Këtë çudi e bëri Ministri i Brendshëm Taulant Balla gjatë fjalës së tij në Kuvendin e Shqipërisë kur u shqyrtua ratifikimi i marrëveshjes mes Shqipërisë dhe Moldavisë, për të thelluar bashkëpunimin policor. Fjalimi i tij që shoqërohet edhe me një link video prej RTSH në Facebook gjindet në lajmet e ATSH. Një fjalim i fragmentuar për të nënvizuar disa mesazhe-propagandë mbi bashkëpunimin ndër shtetet e rajonit, armëmbajtjet pa leje, lufta kundër krimit, sigurinë dhe rendin, ulja e aksidenteve rrugore, sezonin turistik etj. E veçanta ishte se në një hyrje të gjatë ministri Balla, veçoi situatën e stinës së nxehtë dhe shkaqet e zjarreve në të gjithë territorin e vendit veri-jug kur shprehej sipas ATSH-s se:- “dita e djeshme ka qenë një ditë e vështirë, po ashtu edhe gjatë natës ku kemi pasur një situatë të agravuar pothuajse në të gjithë territorin e vendit. Nga Tropoja e Shkodra e deri në jug të vendit në qarkun e Gjirokastrës, në qarkun e Vlorës, në Rrogozhinë, në Kavajë, në Lushnje një numër tejet i madh dhe i papërballueshëm për gjithë fuqinë tonë dhe forcat tona zjarrfikëse, të cilat në bashkëveprim me Agjencinë Kombëtare të Emergjencave Civile, Forcat e Armatosura dhe dua të falënderoj me s tyre Forcën Ajrore për punën e shkëlqyer që bënë”.
Pra duke ju referuar një dite më parë 25 Korrikut, Balla përmend mes rrumbullakosjes dëmet në natyrë, në pyje, në pemtari dhe në bujqësi përgjithsisht, por edhe ku qarku i Vlorës listohet. Por e veçanta që në qytetin e Vlorës vazhdon djegja në fushën e depozitimit të plehërave qytetase (mbeturinave urbane), ky fakt dhe ngjarje tashmë dy ditore që ka shqetësuar mbarë opinionin dhe vizitorët turistë nuk zihet me gojë.
Përse kur fushat e mbetjeve digjen, vetëndizen, apo kur dikush i ndez ato qëllimisht nuk përmenden si ngjarje dhe fakt në seancën e fundit plenare të Kuvendit të Shqipërisë?
Kuptohet fare mirë se imazhi i politikës bajate tani është djegur.
A ka nevojë të mos theksohet kjo emergjencë kur Vlora i përsërit vit pas viti tymin toksik dhe flakët brenda sezonit turistik?
Ku janë masat dhe përgjegjësitë pasi diket që kjo ndotje edhe në rastin kur zjarri shuhet, efekti në mjedis pushton dy javë së paku?
Pra para popullit flitet për zjarret me informacione dhe me mungesën e vështirësisë së mjeteve dhe problematika, organizimi dhe bashkëpunimi që kërkon ministri Balla, nuk përkojnë me fjalët tym dhe zjarr i përsëritur për të njëjtën fushë plehërash në Vlorë.
Megjithse shumë nga mediat ishin të përqendruara tek seanca e fundit plenare e Kuvendit sikurse edhe spektaki i Flakës së Lojrave Olimpike të Parisit aty ku ndodhet për vizitë mes 80 figurave shtetërore edhe kryeministri Rama, vlen të thesohet se shumica e tyre u ngacmuan nga ngjarja dhe po endjekin pandërprerë dhe ditë natë situatën, pasi është lajm, është ngjarje dhe është një e vërtetë mes shqetësimit të mijëra banorëve.
Zjarri 2024 i fushës së plehrave të Vlorës ishte një nga rastet e guximshme për të treguar qartë se me zjarrin dhe përgjegjesinë e pushtetit mund “të luhet” kur bëhet fjalë për të vërtetën.
Ndërsa edhe përse nga diaspora kur e ndjek dhe e ndjen një shqetësim të tillë burime të besueshme bëhen kërkimet në internet. Pa dezinformacion, zjarri dyditor dhe tymi ndotës i sezonit turistik mbetet një turp për administratën shtetërore dhe jo për Vlorën. Detajet për situatën dhe ngjarjet i gjen nga mediat dhe zyrat lokale aty ku ka rënë shqetësimi i përsëritur, por kurrë se si tek ministret dhe ministrat që t’i shohësh në terrn.
Interesante nga foltorja e Kuvendit të Shqipërisë ishte vullnetarizmi. Aspak paragjykues për vlerat që vullnetarizmi sjell, por në gjuhën e një qeverisjeje që nuk ndjehet kurrë përgjegjese, ky simbol politik i hedhur është shumë mëndje lehtë. Për ta saktësuar idenë e thirrjes për vullnetarizëm drejtuar popullatës për shuarjen e zjarreve të ministrit Balla, mendojmë se ka nevojë për shpjegime dhe saktësi madje edhe pak qartësi dhe tërheqje për sa i përket karakteristikave që ka rreziku kundër zjarrit dhe masat e sigurisë për jetën. Ashtu sikurse i mëshohet ndërgjegjësimit, solidaritetit, bashkëpunimit administrativ dhe institucional dhe këto pranohet se janë mendime të sinqerta dhe të pranueshme edhe kur adresohen nga një politikan dhe pushtetar, por të shkosh deri tek sugjerimi i ndërtimit të strukturave vullnetare që njerzit të bashkëpunojnë me zjarrfikset, policinë, forcat e mbrojtjes, emrgjencat spitalore etj. kjo frymë e sugjeruar sot duket jashtëkohe dhe e prapambetur në mendësi.
Çdo vullnetar ka nevojë për trajnim ndaj rrezikut dhe për sigurinë e jetës në rradhë të parë.
Së dyti, në kushtet e një ekonomie të lirë dhe pavarësisë së pushtetit lokal nga qeverisja qendrore asgjë nuk mund të bëhet pa planifikim buxheti dhe financime.
Së treti mjetet, policia, ushtria dhe urgjencat civile janë në shërbim të shtetasve dhe jo kredi e kapitalit dhe propagandës politike të qeverisë.
Së katërti, bëhet e lodhshme që t’ia përsërisim publikut argumentin se kjo lloj ideologjie ngjason me kohën e komunizmit, por fatkeqësisht këtë shkatërrim Rilindja Socialiste dhe elita e saj ja kanë arritur me sukses.
Së pesti, urojmë që të mos jetë zjarrvënie e qëllimshme pasi kjo qeveri ka treguar se e kap brenda 24 orësh fajtorin dhe keqbërësin.
Së gjashti, vullvetarët më të motivuar gjatë këtyre 12 viteve mund të jenë patronazhistët dhe atyre mund t’ju kërkohet se sa t’i shkosh popullit të mbytur me taksa, i pa ushqyer, i keq trajtuar dhe pa ujë.
Së shtati, duhet kuptuar në këta 33 vjet se atje nga foltorja e Kuvendit duhet folur e vërteta siç është, me zemër në dorë sepse deputetët ai popull i ka zgjedhur.
Tym dhe flakë po i del fushës së plehrave të Vlorës prej dy ditësh. Fatkeqësisht një shqetësim i përsëritur, por që më kryesorja është se arsyetimi duhet bërë mbi vërtetën dhe se ky rezultat vjen nga papërgjegjmëria, përvetësimi dhe prej shpërdorimi i fondeve publike.
Ky është sistemi i ngritur. Nuk ka as inceneratorë për të djegur plehrat Vlora, por ama ka anijet gjeneratorë-Tigrat 1 dhe 3 të cilët asnjëherë nuk prodhuan energji dhe prej 2022 dhe pë ta paguhen mbi 22 milion dollarë qira. Po kështu Vlorës i ngargohen vepra si Aeroporte, rrugë dhe tunele, projekte ekonomike të pa studiuara përsa i përket karakteristikës së zonës ashtu sikurse parësore për popullsinë janë mbrojtja dhe zhvillimi i pasurive natyrore dhe i gjallesës.
Ka me dhjetra raste shpërodrimesh veri dhe jug sikurse edhe në kryeqytetin 1milionësh Tirana që kjo qeverisje ende nuk ka mundur “të reflektojë”. Paradoksi i mohimit të zjarrit mbi një fushë plehrash veç atyre të pyjeve dhe fushave ka një përgjigje ideologjike sepse Rilindja Socialiste i sheh gabimet, nuk ndalon t’i ndreqë por shkon me moton e udhëheqësit; vetëm përpara!
Nga ky “reflektim” vlen të thuhet se asnjë vullnetar dhe patronazhist i saj nuk do të ulet në Kongresin e Rishtyrë të Jashtëzakonshëm pa fikur “flakën olimpike” të Vlorës, tymin dhe ndotjen toksike që do ta shoqërojnë pikun e sezonit turistik.
25 Korrik, 2024
Unioni i Gazetarëve Shqiptarë Profesionistë të Diasporës (UGSHPD)
Verband Albanischer Berufsjournalisten der Diaspora (VABD)
Union of Professional Albanian Journalists of Diaspora (UPAJD)
L’Union des journalistes professionnels albanais de la diaspora (UJPAD)
New York Times: Trumpi në Shtëpinë e Bardhë mund të sjellë pasoja të mëdha për Evropën
Sondazhet e Shtëpisë së Bardhë e nxirrnin Joe Biden humbës, ish-zyrtari i Obamës: Donald Trump dilte fitues me 400 vota elektorale
Shoqata e Intelektualëve “Jakova” në Gjakovë ka ndarë çmimin “Guximi Intelektual 2023” për aktivisten Dr. Luljeta Pula-Beqiri Nga Iliriana Pylla
Onufri sjell librat poetikë Skaterr të Elida Buçpapaj dhe Zogu i Bjeshkës i riu nga Skënder Buçpapaj
Letër e hapur: VATRA MBAHET PENG nga aktorë të kinostudios Shqipëria e Re! “Njeri Ri”
Persekutimi i familjes Belishova- Kush ishte studenti i shkëlqyer në Akademinë e Moskës, nga frika u largua e shoqja me vajzën! Skenari për eliminimin e Lirisë dhe Fiqiriut
Nations League- Shqipëria pret Çekinë, njihuni me titullarët
Hasan MASURICA, në kodrina të Zarbicës testoi avionin e parë në gjithë Globin!- Nga REFIK HASANI
Qeveria e Kosovës nuk duhet të pranojë nënshkrimet e kriminelëve, janë të pavlefshme- Nga Aurel Dasareti, USA, ekspert i shkencave ushtarake-psikologjike
Orët e fundit në shtëpi për banorët e Brienzit, ndoshta fare të fundit
Laborator kokaine në Tiranë- Dogjani: S’ngrihen pa mbështetjen e policisë dhe politikës, financojnë fushatat!
Federata e Futbollit e Kosovës thotë se e ka paralajmëruar UEFA-n për provokimet nga tifozët rumunë
