Përfaqësuesi i Komisionit të Rithemelimit të PD, Klevis Balliu, deklaroi sot se arrestimet e protestuesve që dogjën flamurin e Serbisë pas protestës, nuk janë tjetër përveçse politike dhe një qokë që Kryeministri shqiptar i bëri homologut të tij serb Aleksandër Vuçiç, pasi djegia e flamurit në Shqipëri është hequr si shkelje penale në Kodin Penal nga vetë komisioni parlamentar i drejtuar nga socialistja Ermonela Felaj. Nga ana tjetër, edhe gjykatat amerikane e kanë konsideruar një akt të tillë në rastet e ngjashme si liri e shprehjes.

Balliu tha sot nga Gjykata e Tiranës se “arrestimi është politik sepse është bërë vetëm pas statusit që ka bërë Edi Rama në të cilin ka gënjyer publikisht të gjithë qytetarët se pati arrestime për djegien e flamurit shqiptar në Serbi!!! Kjo nuk është e vërtetë sepse personi që e dogji flamurin (shqiptar në Serbi) ka dhënë një intervistë të nesërmen në TCH ku është pyetur nëse u arrestua apo jo për djegien e flamurit.

Rama ka bërë një statut që për të tilla xheste njerëzit janë arrestuar dhe fill pas atij statusi, personat që sot ndodhen në gjykatë, janë arrestuar, kur nuk është ë vërtetë siç edhe e patë se personat në Serbi nuk janë arrestuar. Pavarësisht kësaj, Policia me një urdhër politik publik dhe status në Fb të Edi Ramës i ka arrestuar. Këto xheste janë vetëm për të bërë presion,” theksoi demokrati..

Por z.Balliu, por nëse dëmtohet një simbol injë vendi duhet të merren masa…

“Jua sqaroj se ligji nuk e thotë atë, – tha Balliu. – Në vitin 2012, Komisioni i drejtuar nga Ermonela Felaj e ka hequr nga Kodi Penal që djegia e flamurit përbën shkelje penale. Ishte në ligj dhe është hequr.

Së dyti, në SHBA, ja ku është dokumenti e ka vendosur Gjykata  në rastin Teksas kundër Xhonson përsa iI përket djegies së flamurit është pjesë e shprehjes së lirisë së çdo individi. Pra, nuk është krim, nuk konsiderohet krim. Ky është vendimi i gjykatës në SHBA (e tregon para medias) ndaj e kemi të qartë se çfarë ishte ajo: ishte një qokë që Edvinoviçi i bën sivëllait të vet Vuçiçit për të bërë presion ndaj demokratëve dhe qytetarëve që vijnë në protesta. Asnjë presion i qeverisë nuk do ta ndalojë revolucionin demokratik që ka nisur në Shqipëri.”