VOAL – U nda nga jeta shkrimtari anglokaraibik Vidiadhar Surajprasad (V.S.) Naipaul, Çmim Nobel për Letërsinë në vitin 2001 dhe autor i disa romaneve, të tilla si “Një shtëpi për zotin Biswas” dhe “Në breg të lumit”. Shkrimtari, i cili vdiq në shtëpinë e tij në Londër, ishte 85 vjeç.

“Ishte një gjigant në çdo gjë ai e bëri dhe na la në krahët e atyre që e donte, pasi jetoi një jetë të mbushur me kreativitet të mrekullueshëm dhe arritje”, tha gruaja e tij, Lady Naipaul.

Naipaul lindi në vitin 1932 në Trinidad, atëherë një koloni britanike, nga një familje që emigroi në Karaibe nga India. Ai shkoi në Angli si një njeri i ri për të studiuar në Oksford dhe atje u natyralizua, ka shkruar mbi 30 libra, duke filluar pikërisht me një seri të portreteve imagjinare të jetës së Karaibeve, frymëzuar nga tregimet e babait të tij dhe të ngjeshura me komedi groteske.

Në motivacionin e Çmimit Nobel për Letërsinë, Akademia e Suedisë në vitin 2001 shkruante se V.S. Naipaul “ka kombinuar një transmetim akut dhe një kapacitet të papërmbajtshëm për vëzhgim në vepra që na detyrojnë të shohim praninë e ndodhive të shtypura”.