Matthew Palmer një nga aktorët pro shkëmbimit të territoreve mes Kosovës dhe Serbisë po zbaton politika të rrezikshme në Ballkan. Akuza është bërë nga Sabina Çudiq, Zv/presidente e forcës politike “Partia Jonë” në Bosnje, e cila e ftuar në Syri Tv ka konfirmuar sërish edhe njëherë bisedën me Përfaqësuesin Special të Sekretarit Amerikan të Shtetit për Ballkanin Perëndimor, Mathew Palmer dhe qëndrimin e tij pro ndarjes Kosovës.
Nga SYRI TV.
Matthew Palmer një nga aktorët pro shkëmbimit të territoreve mes Kosovës dhe Serbisë po zbaton politika të rrezikshme në Ballkan. Akuza është bërë nga Sabina Çudiq, Zv/presidente e forcës politike “Partia Jonë” në Bosnje, e cila e ftuar në Syri Tv ka konfirmuar sërish edhe njëherë bisedën me përfaqësuesin Special të Sekretarit Amerikan të Shtetit për Ballkanin Perëndimor Matthew Palmer dhe qëndrimin e tij pro ndarjes Kosovës.
Sabina Çudiq, Zv/presidente e forcës politike “Partia Jonë” në Bosnje e ftuar në Syri Tv në emisionin “A Show” ka konfirmuar sërish edhe njëherë bisedën me Përfaqësuesin Special të Sekretarit Amerikan të Shtetit për Ballkanin Perëndimor Matheë Palmer dhe qëndrimin e tij pro shkëmbimit te territoreve mes Kosovës dhe Serbinë.
Sabina Çudiq pohoi se në 2019 ajo ka qene e ftuar në konferencën me temë “Zgjidhja e të pazgjidhshmes në Ballkanin Perëndimor” në Universitetin “John Hopkins” në SHBA, ku gjatë bisede informale dhe të tensionuar, Palmer edhe në prani të ambasadores së Kosovës në SHBA, Vlora Çitaku i ka shprehur qëndrimin e tij pro ndarjes së Kosovës.
Çudiq u shpreh se Palmer aktualisht është deleguar nga administrata e SHBA për të dhënë një zgjidhje për ligjin zgjedhor dhe zbatimin e gjykimeve në Bosnje Hercegovinë, ndërkohë theksoi se ai aktualisht po zbaton politika të rrezikshme.
Sipas politikanes boshnjake, Palmer tenton zgjidhje afatshkurtra, me benefite për karrierën e tij, por me pasoja të rrezikshme për stabilitetin e rajonit.
Sabina Çudiq konstatoi se BE po përdor liderin e Serbisë si interlukutor për rajonin e Ballkanit dhe kjo do ketë pasoja negative, ndërkohë shtoi se arritjet diplomatike të Shqipërisë e Kosovës, si anëtarësimi në NATO, liberalizimi i vizave apo njohja e Kosovës do t’i shërbejnë Serbisë si barazpeshë. Ajo theksoi se sheh me shqetësim përkrahjen e SOROS për Serbinë.
Çudiq gjatë intervistës theksoi se Kosova dhe arritjet e saj në përballjen me Serbinë duhet të frymëzojnë qytetarët e Bosnje e Hercegovinës dhe klasën politike të këtij shteti.
Sabina Çudiq, në lidhje direkte me ‘Skype’ për “A Show” me Adi Krastën në Syri Tv, rrëfeu detaje nga takimi i saj me Palmer dhe bisedën e tensionuar që ka pasur me të, kur e ka pyetur lidhur me tezën e shkëmbimit të kufijve mes Kosovës dhe Shqipërisë.
Takimi është zhvilluar në prill të 2019-ës në Uashington.
E pranishme gjatë bisedës ka qenë edhe Vlora Çitaku e cila i ka kërkuar politikanes boshnjake që të mos ndërhyjë sepse Kosova dhe Serbia mund të shkojnë drejt një marrëveshje për kufijtë.
“Isha e ftuar në Uashigton për të marrë pjesë në panel me z.Ahmeti dhe folës të tjerë me tutull të “Zgjidhja e të pazgjidhshmes në Ballkanin Perëndimor”. Ideja ishte të ndalim përvojat tona lidhur me proceset e vazhdueshme në Ballkan. U organizua nga universiteti i famshëm John Hopkins dhe instituti ndërkombëtar republikan. Kjo ishte pjesa zyrtare e aktivitetit ku ne morëm pjesë në panel. Ishte në formën e një konference.
Sa i takon pjesës zyrtare të këtij aktiviteti në prill 2019 u zhvillua një takim, një festë kokteji lidhur me atë konferencë, ku në një diskutim jozyrtar, kur isha duke folur me Palmer shpreha shqetësimim tim lidhur me konceptin e shkëmbimit të territoreve dhe po thosha sa katastrofike do të ishte për të gjithë rajonin. Kjo është një çështje që shkon përtej kufijve të Kosovës dhe Serbisë sepse do të prekte të gjithë Ballkanin. Dhe nga biseda kuptova se ai e favorizonte këtë ide. Besoj se nuk mund të ketë zgjidhje të pjesshme në Ballkkan duke prekur një palë, pa marrë në konsideratë palët e tjera të Ballkanit. Unë kam investuar fuqishëm në Kosovë pasi djali im ka një pasaportë kosovare. Zonja Çitaku që në atë kohë ishte ambasadorja e Kosovës në Uashington mori pjesë në këtë diskutim.
Dhe që të dyja programuam një takim në Këshillin e Sigurimit të nesërmen, për një përmbledhje të situatës në Ballkan, veçanërisht në Kosovë dhe Bosnje. Dhe me ne erdhi edhe Shpend Ahmeti. Në bisedën që zhvillova me Palmer, ku ndodhej edhe Çitaku, zoti Ahmeti nuk ishte i pranishëm. Biseda filloi të bëhej e parehatshme kur fillova t’i shpreh idenë time Palmer dhe çfarë mendoja unë për shkëmbimin e territoreve, zonja Çitaku u bashkua me ne dhe reagimi i saj ishte që unë nuk duhej të flisja për këtë temë, nëse Kosova dhe Serbia arrinin një marrëveshje. unë nuk duhej të përfshihesha në këtë bisedë. Unë ktheva përgjigje që nuk mund të ketë zgjidhje të cilat prekin negativisht Bosnjen dhe mendoj se është një zgjidhje shkatërruese për Kosovën.
Zoti Palmer është deleguar nga administrata e SHBA për të dhënë një zgjidhje për ligjin zgjedhor dhe zbatimin e gjykimeve në Bosnje Hercegovinë. Janë këta aktorë që kanë mbështetur idenë e shkëmbimit të territoreve mes Kosovës dhe Serbisë dhe aktualisht po zbatojnë politika të rrezikshme”.
Po mbahet sot protesta e qytetarëve në lidhje me vrasjen e 14-vjeçarit Martin Cani.
Një nga protestueset ka lexuar një sms që pretendon se i është dërguar nga nëna e viktimës.
Me fjalë dhimbjeje, nëna e vogëlushit tashmë të ndjerë shkruan se i biri ishte i mbushur me ëndrra të cilat ia morën, ndërsa shton se nuk ka fund mirënjohja për personat që iu gjendën të birit në momentet e tij të fundit në këtë jetë.
“Na ka lënë pas një boshllëk që nuk do të mbushet kurrë. Falenderoj popullin shqiptar për mbështetjen në këto momente të vështira. S’di sa mirënjohëse jam për ata që ju gjenden aty Martinit në momentet e tij të fundit.
Martini ishte i mbushur me ëndrra dhe jetë, ja morën të dyja. Si nënë që jam uroj që askush të mos provohet më një dhimbje të tillë. Me respekt Florina dhe Angel Cani”, shkruan e ëma e 14-vjeçarit në mesazh.
Mijëra qytetarë shkodranë i janë bashkuar thirrjes së opozitës për të marshuar në qytetin e Shkodrës kundër krimit politik i cili po merr jetë njerëzish të pafajshëm çdo ditë e më shumë, ku më së fundi u vranë tre persona në një atentat kriminal në mes të ditës.
Në shenjë solidariteti me qytetarët e ndershëm dhe të lirë të Shkodrës, opozita me në krye Partinë Demokratike ka ndërmarrë një marshim civil në pedonalen e qytetit.
‘Qytetnimi asht ma i fortë se krimi! Po na vrasin, duhet reagim’, është pankarta gjigante që mbajnë në duar qytetarët, ndërkohë që marshojnë në rrugët e qytetit. sn
Deputeti Tomorr Alizoti në një deklaratë për mediat përpara drejtorisë së policisë në Elbasan është shprehur që policia është sjellë në mënyrë shumë të dhunshme kundër protestuesve paqësorë.
Alizoti i ka bërë thirrje demokratëve që të rezistojnë pasi kur regjimet janë të frikësuar bëjnë presion dhe kur nuk bëhet më politikë prodhohet polici dhe kur dhuna është prezente shteti është në kulmin e dobësisë.
“Unë kam qenë drejtues i një qarku të majt si Berati dhe policia nuk ishte në këtë formë që është policia e Elbasanit. Vetë në Elbasan kam parë makina policie me xhama të zinj që nuk i ndaj dot nga gangsterat. Ne kemi përgjimet në SKY që drejtori i policisë së Elbasanit që komunikon me banditët.
Nëse ata do të merren me qytetarët e thjesht që protestojnë, asi njerëzit nuk protestojnë në atmosferë, por në tokë se aty jetojnë. Protesta është zemërim. Përse njerëzit protestojnë në Berlin ose Greqi duke e zënë rrugën, pasi kërkojnë të prodhojnë një anomalitet për të treguar zemërimin e tyre. A e dini ju që drejtorë policie janë arratisur, policia është bashkautorë në krim, drejtorët kanë vila kudo dhe policia e shtetit është shumë e dhunshme. Nuk ka një drejtues policie që të thotë një emër të kriminelëve.
Përse duhet të sillen policët si horra me makina 100 mijë euro ndër qytetarët jetojnë me 5 euro.
Ne nuk e lëmë këtë punë, për mua është pasion të luftoj kundër pisave. Ambulancat janë rrengje që vijnë bosh, kur bën Veliaj bën maratonë nuk vjen asnjë ambulance ndërsa sa të bëjmë ne një protestë vijnë ambulancat pa fund. Hapi jonë është rezistencë, ne u sollëm si qytetarë me policinë por nëse policia sillet si garipe me ne do të përballemi më fort.
I bëj thirrje demokratëve të protestojnë, të rezistojnë pasi kur regjimet janë të frikësuar bëjnë presion dhe kur nuk bëhet më politikë prodhohet polici dhe kur dhuna është prezente shteti është në kulmin e dobësisë.” sn
Pas rreth dy orë nga momenti i nisjes së protestës së opozitës në 6 pika nevralgjike, një prej të cilave është te ish-sheshi Shqiponja, kanë nisur edhe tensionet e para.
Kjo për faktin se forcat e policisë janë pozicionuar për të shpërndarë protestuesit e mbledhur në këtë pikë.
Deputetët e PD-së, Albana Vokshi dhe Asllan Dogjani, dhe më parë Flamur Noka, i kanë drejtuar një thirrje policisë që të mos provokojnë.
Një kordon policor i FNSH, me skafandra dhe mburoja, janë pozicionuar, ndoshta në një tentativë për të ndërhyrë dhe për të shpërndarë protestuesit.
“Shtyhuni andej, nëse ju provokon dikush jam unë këtu. Ikni, merrem unë me protestuesit, nëse dikush ju proteston. Mbani pozicionin tuaj, deri në orën 20:00 do jemi ne këtu. Shtyjuni, mos na provokoni”, iu drejtua Dogjani, disa punonjësve të policisë, të vendosur në kordon.bw
Ndryshe nga sa po shohim në të gjitha akset rrugore kryesore të vendit, ku ka nisur tashmë mosbindja civile me bllokimun e rrugëve, një qytetar ka qëndruar krenar përballë Policisë, duke protestuar në një formë ndryshe.
Kjo e fundit e pajisur deri në ‘dhëmbë’ me skafandra e shkopinj gome, qytetari ka gjetur një mënyrë tejet suprizuese për t’i ‘sfiduar’.
I veshur me veshje kombëtare dhe plis në kokë, hipur mbi kalë, qytetari në rrethrrotullimin e Milotit ka gjetur ketë formë për të protestuar.
Me sa duket, kali i ka ‘trembur’ policët, që siç duket edhe nga pamjet, po përpiqen të mbrohen duke u grumbulluar së bashku, gati për sulm… sn
Ashtu siç kishin paralajmëruar, qytetarët kanë dalë në prodtestë këtë të martë, duke bllokuar akset kryesore në vend, në atë që e cilësojnë mosbindje civile.
Në Milot, në rrethrrotullim, drejtuesit e automjeteve kanë fikur makinat e tyre në shenjë solidarizimi me qytetarët, të cilët shprehen kundër këtij regjimi dhe situatës në të cilën ndodhet vendi.
Në rrethrrotullimin e Milotit, siç raporton gazetari i Syri Tv në terren, Fatjon Gjinaj, janë bllokuar të dy krahët e autostradës së veriut,
Kryeministri Edi Rama edhe këtë të dielë është përballur me mllefin e shqiptaro-amerikanëve në Nju Jork, teksa priste të kalonte në anën tjetër të rrugës së bashku me ministrat dhe stafin që e shoqëron në vizitën e tij në SHBA.
Në pamjet e siguruara nga Syri.Net, tregohet se si kryeministri Rama dhe ministrat e tij poshtërohet nga shqiptarët në rrugët e Nju Jorkut.
Video tregon momentet se si një grup shqiptarësh atje, i drejtohen me fjalët: ‘Rama ik’, ‘poshtë komunizmi’, ‘o mafioz’, ‘ik o plehrë’, ‘mafie’ etj.
Shqiptarët dëgjohen, teksa thonë se ka qenë Rama, ai që me politikat e tij ka sjellë probleme për mijëra familje shqiptare.
Dega Manhattan e Vatrës ka bërë thirrje që në 26 tetor ora 11 në Nju Jork të presin me protestë takimin e kryeministrit Edi Rama dhe ministrit të tij për Diasporën, Taulant Balla, duke e quajtur takim me patronazhistët.
Në thirrjen e tyre publike, Dega Manhattan e Vatrës fton të gjithë shqiptaro-amerikanët në Neë Jork dhe jo vetëm, që të bashkohen në protestë të fuqishme kundër atyre që kanë kontribuar në shpopullimin e Shqipërisë.
‘Ne nuk mund të bëjmë asnjë hap pas, është diaspora ajo që do ta udhëheqë këtë betejë për të mbrojtur të ardhmen e vendit tonë dhe për të ndaluar ikjen masive të shqiptarëve’, thuhet në njoftim.
Mesazh i Vatra, Dega Manhattan
Të dashur bashkatdhetarë, Dega Manhattan e Vatrës ju fton të bashkohemi në një protestë të fuqishme kundër atyre që kanë kontribuar në shpopullimin e Shqipërisë sonë të dashur. Koha për të ngritur zërin është tani. Ne nuk mund të bëjmë asnjë hap pas, është diaspora ajo që do ta udhëheqë këtë betejë për të mbrojtur të ardhmen e vendit tonë dhe për të ndaluar ikjen masive të shqiptarëve. Bashkohuni me ne. Bashkë jemi më të fortë.
Një veprim i paprecedent ka ndodhur në protestë përpara parlamentit. Sipas videos shihet ku një polic tenton ti nxjerrë armën deputetit të opozitës.
Ky është një rast i paprecedentë në historinë e demokracisë në vend ndërsa forcat e ndërhyrjes së shpejtë nuk mundet të jenë në hyrje të parlamentit pasi shkelin rëndë rregulloren dhe rendin kushtetues.sn
Mehdi Malkaj aktor, pjesëmarrës në protestën e sotme para bashkisë Tiranë, mbajti fjalën e tij.
Ndër te tjera, Malkaj ju bëri thirrje unfirmova blu, që të kujtojnë se betimin e kanë bërë për të mbrojtur atdheun dhe popullin dhe jo hajdutat e këtij vendi.
Ju shumë mirë bëni që thoni ‘Rama ik’, por Rama nuk ikën po nuk e zure me shkelma.
Po se kape mire më drru , druri të jetë i pagdhendur që ta sistemosh mirë. Prandaj mos e thoni më ‘Rama ik’, se ‘druri ka dalë nga xhehneti’.
Zonja dhe zotërinj, ju falenderoj shumë për pjesëmarrjen ne proteste sepse ka dhe kriikë të mëdhenj estetik… që thonë se protesta nuk bëhet kështu, por kur e bëjmë nga fillimi deri në fund, ai madhëria e tij, diktatori e fundit, thotë se ‘e bënë shëtitjen’.
Shumë mirë që na kanë inat se do plasin nga inati i tyre!
Thonë se protesta nuk bëhet kshu, por si bëhet?!
Zonja dhe zotërinj… a e keni vëne re kur njeriu nxehet me veten e tij dhe thotë “ si se bëra këtë”, kjo është protesta, njeriu zihet dhe me veten e tij dhe jo më me atë qelbësirën që nuk ka lënë gjë pa bërë, me atë diktatorin.
Zotërinj policë, e kuptoj hallin tuaj të madh për të mbajtur familjet tuaja, por duhet pak proteste edhe nga ana juaj.
Të dalë një polic, e le të thotë: Unë jam me popullin!
Zotërinj, betimin e keni bërë për të mbrojtur atdheun dhe popullin … jo për të mbrojtur këtë hajdutin!!!
Bypassi i Vlorës ka pësuar dëmtime si pasojë e shembjes të dherave prej reshjeve intensive të shiut, të një dite më parë. Investimi 56 mln euro nuk kishte mure pritëse në një pjesë të mirë të tij, duke bërë që të bllokohet edhe qarkullimi i automjeteve për orë të tëra. Gazetari i News24 Enrik Mehmetaj raportoi nga vendi i shembjes së bypassit ku siç duket edhe nga pamjet, masivi i dheut është spostuar në anë të rrugës.
Shembja ka ndodhur pasditen e djeshme në segmentin që lidh Vlorë – Kaninë – Orikum. Për orë të tëra rruga ka qenë e bllokuar për shkak të rënies masive të dherave nga shpatet e malit. Rruga e bypassit të Vlorës është ndërtuar nga bashkimi i operatorëve “GENER 2” shpk.
Qeveria e inaguroi në korrik 2022 By Pass-in e Vlorës, por punimet ende nuk kanë përfunduar në 100% të volumit të tyre.
Komentet