VOAL – Xherdan Shaqiri është i ngazëllyer për ndeshjen e sontme kundër Italisë në Romë. Kështu ish lojtari i Interit të Milanos tha në konferencën për shtyp: “Mezi pres të luaj këtë ndeshje kundër njerëzve që i njoh, veçanërisht Mancinin, me të cilin kalova një kohë të mirë. Kundër Azzurrëve do të jetë shumë e vështirë, sepse kjo Itali sulmon shumë, nuk është si në të kaluarën. Ata kanë ekuilibër të shkëlqyeshëm, edhe pse nuk ka emra të mëdhenj si Pirlo për shembull. Mancini bëri një punë të shkëlqyeshme “.

Në shumë ndeshje Italia nuk ka pësuar gola dhe ka shënuar shumë, por ne jemi të sigurt

29-vjeçari pastaj flet për skuadrën zvicerane: “Ne kemi luajtur shumë mirë kundër ekipeve të mëdha deri tani, jemi gjithnjë duke u përpjekur të përmirësohemi dhe kundër Italisë secili prej nesh do të duhet të japë 120%.”

Lojtari i Liverpool nuk do të jetë i vetmi që do të përjetojë një kthim të veçantë në Gadishull. Edhe përzgjedhësi Vladimir Petkovic pranon se “është mirë të kthehem në Olimpico pas tetë vjetësh, është hera e parë që jam kthyer në këtë stadium”. Ai pastaj ka ide të qarta në lidhje me ndeshjen e sontme: “Ne duhet të tregojmë cilësitë tona, të befasojmë dhe të mahnisim. Por ne do të duhet të jemi më të shpejtë dhe më cinik”. rsi-eb