Krahasimi i shifrave për votën e diasporës në këtë shënim lidhet me atë se çfarë na dha etapa e parë e regjistrimit pas datës 4 Mars.

e kështu me rradhë 84 shtete.

Pra SHBA, aty ku pa frikë mund të thuhet se jetojnë mbi 1 milionë shqiptarë (nga prindër ose njëri nga prindërit shqiptar), kanë mundësi të përfaqësohen disa dhjetëra herë më pak në këto zgjedhje edhe se sa Kreta, ku emigracionit të ri vetëm në tre-katër vitet e fundit i është vënë në shërbim një infrastrukturë elektorale shembullore.

Themi shembullore sepse ata janë të gjithë shtetas shqiptarë pa dashur të bëjmë ndarjen e përkatësisë politike apo dëshirën se ku ata do ta drejtojnë votën në parim për të kuptuar vazhdimësinë e një qeverisje apo ndryshimin. Ndryshe nga ideja se si vota influencohet në kushtet e Shqipërisë pa rotacion në 12 vite sikurse  edhe kur po cenohet ekzistenca e pluralizmit leximi i drejtë do të ishte; Vota e diasporës a është një votë për vazhdimësinë e një qeverisje të korruptuar apo për ndryshimin?

Kreta sipas makinerisë elektorale të Rilindjes Socialiste ka histori. Atje për shembull shihet edhe interesi për një rendiment rilindës-socialist të votës mund të shpjegohet nga deklaratat e fundit të operativëve politikë në përgatitjet e vizitës së tretë të Ramës në Greqi me 29 Mars. Edhe skema e zbatuar gjatë tre katër viteve të fundit e cila ja vlen të monitorohet nga specialistët e interesuar për integritetin e votës së zgjedhësve, nuk ka se si që të mos shihet me më shumë vëmendje si zhvillim në një kohë kur Taulant Balla (drejtuesi politik i Partisë Socialiste për Diasporën), nga Greqia drejtohet: “Të dielën jemi në Athinë me kryeministrin në ‘Elinikos Kosmos’, ndërsa të shtunën, një ditë përpara, në orën 18:00 do ta ndezim Hanian në pallatin e sportit, ku do të takohemi me të gjithë bashkatdhetarët pa dallim: të majtë, të djathtë, të qendrës, të gjithë. Ju presim të gjithëve”. (sipas ATSH).

Në thelb po sipas propagandës dhe me dobinë e ideologjisë së Rilindjes Socialiste, Taulant Balla që përsërit pa ndryshuar batutat e Ramës-kryetar si të ishin teza të një programi për të tërhequr votuesit nga diaspora na zbulon se çfarë roli kanë shifrat dhe se sa i rëndësishëm është investimi i Rilindjes Socialiste kudo në diasporë me ngjashmëri skemën e Kretës:-“Itinerari në Kretë të Greqisë do të fillojmë me takime në Hania një ndër qytetet më të mëdha të Kretës ku jeton një komunitet i madh shqiptar. Në gjithë Kretën jetojnë sipas shifrave rreth 35-45 mijë shqiptarë të cilët kanë një rol të rëndësishëm në jetën ekonomike të këtij ishulli…”

Pra rilindësit janë të pa përtuar sigurisht për 34-35 mijë shqiptarë në ishullin e Kretës dhe tashmë pak nga pak prej pesë vitesh presin të vjelin frutet/votat. Ndërsa për shqiptarët e një shteti si SHBA në një kontinent me popullsi shqiptare të ngjashme në numër, por edhe më shumë në shtetet si Nju Jork, Pensilvani, Miçigan, Illinois, Uiskonsin, Masaçusets, Kënektikat, Florida, Teksas etj. e duke shkuar edhe më në perëndim drejtë Kalifornisë shërbimet konsullore dhe ambasada janë të paarritshme dhe përpjekjet mjaftohen për rastin e zgjedhjeve të 11 Majit me ofrimin njoftimin e tillë:

Si mund ta krahasojmë të barabartë në numra një ishull dhe një kontinent në këto zgjedhje duket sikur kjo është çështja?

Në një kuptim shqiptarët do të votojnë më 11 Maj.

1/3 së popullsisë së larguar nga vendi në këto dhjetë vitet e fundit do t’i duhen dokumentet biometrike dhe kartat e identitetit në mënyrë që  si shtetas shqiptarë të ushtrojnë të drejtën e zgjedhjes dhe të zgjedhurit.