Vizatimet e shpellave dhe tatuazhi yt- Poezi nga Fatbardh Amursi

March 30, 2025

Më mirë i rrethuar me heshtje

Se sa me flluska sapuni,

Gjersa në këtë botë plot psera

Me heshtje flet dhe guri.

.

Flet dallga dhe jo shkuma,

Gjuhë e trupit me drithërima emocioni,

Pafka që luanim në fëmijëri

Flet më shumë nga një pllakë gramafoni.

.

Shenjat e gishtit pse i duhen zhgarravitësit,

Sikurse xhinglat në një shpirt djerr,

Kur nga kockë e zogjve orakujt

Zbërthenin kodin e mistertë?!

.

Vizatime naive në shpella,

Botës i përcjellin mesazhe brez pas brezi,

Veçse damkën e skllavit mos e përzje

Me tatuazhin që mban nga qejfi.

.

Shënim: peisazhe nga Arjan Hasanlliu

.

Fatbardh Amursi

• twitter

  Follow
• facebook
• linkedin

Fjalë kyçe: Arjan Hasanlliu, Fatbardh Amursi