I nderuar z. Mark Gjonaj

Si aktivist I komunitetit shqiptar, kam disa pyetje për ju në lidhje me postimin tuaj:

1-Dukshem ju jeni organizatori i takimit. Cili është motivi që ju bën ju të ndryshoni ngjyrën e kuqe 🇦🇱 të flamurit tonë kombetar te shfaqur ne takim me ngjyrën rozë të Partisë Socialiste të Shqipërisë? (Sikurse duket ne ekranet)

2-Ju keni shkruar se “mbi 100 organizata komunitare” morën pjesë në takim. Nga një numërim i thjeshtë rezulton se ishin rreth 65 persona, duke përfshirë edhe të paktën 15 anëtarë të stafit të Ramës. Në çfarë rrethanash, 50 persona përfaqësojnë 100 organizata?

3-Keni shkruar për Diasporën e Bashkuar. Në vizionin tuaj, si mund të bashkohet diaspora shqiptare në një takim ku derguat ftesa vetem personave të përzgjedhur, te cilet mbështesin Ramën. A nuk është ky një akt i ndarjes së diasporës me shume sesa i bashkimit te saj?

4-Ju flisni shpesh në emër të Këshillit Kordinues të Diasporës.

Ky Këshill është propozuar nga Edi Rama dhe ju jeni emëruar fillimisht si kryetar direkt nga Edi Rama. A mund të shpjegoni ju lutem, duke qenë i përzgjedhur dhe jo i zgjedhur, çfarë morali apo ligji i demokracisë ju jep të drejtën për të përfaqësuar diasporën.

5-Nëse, siç shkruani ju, ishin mbi 100 përfaqësues të organizatave, pse nuk e shfrytëzove këtë rast për t’u kërkuar atyre votën për t’ju zgjedhur si përfaqësuesin e tyre, dhe jo si i përzgjedhur nga Edi Rama?

6-Meqenëse ju dhe Këshilli juaj pretendoni se përfaqësoni diasporën, pse i shërbeni gjithmonë Edi Ramës dhe nuk keni marrë asnjë iniciativë për të mbledhur organizatat shqiptare për të diskutuar gjendjen kritike të opozitës së Shqipërisë.

I dashur Mark, këto janë disa pyetje të drejtpërdrejta civile që kërkojnë përgjigje të drejtpërdrejta civile.

Faleminderit paraprakisht!

Valentin Lumaj