Të Dielën, 6 Shtator 2020, në fshatin Muçias-Remas, Lushnje, u përcoll me nderime qëndrestari i burgjeve të diktaturës, ish kryetar i Shoqatës të Përndjekurve politik të Lushnjës dhe pjesë e Kryesisë të Shoqatës Kombëtare, ish deputeti demokrat, sekretar i Komitetit Ekzekutiv Pluralist të Lushnjës, Esat Azem Çoku.

Ngushëllime bashkshortes Zyhra, djalit Frenki, vëllait Bedri, familjarëve dhe miqve të Esatit.

Esat Çoku ndërroi jetë në moshën 76 vjeçare.

Esat Çoku u përket atyre familjeve myzeqare që nën diktaturë mbartën dënime të ashpra:

– Azem Çoku, babai, 11 vjet burg

– Caush Çoku, djali i vogël, 22 vjet burg (ndjesë pastë ndërroi jetë para një muaji)

– Bedri Çoku, djali i dytë, 23 vjet burg.

– Esat Çokun më 14 janar 1980, Gjykata e Rrethit të Lushnjës e deklaroi fajtor për “agjitacion e propagandë kundër pushtetit popullor” dhe e dënoi me 10 vjet heqje lirie.

– Esma Çoku, nëna e internuar me dekada, bashkëshortja e Azemit, nëna e djemve të burgosur; 64 vjet u end dyerve të burgjeve, duke ndjekur fatin e të shoqit dhe të bijve.

Pas viti 1991 Partia Demokratike e Lushnjës e kishte Esat Çokun anëtar të kryesisë, përfaqësues në Komitetin Ekzekutiv, anëtar i Kryesisë; ndërkohë, ai ishte kryetar i Shoqatës së të Përndjekurve Politikë të Lushnjës dhe në kryesinë e Shoqatës Kombëtare.

Ish-hetuesi i Esatit, B Cakaj nga jurist i Kryeministrit Ylli Bufi, më 1992 bashkë me Esatin do të ishin në të njëjtin Parlament, njëri deputet i PD-së, tjetri deputet i PS-së. Një fakt i hidhur i demokracisë shqiptare.

Më 1991 në qytetin e Lushnjes u bë ceremonia madhështore e rivarrimit të 67 viktimave të komunizmit, të pushkatuar nga Mehmet Shehu në fshatin Matjan.

Rivarrimi i viktimave të terrorit komunist pati për realizues Esatin, që kryesonte komisionin e rivarrimit.

Esat Çoku që kreu detyrën e sekretarit të Komitetit Pluralist të Rrethit dhe detyra në Komisariatin e Policisë në Lushnje, që u

zgjodh deputet i Kuvendit të Shqipërisë deri më 1996, më pas

me bashkëshorten Zyhra dhe djalin Frenki jetuan rreth një dekadë në SHBA(New York).

Prapë e thirri endlindjes dhe ai u kthye

Në USA Esati ishte pjesmarrës në krahun e Vatrës. U bë pjesë e veprimtarive të saj.

U përcjell familjes, miqve ngushëllimet më të thella!

Lamtumirë Esat Çoku!