Seanca Plenare e 5 Dhjetorit do të mbahet mend për mënyrën se si shpërthimet e debatit mes politikanëve nxjerrin nga mos përmbajtja etike edhe thelbin mbi shqetësimet reale që ziejnë aty brenda si dhe ato çka ata/ato përjetojnë të kushtëzuar ose urdhëruar për të mos qenë vetvetja në politikë. Një titull klasik propagande dhe keqinformimi nga ATSH-ja, Agjencia Telegrafike Shqiptare, shtypi zyrtar i qeverisë gjen justifikimin kur shpreh se: –“Seanca plenare e kuvendit u ndërpre, pasi deputetët e Partisë Socialiste braktisën sallën e Kuvendit, pas ofendimit që deputetja Ina Zhupa bëri ndaj deputetit socialist Erion Braçe”.  Ndërsa shkarja tek më e fundit kthimi në qesharake është koha e humbur në kuvend, koha që i merret publikut në ekran, radio apo qoftë edhe shumëfishuar në pajisjet celulare për këdo që e zotëron sado pak teknologjinë dhe më kryesorja mos zgjidhja se përse deputetët janë mbledhur. Pra nga një seancë serioze për mbajtjen e dy interpelancave dhe diskutimin e një projektligji ende të pashkruar protagonistët kryesor si Kryeministri dhe Ministrja e Arsimit me shpërfillje gjinden disa kilometra larg Kuvendit të Shqipërisë të angazhuar në një tjetër veprimtari.