Voal – Sot këngëtarja Vesa Luma dhe i fejuari i saj Big Basta i dhanë sot fund beqarisë. Sepse sot po martohen. Dhe në këtë ditë speciale për ta, Vesa publikon në Instagram vendin ku po mbahet ceremonia, që është kalaja e Lëkursit në Sarandë, ndërsa e cilëson si një ditë të madhe. Ajo bën edhe një falenderim të veçantë për fansat e tyre. Ngjitur fotos Vesa shkruan, “Një ditë e madhe për mua dhe gjysmën time Big Basta.. Saranda dhe kjo kala është ajo që i dha vulën dashurisë sonë vite më parë. Po e ndaj me ju këtë moment të bukur sepse keni qenë edhe ju një arsye e fortë që ne dy të vijmë deri në këtë pikë. Kemi nderin dhe kënaqësinë sepse kryetarja e Bashkisë së Sarandës znj.Floriana Koka do të jetë ajo që do të kurorëzoj ligjërisht lidhjen tonë dhe në këtë kala që do të jetë e mbyllur të shtunën, do të jenë pranë nesh njerëzit që na kanë qëndruar afër gjithmonë! Pavarësisht asaj, do të mundohemi që të ndajmë momentet më të bukura bashkë me ju që gëzoni për çdo gjë që bëjmë ne! Ju duam dhe ju falenderojmë që na lumturoni me urimet tuaja”.