Por cilido që të jetë justifikimi se çfarë do të thotë me këtë tendencë të re kryeministri, gjetja e dorës është e ngjashme me përkohësinë e historive të sajuara si “të stuhisë në gotë” që Rama krijon për të fshehur veprimet e mirë-menduara. Ai u hodh për ndalimin e tik-tok, pikërisht tani që njerëzit të mos kenë zë dhe me daljet vetjake në mediat sociale lodhet për t’i dhënë përgjigje shqetësimeve që vetë i ka krijuar gjatë këtyre tre mandateve. Pasaporta e BE një tjetër shpikje në rrëmujën e mesazheve elektorale pa një program është treguesi se sa propaganda deri tani ka mashtruar dhe gënjyer aq sa detyrat e shpërfillura po rezultojnë me ngrirje dhe me shtyrje të shpresave të integrimit të një populli të varfër dhe të mplakur  si pasojë e korrupsionit të administratës dhe të elitës së Rilindjes Socialiste. Turrjet drejt diasporës u tkurrën deri tek takimet kokë më kokë të Taulant Ballës nëpër Evropë dhe SHBA që më së shumti janë përllogaritje se si makineria elektorale e tre mandateve me patronazhistë do të aplikojë skemat e tjetërsimit të votës.