*Juncker: Gjermania do të mund të luajë një rol më të rëndësishëm pas largimit britanik
BRUKSEL-Presidenti i Parlamentit Europian Martin Schulz në një dalje publike sot për mediat i ka bërë thirrje Britanisë që të dalë sa më shpejt nga BE. Sipas tij, avokatët e BE-së po punojnë për përshpejtim të procedurave. Sipas tij, deklarata per largim e Cameron për në tetor është e vonuar.
“Kontinenti është peng i luftës se brendshme të një partie. Dyshoj se është në duart e qeverisë së Britanisë. Dorëheqja në tetor nuk duhet të jetë fjala e fundit. Britania të dalë sa më shpejt nga BE. Largimi i Cameron për në tetor është i vonuar. Avokatët e BE po punojnë për përshpejtimin të largimit të saj. Pasiguria, është e kundërta e asaj që kemi nevojë”, tha Schulz.

Juncker u frikësohet kërkesave për më shumë referendume pas Brexit
Presidenti i Komisionit Evropian, Jean-Claude Juncker shprehu frikën për zhvillimin e referendumeve në vende të tjera, pasi britanikët vendosën dje që të largoheshin nga Bashkimi Evropian.

“Zakonisht, populistët nuk e humbin mundësinë që të bëjnë shumë zhurmë kur duan të promovojnë politikat e tyre antievropiane”, deklaroi Juncker për gazetën më të shitur gjermane ”Bild”.

Megjithatë, ai është i bindur se ndikimi i Brexitit do të ndeshet me një propagandë të tillë.
“Ndoshta do të na duhet të tregojmë menjëherë se Britania e Madhe ishte më mirë ekonomikisht në BE. Më mirë edhe nga pikëpamja sociale dhe ajo e politikës së jashtme”, theksoi Juncker.

Juncker gjithashtu hodhi poshtë shqetësimet sipas të cilave BE do të mund të drejtohet tani nga boshti Paris-Romë-Madrid.
”Gjermania do të mund të luajë një rol më të rëndësishëm pas largimit britanik”, theksoi ai.