Granit Xhaka është transferimi më i shtrenjtë në historinë e futbollit zviceran. Rekord për këtë vend. Po ashtu, individualisht, ai ishte transferimi më i shtrenjtë i kësaj vere në Premier Ligë, derisa u zyrtarizua kalimi i Paul Pogba te Manchester United. Trajnerin Arsen Wenger beson tek aftësitë e tij organizative dhe asistet që jep për repartin e sulmit, ndaj nuk u kursye aspak për ta bërë pjesë të Arsenalit. Klub në të cilin Graniti po e prezanton veten si shqiptar, sikurse është në të vërtetë nga rrënjët, e jo nga Zvicra, ku është natyralizuar, kombëtaren e së cilës përfaqëson.

Ai ndodhet me “topçinjtë” në SHBA, për turin parasezonal. Gjatë një momenti pushimi në hotelin ku është akomoduar Arsenali, Granit Xhaka ka vendosur t’i argëtojë bashkëlojtarët me një këngë shqip. Sikurse duket edhe në video, ai këndon këngën me titull “A e din sa shumë të dua”. Interpretimi i Granitit duket se u pëlqeu shokëve të tij, të cilët e duatrokasin, e dëgjojnë me vëmendje, madje njëri prej tyre e ka filmuar me celular.

Sikurse dihet, futbollistët e rinj në çdo skuadër zakonisht detyrohen nga bashkëlojtarët që të bëjnë diçka të çuditshme, para se të cilësohen “të përfshirë” në grup. Këtë rregull të pashkruar e ka vuajtur edhe Granit Xhaka, i cili para të gjithë skuadrës dhe stafit të Arsenalit ka kënduar shqip. I hipur në një karrige, ai ka kënduar “A e din sa shumë të dua”, pamje të cilat janë filmuar nga Emiliano Martinez. (telesport)