbrojtën e republikës sonë”, tha ajo.

Qeveria e Kosovës, e udhëhequr nga kryeministri Albin Kurti nga Lëvizja Vetëvendosje, është kritikuar dhe akuzuar gjatë këtij viti nga Shtetet e Bashkuara, aleati kryesor i vendit, si dhe nga Bashkimi Evropian, për veprime të “njëanshme dhe të pakoordinuara” në veriun e banuar me shumicë serbe.

Gjatë këtij viti, Qeveria e Kosovës ka ndërmarrë një sërë hapash për ta shtrirë autoritetin në veriun e banuar me shumicë serbe, duke mbyllur institucionet paralele serbe.

Kurti vazhdimisht këmbëngul se veprimet e Qeverisë së tij nuk janë të drejtuara kundër askujt, se ndjek Kushtetutën dhe ligjet e Kosovës dhe se marrëdhëniet me SHBA-në janë të mira, përkundër mospajtimeve për disa çështje.

Osmani tha gjatë adresimit të saj se “asnjëherë nuk i kam kuptuar e as mirëkuptuar, as talljet që bëhen në llogari të aleatëve as sulmet ndaj tyre, e as keqpërdorimin e tyre për të fituar pushtet. As njëra e as tjetra nuk i bën nder Kosovës”.

Tutje, Osmani i bëri thirrje spektrit politik të këtë angazhim të madh vitin e ardhshëm për anëtarësimin e vendit në organizata ndërkombëtare.

“Ka disa gjëra që kërkojnë vëmendje dhe angazhimin e të gjithëve gjatë vitit 2025. Anëtarësimi në Këshillin e Evropës, avancimi i aplikimit të Kosovës për anëtarësim në BE, si dhe fillimi i procesit të anëtarësimit në NATO duhet të jenë suksese të vitit 2025”, tha ajo.

Kosova kishte aplikuar për anëtarësim në BE në dhjetor të vitit 2022, por ende nuk e ka statusin e vendit kandidat. Ndërkaq, aplikimi për anëtarësim në Këshillin e Evropës nuk pati sukses për shkak se u kushtëzua me Asociacionin e komunave me shumicë serbe në Kosovë.

Osmani kërkon reflektim rreth qasjes në dialog

Presidentja Osmani tha se dialogu mes Kosovës dhe Serbisë, i ndërmjetësuar nga Bashkimi Evropian prej vitit 2011, ka qenë “fatkeqësisht i pabalansuar” dhe bëri thirrje për reflektim.

Ajo tha se Kosova “është trajtuar padrejtësisht” ndërsa, Serbia është “akomoduar vazhdimisht”.

“Fakti që në tavolinën e dialogut sot, shteti që kreu agresion ndaj Kosovës nuk është nën masa, kurse viktima e këtij agresioni, Kosova, është nën masa, është dëshmia më e qartë e kësaj. Prandaj, është e domosdoshme që të ketë reflektim rreth kësaj qasjeje, nga të gjithë ata që vërtetë duan paqe e stabilitet afatgjatë në rajonin tonë”, tha ajo.

“Por, kjo nuk do të thotë se edhe ne nuk duhet të vetëreflektojmë për rrugën e deritanishme dhe si mund t’i bëjmë gjërat më mirë”, tha ajo.

BE-ja vendosi disa masa ndëshkuese ndaj Kosovës vitin e kaluar për shkak të rritjes së tensioneve në veriun e Kosovës, të banuar me shumicë serbe.

Sipas burimeve diplomatike të BE-së, në diskutimet e fundit për këtë temë, shumica e shteteve anëtare kanë qenë në favor të heqjes së masave, askush nuk ka qenë në mënyrë të prerë kundër heqjes së tyre, por ka pasur dallime rreth asaj se si dhe kur do të bëhet një gjë e tillë.

Ajo tha se këshillat e saj për përmirësimin e procesit të dialogut kanë qenë në shënjestër të “sulmeve të ulëta dhe dezinformatave që s’i kanë hije askujt në Kosovë”.

“Për të qenë edhe më e qartë, kur unë kam propozuar që drafti i asociacionit të fillohet të diskutohet me SHBA-të, në mënyrë që kjo çështje mos t’i lihet as Lajçakut e as të tjerëve që nuk besojnë në pavarësinë e Kosovës, kjo nuk ka nënkuptuar që unë po kërkoj themelim të asociacionit, por ka nënkuptuar se më shumë i kam besuar vetvetes sonë dhe Amerikës, sesa disa burokratëve nga shtetet jonjohëse”, th ajo.

Themelimi i Asociacionit të komunave me shumicë serbe në Kosovë është ndër pikat kryesore të marrëveshjes për normalizimin e marrëdhënieve mes Kosovës dhe Serbisë.

Osmani tha se është akuzuar padrejtësisht dhe me “lloj-lloj shpifjes të ulëta” se ajo ka kërkuar nënshkrimin e njëanshëm të marrëveshjes.

Kurti ka thënë se është i gatshëm ta zbatojë Marrëveshjen Bazë dhe aneksin për zbatimin e saj, për çka Kosova dhe Serbia u pajtuan në fillim të vitit 2023, vetëm nëse Serbia e nënshkruan dokumentin.

Ajo tha se kishte theksuar se zbatimi i marrëveshjes ka kuptim vetëm nëse zbatohet nga të dyja palët, dhe se, si alternativë, ajo kishte kërkuar që Kosova, nëse e sheh që Serbia nuk po e zbaton pjesën e saj, të diskutojë me aleatët e vet për zbatimin e përgjegjësive të saj në marrëveshje, nëse merr garanci për sigurinë nga SHBA-ja, përfshirë anëtarësim në NATO.

“Thënë troç, për mua, më shumë sesa nënshkrimi i presidentit të Serbisë ka rëndësi nënshkrimi i Presidentit të Amerikës. Shpresoj që jam mjaftueshëm e qartë”, tha Osmani. REL

Presidentja Osmani sot i adresohet Kuvendit të Kosovës

Kuvendi i Kosovës ditën e sotme do të mbajë seancë plenare. Presidentja e Republikës së Kosovës do t’i drejtohet deputetëve në Kuvend në ora 09:30.

Me aktin më të lartë juridik të shtetit është e përcaktuar që sё paku një herë në vit kreu i shtetit t’i drejtohet Kuvendit të Kosovës përkitazi me fushëveprimtarinë e tij/saj.

Pas adresimit të Osmanit, do të nis seanca plenare me fillim nga ora 10:00 me vetëm një pikë të rendit të ditës.

Në rend dite do të jetë shqyrtimi i dytë i Projektligjit për ndarjet buxhetore për vitin 2025. sn

UGSHPD: NJË JETË NËN DHÈ DHE JETËT TONA MBI DHÈ

Sa tragjike mbetet ngjarja e humbjes së jetës së një djaloshi 14 vjeçar në nga një përfshirje konflikti me thika mes tre adoleshentëve në afërsi të një shkolle ku ata ishin bashkënxënës?
Njëri humbi jetën, një tjetër në luftë për jetën dhe një tjetër në arrest për të pritur gjykimin.
A reflektoi shoqëria shqiptare për t’u tërhequr dhe bërë një pauzë heshtje për të treguar reagimin qytetar ndaj dhunës verbale, vrasjeve gjaknxehta dhe krimeve që ndodhin rëndom gjatë çdo dite?
Për të gjetur arsyet dhe shpjegimet duhet gjakftohtësi gjatë çdo pyetje që ngrihet për çështjen nga shoqëria shqiptare për t’ju drejtuar çdo institucioni, prej familjes, shkollës, rendit dhe sigurisë, të mediave që bëjnë krye-lajm ngjarjet tragjike, e përtej qeverisë dhe presidentit për të arritur në Kuvendin e Republikës së Shqipërisë.
Përse do të ndaleshim këtu?
Sepse ngjarja e përsëritur nuk mban më.
Pavarësisht buxhetit 2025 ku prej dy ditësh u dëgjuan shifra dhe “përkujdesje” për çdo grupmoshë dhe si për çdo veprimtari të jetës shoqërore dhe ekonomike drejt BE-së 2030, në një kohë kur kriza dhe korrupsioni po e gërryejnë shoqërinë shqiptare nga keq qeverisja.
Është e kotë të bësh propagandë dhe të spekulosh mbi ngjarjen tragjike që përsëritet.
Vetëm dje në qoftë se do të ekzistonte fryma e njerëzishme e pajtimit, e kthimit për të reflektuar mbi humbjen e jetës kur në një konflikt përfshihen të rinjtë, kryetarja e Kuvendit* mund të mblidhte kryetarët e grupeve parlamentare dhe në mënyrë solemne të mbanin heshtje dhe ta pezullonin debatin e buxhetit 2025 për një ditë më të qetë. Por kjo nuk ndodhi, “portat e ferrit” mbetën hapur dhe breshëritë e replikave të politikës vazhduan gjatë. Çuditërisht gjatë sa na befasuan të gjithëve se si ky buxhet e vazhdon maratonën në një kohë kur ai i një viti më parë u mbyll për 7 minuta me fuqinë e kartonit të mazhorancës dhe protestave të opozitës.
Kanë ndryshuar vetëm kryetaret e Kuvendit, kanë ndryshuar shifrat dhe premtimet në rritje, por cilësia dhe siguria e jetës është përkeqësuar dhe vendi po shkon drejt zgjedhjeve të përgjithshme.
Është koha që që të gjithë të reflektojmë. Çdo deklaratë dhe qendrim duhet të jetë i matur para dhimbjes dhe zisë që shkakton dhe këto fatkeqësisht janë bërë të shpeshta dhe njerëzit po ashtu edhe të shkujdesur.
Nga një përfshirëje konflikti me thika mes tre adoleshentëve gjen tre histori dhimbjeje.
Një jetë që ndërpritet…
Një jetë që përpiqet…
…dhe një jetë që do të marrë dënimin.
Këto tre trauma psikike dhe emocionale në luftë për jetën shoqëria shqiptare ka nevojë të reflektojë dhe të gjejë shërimin. Një jetë nën dhè dhe jetët tona mbi dhè i shëron vetëm paqja, dashuria, ai popull dhe ajo politikë qeverisjeje që e kanë vullnetin për t’ja mbyllur shtigjet krimit dhe korrupsionit.
______
* Sipas ATSH- Kryetarja e Kuvendit, Elisa Spiropali u shpreh se “kjo është ngjarje shumë e rëndë dhe shumë tragjike për t’u trajtuar me këtë lehtësi në këtë kërkesë për procedurë. Duhet të bisedojmë në rast se vendoset për një kohë të përshtatshme dhe për diskutime shumë më të thella për këtë çështje si për procedurë edhe për arsyet e shkaqet”.Spiropali theksoi se “deputetët nuk janë të gjithë dhe do të ishte mungesë ekstreme respekti së pari për viktimën dhe familjen e tij, mos ta përdorim për politikë të ditës të gjejmë një kohë të përshtatshme”.Pavarësisht kësaj deputetët e PD-së janë ngritur më këmbë dhe kanë mbajtur një minutë heshtje për 14 vjeçarin.
20 Nëntor, 2024

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

NATO mobilizon 800 mijë trupa! Europa gati për luftë!

Kombet evropiane po përgatiten për një luftë të gjithanshme në kontinent pasi Ukraina lëshoi raketa të prodhuara nga SHBA në Rusi për herë të parë duke përbërë një kërcënim real për një luftë të gjithanshme. Sipas një dokumenti prej 1000 faqesh të titulluar ‘Plani Operacional Gjerman’, të bërë publik nga media gjermane “Frankfurter Allemagne Zeitung”, thuhet se Gjermania do të presë qindra mijëra trupa nga vendet e NATO-s dhe do të shërbejë si qendër logjistike për dërgimin e sasive të mëdha të pajisjeve ushtarake, ushqimeve dhe ilaçeve drejt frontit.

Ushtria gjermane po udhëzon gjithashtu kompanitë dhe civilët se si të mbrojnë infrastrukturën kryesore dhe të mobilizohen për mbrojtjen kombëtare, duke parashikuar një situatë në të cilën Rusia zgjeron fluturimet me dron, operacionet e spiunazhit dhe sulmet sabotuese në të gjithë Evropën.

Po ashtu, bizneset janë këshilluar të krijojnë plane krize të cilat detajojnë përgjegjësitë e punonjësve gjatë emergjencave dhe do të udhëzohen të pajisen me gjeneratorë me naftë ose të instalojnë turbina me erë për të siguruar pavarësinë energjetike, shkruan A2 CNN. Përgatitja e Gjermanisë ndjek shembujt e vendosur nga vendet nordike, ku broshurat dhe emailet tashmë janë dërguar në miliona shtëpi me këshilla për kërkimin e strehimit, grumbullimin e furnizimeve dhe stërvitjen rudimentare ushtarake.

Nënkoloneli gjerman dhe kreu i Komandës së Shtetit të Hamburgut, Jörn Plischke, është një avokat i vendosur i nevojës për t’u përgatitur për një luftë të mundshme në Evropë dhe ka nisur një përpjekje për të fuqizuar sektorët industrialë dhe bujqësor të Gjermanisë. Pas sulmit të Rusisë në Ukrainë, një luftë konvencionale në Evropë do të ishte e mundur përsëri në pesë vitet e ardhshme”, tha gjenerali gjerman nga Hamburgu, aty ku ushtria gjermane po kryen një stërvitje ushtarake.  sn

Ukraina lëshon për herë të parë raketat britanike Storm Shadow në Rusi- Ja çfarë rrezeje kanë

Ukraina ka përdorur për herë të parë raketat me rreze të gjatë Storm Shadow kundër Rusisë.

Sipas The Telegraph, në fshatin Marino, Kursk, janë gjetur fragmente nga një raketë Storm Shadow të mërkurën. Raketa britanike Storm Shadow kanë një rreze veprimi prej 150 miljesh. Kjo do të thotë se Ukraina tani mund të godasë objektiva brenda Rusisë.

Leja nga Britania e Madhe iu dha ukrainasve për të përdorur raketat pasi Joe Biden i dha dritën jeshile Zelensky që të përdorë raketa me rreze të gjatë veprimi të prodhuara nga SHBA brenda Rusisë në fillim të kësaj jave.

  • foto galeri
  • foto galeri
  • foto galeri

Kievi përdori Atacms për të goditur një objekt ushtarak në Bryansk herët të martën.

 

 

Vladimir Putin u përgjigj duke ulur pragun për gjuajtjen e armëve bërthamore ndaj Ukrainës dhe aleatëve të saj.

Raportet nga blogerët ushtarakë rusë sugjeruan se raketa ishte lëshuar pasditen e së mërkurës.

(BalkanWeb)

Situata katastrofike- BE kthen mbrapsht 57 % të eksporteve nga Shqipëria

Shifrat e tregtisë me jashtë pasqyrojnë një situatë katastrofike për cilësinë dhe sigurinë e produkteve që prodhohen në Shqipëri.

Të dhënat e bëra publike nga Forumi Kombëtar mbi Cilësinë dhe Standardet tregojnë se 57 për qind e produkteve shqiptare, që nisen për eksport, kthehen mbrapsht për shkak të cilësisë dhe mungesës së sigurisë.

Prodhuesit shqiptarë përballen me refuzimin e produkteve bujqësore në kufi, për shkak të mungesës së cilësisë dhe standardeve.

Gjatë dekadës së fundit, më shumë se gjysma e refuzimeve erdhi nga tregu i BE-së dhe pjesa tjetër nga Kina e SHBA. Por, që tregu të hapet, po merren masat që prodhimet të kenë standard.

Eksportet bujqësore kushtuan 550 mln euro në vitin 2023, dhe objektivi që ato të arrijnë 1 mld euro në 2030, cenohet nga refuzimet në kufi./KAPITALI

Kurti: S’ka Asociacion, pa e njohur Serbia rendin kushtetues të Kosovës

Marrëveshja e Brukselit dhe Aneksi për zbatimin e saj duhet ta kenë pikënisje tërësinë, e jo vetëm pjesë të saj, ka thënë kryeministri Albin Kurti.

Tek ka folur për obligimet që i përshkruhen Kosovës, përfshirë themelimin e Asociacionit të komunave me shumicë serbe, shefi i ekzekutivit ka thënë për televizionin “Alsat” të Maqedonisë së Veriut se pikënisja duhet të jetë tërësia e Marrëveshjes.

“Nuk është marrëveshja bazike një tryezë suedeze ku mund ta marrësh gjellën tënde të preferuar dhe t’i hedhësh të tjerat. Gjashtë fjali në preambulë, 11 nene në marrëveshje, plus aneksi i zbatimit nga Ohri i marsit të vitit të kaluar me 12 pika, pra duhet ta kemi pikënisje tërësinë, jo ndonjë pjesë duke mohuar tërësinë. Unë e kam diskutuar edhe në Bruksel këtë”, tha Kurti.

Tek i është referuar Asociacionit, kryeministri Kurti ka përmendur një kusht. Ka thënë se themelimi i kësaj trupe nuk mund të bëhet pa e njohur Serbia rendin kushtetues të Kosovës.

“Nuk mund të ofrojë unë kafe pa filxhan. Cili është burimi legal juridik i asociacionit, a është Kushtetuta e Kosovës, apo diçka tjetër. Beogradi thotë nuk e pranoj Kushtetutën e Kosovës. Atëherë pse jemi duke diskutuar. Nuk mund të thuash: Unë kam marrë sa kam marrë, dua të marr edhe më shumë, por ti nuk ekziston. Ata duhet ta pranojnë Kosovën, çkado që kërkojnë për serbët në Kosovë duhet ta kërkojnë përbrenda rendin juridik dhe kushtetutës të Republikës së Kosovës”, shtoi ai.

E në BE e kanë përsëritur qëndrimin se përparimi në dialog është thelbësor për rrugët respektive evropiane të Kosovës dhe Serbisë.

Zëdhënësi Peter Stano, tha për KOHËN se palët kanë marrë përsipër zbatimin e Marrëveshjeve dhe theksoi se është duke u punuar në planin e sekuencimit.

“Nga të dyja palët pritet t’i zbatojnë të gjitha detyrimet e tyre e dialogut pa ndonjë vonesë apo parakushte sipas mënyrës hap pas hapi. Diskutimet për finalizimin e planit të sekuencimit janë duke vazhduar në dialogun e lehtësuar nga BE-ja”.

Kosova dhe Serbia janë pajtuar për Marrëveshjen Bazë në shkurt të vitit 2023 në Bruksel, e një muaj më vonë në Ohër edhe për Aneksin e zbatimit të saj. Por asnjëra prej pikave të Marrëveshjes nuk ka nisur së implementohet.

Marrëveshja 11-pikëshe mes tjerash parasheh një nivel të vetëmenaxhimit për komunitetin serb në Kosovë, njohje të ndërsjellë të simboleve shtetërore dhe që Serbia të mos bllokojë anëtarësimin e Kosovës në organizata ndërkombëtare./KOHA

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend