Titujt e gjetur, bënë namin që prej presidentit, krye parlamentares, kryeministrit e deri tek dhjetëra funksionarë të rrethuar në veprimtari e më pas në statuse të rrjeteve sociale që sigurisht filtrohen si lajme. Glorifikimi i 8 Marsit me këtë intensitet përdorimi ditor të lajmit tregon pikërisht atë që 8 Marsi nuk është një festë e lirë. Në fund të ditës festa vetë të lë përshtypjen një dite të marrëzisë kolektive  pikërisht sepse përdoret nga propaganda shtetërore e cila edhe vetë  konceptin emancipues e lodh ashtu sikurse bllokon aksionin shoqëror.

Por, po t’i vini re titujt e ATSH pasi ajo i pudros me ndonjë qëndrim dhe reagim nga ngjarjet politike të ditës së festës pak kampin opozitar, pjesa tjetër është hidhja me vrull nga njëri vlerësim me cilësimin e programit tek analizat propagandistike të gjithanshme të Rilindjes Socialiste si;

…ku tek ky titull futen në një lajm disa ministra si Hoxha, Manastirliu, Koçiu dhe kryebashkiaku Veliaj  i cili nënvizon edhe nga mjediset e burgut se;- “Është 8 Marsi dhe u lashë porosi kolegëve të Bashkisë që, të gjitha nënat, zonjat, dhe vajzat, të cilat i japin çdo ditë kaq shumë nga dashuria, përkushtimi dhe këmbëngulja e tyre qytetit, të udhëtojnë falas në të gjitha linjat e transportit urban të Bashkisë së Tiranës. Faleminderit për punën tuaj të jashtëzakonshme!”. 

E përsa ky ishte kryeqyteti i parë nga vipat drejtues politik, 8 Marsi nuk u harrua edhe për peshën ndërkombëtare të lajmit përmes bashkëshortes së kryeministrit në takimin e Abu Dhabi-t 30/50*;

Do të dukej tendencioz përdorimi i fjalës monitorim pas kësaj renditje të mësipërme pasi shteti në fjalë dhe në ligje ka institucione e veta që merren pikërisht me këto raporte të propagandës elektorale dhe medias në pragun e zgjedhjeve të cilat duket se janë bërë një me politikën në pushtet kundër interesave të publikut. Për vëzhgimin tonë e rëndësishme është që të shihet pesha dhe vendndodhja e këtij informacioni pasi Rilindja Socialiste dhe elita e saj jetojnë me arrogancën e parasë dhe me mekanizmin propagandistik i partisë shtet, të emulacionit-socialist të dikurshëm.

Brezi i ri i shqiptarëve sot nuk arrin dot ta kuptojë pasi kjo histori e dhimbshme e shkëputjes nga diktatura nuk u është mësuar kurrë në tekstet mësimore. Tashmë dëmi është bërë. Ajo që nuk mësohet në shkolla, është ushqyer me të kundërtën në mediat sociale. Ideologjizimi i partisë shtet i Rilindjes Socialiste që është një formacion i heshtur politik dhe me demokraci të brendëshme të vrarë në rradhët e saj, daljet në publik dhe zëri i tyre vinë vetëm nga një zë. Vetëm nga zëri i Ramës në larminë mediatike të podkastit, Moduleve të Akademisë Politike Socialiste, rubrikat sy m’sy, e në gjithë statuset e tjera të papërtuara që tregojnë krizën dhe gjendjen e tronditur të pozitave të tij dhe karriges në pushtet.

Kur mendon se edhe Gratë me Festën e 8 Marsit i shpërbekan një mandati të 4-rt, të shkon mendja tek filmi Kapedani në cilësinë e rinovuar HD ose 4K të realizuar një vit më parë ku Rama në një status ndër të tjera shkruante:-“… se historia e luftëtarit me mustaqe të bardha Sulo, i cili niset nga fshati i tij për në kryeqytet për të zbuluar se pse grave u janë dhënë të njëjtat të drejta si burrat, zë ende vend të rëndësishëm në kujtesën kolektive të shqiptarëve dhe transmetohet rregullisht nga televizionet kombëtare”.

Morali i asaj fabule 52 vjeçare të filmit Kapedanit nuk ka të bëj sot me shprehjen “na mbytën gratë”, por me humorin e ëndrrës së pushtetarëve dhe drejtuesve të institucioneve shtetërore që në një ditë si kjo, u marrin frymën edhe nga ekranet qytetarëve.

Kjo që shohim me sy të parë dhe pa e futur në filtrin e fushatës elektorale siç bëjnë monitoruesit profesionist të shtetit shqiptar është pak. Edhe aty ku nuk ta merr mendja roli i gruas  në një ditë si kjo na del i lidhur me kulinarinë që të kujton më pas fluksin e turizmit, e prej këtej kuptohet se vetëm një fill i rilindësve të përkushtuar do ta gjente një titull të tillë pavarësisht se brendësia në të është tjetër gjë. Me kushtet e sotme të shoqërisë shqiptare mund të kuptohej ndryshe, edhe pse titulli nënvizon;  BBC: Falë gjysheve kuzhina shqiptare po rilind.  

Për çdo shqiptar të larguar në emigracion shkrimi nuk është as realitet i pa njohur , por edhe as ekzotikë sipërfaqësore. Kësaj propagande i duhet shpjeguar se një nënë e gjyshe veç se ruan receta dhe di të gatuaj kuzhinë shqiptare ka së pari  fëmijë, nipa dhe mbesa apo edhe me dhjetëra të afërm që bashkë me komshinjtë/gjitonët bëhen qindra mijë dhe miliona shqiptarë që i janë larguar Shqipërisë. Janë shpërndarë nëpër botë dhe për shkak të politikës dhe qeverisjes së keqe janë larg nga sa do të mund që edhe t’ua uronin festën fizikisht, pra të ishin ekonomikisht më të fuqishëm dhe politikisht të lirë.

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)