Elbi pastron mëlçinë dhe zorrët

Elb me prejardhje nga Azia Perëndimore i përdorur shumë nga vendet e Afrikës së Veriut dhe Lindjes së Largët, është ndoshta një nga graminoret më të vjetër, të përdorur nga njeriu për tu ushqyer. Gjurmët së pari janë gjetur në Kurdistan, 6700 vjet përpara erës së re.

Grekët janë ushqyer kryesisht me elb, në Romën e lashtë po ashtu, hahej grurë dhe elb, ndërsa Gladiatorët i ushqenin me supa elbi.

Sepse është e pasur me nisheste, proteina, sheqerna dhe minerale, elbi është konsideruar gjithmonë një nga drithrat që jep fuqi dhe energji, duke stimuluar forcën e trupit.

Efektet e tij shëndetësore ndikojnë për të mirë deri në mushkëri, pastron mëlçinë, është i dobishëm në sëmundjet inflamatore.

Ka sasi të mëdha të fosforit dhe prani të atij lloji proteinash, nga i cili rrjedh edhe acid glutamik, thënë ndryshe vitamina e inteligjencës, bën që elbi kokërr të ndikojë për mirë në funksionet e trurit.

Elbi është gjithashtu i përshtatshëm për ata që kanë stomak të ndjeshëm e delikat dhe gjithashtu për fëmijët sepse tretet shumë lehtë. Ka fuqi pastruese për zorrët, ndihmon mushkëritë që të pastrojnë e forcojnë veten. U rekomandohet grave të cilat u japin fëmijëve gji, sepse favorizon shtimin e qumështit të gjirit. Elbi përmban shumë kalium, kalcium, fosfor, hekur, magnez, i cili  ndihmon zemrën dhe silic që ndihmon përqendrimin e të jep qetësi psiko-emocionale, si për të plotësuar thënien se ” je çfarë ha”

Elbi është freskues, ushqyes dhe ndihmon tretjen e ushqimit.

Elbi ndikon në rregullimin e çrregullimeve inflamatore të zorrëve dhe rrugëve urinare, mëlçisë, kolitit, kapsllëkut etj.

Elbi ndikon në uljen e kolesterolit. Këto janë konkluzionet që vijnë prej studimeve të kryera nga hulumtuesit në Departamentin e Bujqësisë të Shteteve të Bashkuara të Madison në shtetin e Wisconsis, i cili zbuloi tek elbi tre tre komponentë të ndryshëm që nuk lejojnë mëlçinë për të prodhuar kolesterolin LDL i cili dëmton enët e gjakut duke shkaktuar infarkt dhe iktus.

Sipas thënies se ushqimi është mrekullia e mjekësisë, për elbin thuhet se rekomandohet sidomos elbi integral për shkak të pasurisë të çmuar ushqyese.

Elbi i zhveshur, përveçse është pastruar, i nënshtrohet proceseve zbardhuese  dhe lustruese, kjo në dëm të përqindjes së proteinave, kripërave minerale dhe vitaminave.

Në sajë të zamkës, një lloj ngjitësi që prodhon kur 50 gram elb integral zihen në një litër ujë për 30 minuta, ju mund të siguroni një mbrojtje efektive të zorrëve, mëlçisë dhe të gjithë sistemit të frymëmarrjes, si dizintoksikant. Kjo sipas këshillave të Santa Eldegarda (1098-1180)

Në fund ju themi se të ushqehesh me elb, është një mënyrë e shëndetëshme për mirëqenien e të gjithë familjes./Përgatiti e përktheu Elida Buçpapaj