Rripi i Gazës përjetoi një tjetër masakër natën e ndërrimit të viteve.

Sulmet izraelite vranë të paktën nëntë palestinezë në Rripin e Gazës, kryesisht gra dhe fëmijë, thanë zyrtarët të mërkurën.

Një raketë goditi një shtëpi në zonën Jabaliya të Gazës veriore, pjesa më e izoluar dhe e shkatërruar rëndë e territorit, ku Izraeli ka zhvilluar një operacion të madh që nga fillimi i tetorit.

Ministria e Shëndetësisë e Gazës thotë se shtatë persona u vranë, duke përfshirë një grua dhe katër fëmijë, dhe se të paktën një duzinë të tjerë u plagosën.

Një tjetër sulm gjatë së mërkurës në kampin e ndërtuar të refugjatëve Bureij në Gaza qendrore vrau një grua dhe një fëmijë, sipas Spitalit të Martirëve Al-Aksa, i cili mori trupat.

Lufta filloi kur militantët e udhëhequr nga Hamasi sulmuan Izraelin jugor më 7 tetor 2023, duke vrarë rreth 1200 njerëz dhe duke rrëmbyer rreth 250. Rreth 100 pengje mbahen ende në Gaza, të paktën një e treta e të cilëve besohet të jenë të vdekur.  bw

Yahya Al-Batran u zgjua në orët e hershme të mëngjesit të së dielës për të gjetur gruan e tij, Noura duke u përpjekur të zgjonte djemtë e tyre binjakë të porsalindur, Jumaa dhe Ali, ndërsa ishin shtrirë së bashku në tendën e improvizuar që familja kishte zënë në një kamp në Rripin qendror të Gazës.

I ftohti intensiv i dimrit dhe reshjet e dendura të shiut në të gjithë enklavën bregdetare në ditët e mëparshme e kishin bërë jetën e tyre një mjerim, por ajo që ai dëgjoi ishte më e rëndë.

“Yahya Al-Batran tha se po përpiqej ta zgjonte Xhumaan, por ai nuk po zgjohej, dhe unë pyeta për Aliun dhe ajo tha se as ai nuk po ecte”. “E mbajta Xhumanë, ai ishte i bardhë dhe i ngrirë si bora, si akulli, i ngrirë.”

Jumaa, një muajshe, vdiq nga hipotermia, një nga gjashtë palestinezët që kanë vdekur nga ekspozimi dhe të ftohtit gjatë ditëve të fundit në Gaza, sipas mjekëve. Ali ishte në gjendje kritike të hënën në terapi intensive.

Në dimrin e dytë të luftës në Gaza, moti u ka shtuar një element vuajtjeje qindra mijëra njerëzve tashmë të zhvendosur, shpesh herë të shumta, ndërkohë që përpjekjet për të rënë dakord për një armëpushim nuk shkojnë askund.

Vdekja e Jumaa al-Batran tregon se sa e rëndë mbetet gjendja me të cilën përballen familjet në nevojë.

Agjencitë ndërkombëtare të ndihmës thonë se forcat izraelite kanë penguar dërgesat e ndihmave, duke e bërë edhe më të rëndë krizën humanitare.

Familja e Yahya al-Batran, nga qyteti verior i Beit Lahiya, u largua nga shtëpia e tyre në fillim të luftës për al-Maghazi, një zonë e hapur me shkurre në Gazën qendrore të cilën autoritetet izraelite e dekretuan si zonë humanitare.

Më vonë, ndërsa al-Maghazi bëhej gjithnjë e më i pasigurt, ata u zhvendosën në një kamp tjetër në qytetin e afërt Deir al-Balah.

“Meqenëse jam i rritur mund ta marr këtë dhe ta duroj, por çfarë bëri i riu për ta merituar këtë? Nëna e Xhumasë, Noura al-Batran tha, ndërsa ajo mbajti dhe përqafoi batanijen shumëngjyrëshe të djalit të saj në gjoks. “Nuk e duroi dot, nuk duroi dot as të ftohtin, as urinë dhe këtë mungesë shprese”.

Përreth zonës, dhjetëra tenda, shumë prej të cilave tashmë janë copëtuar prej muajsh përdorimi, janë hedhur në erë ose janë përmbytur nga erërat e forta dhe shiu, duke i lënë familjet të luftojnë për të riparuar dëmet, duke rregulluar fletët e grisura plastike dhe duke grumbulluar rërë për të frenuar ujin.

“Uji depërtoi brenda dhe mbi dyshekët dhe rrobat e fëmijëve të mi. Unë ua ndërrova rrobat fëmijëve këtë mëngjes,” tha Sabreen Abu Shanab, një nënë e tre fëmijëve, tenda e së cilës u përmbyt.

“Ata ishin duke fjetur dhe të lagur në të brendshme. Të betohem. Pantallonat dhe të brendshmet (ishin të gjitha të lagura). Gjithçka është lagur, batanijet, jastëkët, gjithçka”, shtoi gruaja.

Ebu Shaneb vuan nga astma dhe përkundër mjekimeve, ajo nuk po ndihet më mirë prej një muaji për shkak të motit të ftohtë dhe mungesës së batanijeve dhe rrobave.

Është një tjetër aspekt i krizës humanitare me të cilën përballet popullsia 2.3 milionëshe e Gazës, e kapur nga fushata e pamëshirshme izraelite kundër mbetjeve të Hamasit dhe e varur nga një sistem ndihme i çrregullt, gjithnjë e më i prekshëm ndaj plaçkitjeve ndërsa rendi është prishur.

Fushata e Izraelit kundër Hamasit në Gaza ka vrarë më shumë se 45,500 palestinezë, sipas zyrtarëve palestinezë shëndetësorë, dhe e ka kthyer enklavën në një shkretëtirë rrënojash dhe ndërtesash të shkatërruara.

Lufta u shkaktua nga një sulm i Hamasit në Izraelin jugor më 7 tetor 2023, në të cilin 1200 njerëz u vranë dhe 251 u dërguan në Gaza si pengje, sipas të dhënave izraelite.

Agjencia e Kombeve të Bashkuara për ndihmë për palestinezët, UNRWA, tha se ndihma nuk është aq afër sa duhet dhe një armëpushim ishte dëshpërimisht i nevojshëm për t’u ofruar pasi uria po afrohej.

Në fillim të këtij muaji, udhëheqësit izraelitë dhe të Hamasit shprehën shpresat se bisedimet e ndërmjetësuara nga Egjipti, Katari dhe Shtetet e Bashkuara mund të çojnë në një marrëveshje për të ndalur luftimet dhe për të kthyer pengjet izraelitë të mbajtur nga Hamasi, duke hapur potencialisht rrugën për një marrëveshje të plotë të armëpushimit.

Por bisedat optimiste për një marrëveshje para fundit të vitit janë zbehur dhe mbetet e paqartë se sa afër janë të dyja palët për një marrëveshje.

Edhe pse të zhvendosurit vuajnë, trupat izraelite janë duke luftuar me luftëtarët e Hamasit në zonën e rrënuar rreth qyteteve veriore të Beit Hanoun, Jabalia dhe Beit Lahiya, tani jashtë mundësive të shërbimeve të urgjencës të ndërprerë nga luftimet. sn

Ka pasur thashetheme se presidentja në largim e Gjeorgjisë, Salome Zurabishvili, nuk do të pranonte të largohej nga pallati presidenciale edhe pas inaugurimit të pasuesit të saj.

Në fund, kjo gjë nuk ndodhi. Zurabishvili, e cila është bërë zëri moral për mijëra protestues antiqeveritarë, vendosi të tërhiqet paqësisht dhe shpejt, por natyrisht jo edhe qetësisht.

Derisa Mikheil Kavelashvili, ish-futbollist dhe populist i krahut të djathtë, po betohej si lider i ri i vendit më 29 dhjetor, Zurabishvili mbajti fjalim para protestuesve opozitarë pranë ndërtesës së pallatit presidencial.

Teksa po largohej nga pallati presidencial, Zurabishvili tha se ajo vazhdon të jetë ende “presidentja e vetme legjitime” e Gjeorgjisë.

Ajo e përsëriti se Kavelashvili, i cili u emërua nga një kolegj elektoral i mbizotëruar nga partia në pushtet, Ëndrra Gjeorgjiane, është president “i paligjshëm”.

Kërkesa kryesore, tha Zurabishvili para turmës, është që vendi të mbajë zgjedhje të reja parlamentare.

Zgjedhjet e 26 tetorit sollën mospajtimin kryesor politik në Gjeorgji, pasi protestuesit opozitarë dolën në rrugë për të protestuar menjëherë pasi Ëndrra Gjeorgjiane e shpalli fitoren.

Opozita dhe vëzhguesit ndërkombëtarë kanë thënë se zgjedhjet nuk ishin as të lira e as të drejta, për shkak të dyshimeve për parregullsi që ia mundësuan fitoren partisë në pushtet.

Ta bindësh Qeverinë gjeorgjiane të mbajë zgjedhje të reja nuk do të jetë e lehtë. Derisa zyrtarët e Ëndrrës Gjeorgjiane e pranuan se kishte ca shkelje, partia, e cila është akuzuar për minimin e demokracisë, ka ngulur këmbë se zgjedhjet ishin të lirë dhe të drejta.

Kryeministri i Gjeorgjisë, Irakli Kobakhaidze, ka thënë se arsyet ligjore për thirrjen e zgjedhjeve të reja janë shterur.

Një marrëvshje mund të jetë e mundshme, mbase nëse Zurabishvili heqë dorë nga pretendimi se ajo është shefja e ligjshme e shtetit në këmbim të zgjedhjeve të reja dhe amnistisë për protestuesit e burgosur apo akuzuar për vepra penale.

Megjithatë, për partinë në pushtet mbajtja e zgjedhjet e reja do të ishte garë e rrezikshme, posaçërisht kundër një opozite të porsamobilizuar dhe plot pasion.

Qeveria e Gjeorgjisë gjithashtu do të jetë nën trysni të shtuar ndërkombëtare. Më 27 dhjetor, Shtetet e Bashkuara njoftuan vendosën sanksione të reja ndaj miliarderit të lidhur me Moskën, Bidzina Ivanishvili, ish-kryeministër dhe themelues i partisë Ëndrra Gjeorgjiane, për minimin e demokracisë së Gjeorgjisë për “përfitim të Federatës Ruse”.

Në fillim të dhjetorit, Shtetet e Bashkuara vendosën regjim vizash për disa ministra të Qeverisë dhe zyrtarë të forcave të rendit.

Bashkimi Evropian ka ndjekur të njëjtën linjë, duke vendosur regjim vizash për zyrtarët gjeorgjianë që mbajnë pasaporta diplomatike. Blloku ka ngrirë gjithashtu 30 milionë euro nga mbështetje financiare për Ministrinë e Mbrojtjes së Gjeorgjisë.

Protesta të vazhdueshme

Më sfiduese për Qeverinë sesa sanksionet ndërkombëtare do të jetë trysnia nga protestat.

Protestat, të cilat u ndezën sërish në nëntor kur Qeveria njoftoi shtyrjen e bisedimeve për anëtarësimin në BE, nuk po tregojnë asnjë shenjë dobësimi.

Para ceremonisë së inaugurimit më 29 dhjetor, protestuesit antiqeveritarë në Gjeorgji formuan një “zinxhir uniteti” njerëzor, i cili u shtri rreth qendrës së Tbilisit. Protesta edhe më të mëdha priten në ditët në vazhdim.

Nëse autoritetet gjeorgjiane e vazhdojnë shtypjen brutale ndaj protestuesve, ose nëse vendosin madje ta burgosin Zurabishvilin, kjo mund të çojë në më shumë trazira civile dhe pasiguri politike.

Para inaugurimit, kryeministri i Gjeorgjisë, Irakli Kobakhidze, foli për arrestimin e 72-vjeçares nëse ajo nuk pranon të largohet nga pallati presidencial.

Ky do të ishte veprim i rrezikshëm për Qeverinë e Gjeorgjisë, sepse do t’i rriste protestat në rrugë dhe do ta izolonte edhe më shumë vendin ndërkombëtarisht.

Autoritetet gjeorgjiane mund të zgjedhin thjesht të presin, duke parapëlqyer ngërçin politik dhe duke u mbrojtur nga sfidat ligjore të opozitës.

Derisa Zurabishvili thotë se ka biseduar me presidentin e zgjedhur amerikan, Donald Trump, nuk është e qartë se si administrata e tij, e cila pritet të ndjekë një politikë të jashtme më izoluese, do të reagojë.

Gjeorgjia gjithashtu po hyn në sezonin e festave, me festimin e Vitit të Ri më 31 dhjetor, Krishtlindjen Ortodokse më 7 janar dhe Vitin e Ri Ortodoks një javë më vonë. Pa dyshim, Qeveria do të shpresojë që gjeorgjianët të zgjedhin të qëndrojnë në shtëpitë e tyre me familjet e tyre, sesa të dalin në rrugë duke sfiduar të ftohtit.

Radio Evropa e Lirë

Përgatiti: Ekrem Idrizi

Drejtori i Përgjithshëm i Organizatës Botërore të Shëndetësisë (OBSH), Tedros Adhanom Ghebreyesus, ka bërë thirrje të hënën që të ndalen sulmet ndaj spitaleve në Rripin e Gazës, pasi Izraeli e sulmoi një dhe e bastisi një tjetër rishtazi.

“Spitalet në Gazë janë bërë përsëri fushëbetejë, ndërsa sistemi shëndetësor është në rrezik shumë të madh”, tha Tedros në një postim në X.

“Ne e përsërisim: Ndalni sulmet ndaj spitaleve. Njerëzit në Gazë kanë nevojë për qasje në kujdes mjekësor. Humanitarët kanë nevojë për qasje për të ofruar ndihmë mjekësore. Armëpushim!” shtoi ai.

Ushtria izraelite tha se militantët e Hamasit ishin në shënjestër të një sulmi të saj në spitalin Al Wafa në qytetin Gaza të dielën, ku mbrojtja civile palestineze raportoi se humbën jetën shtatë njerëz.

Hamasi është i shpallur organizatë terroriste nga Shtetet e Bashkuara dhe Bashkimi Evropian.

Forcat izraelite i arrestuan gjithashtu mbi 240 palestinezë, përfshirë dhjetëra anëtarë të stafit mjekësor nga spitali Kamal Adwan të premten, përfshirë edhe drejtorin Hussam Abu Safiya, sipas autoriteteve shëndetësore në enklavë dhe ushtrisë izraelite.

Ushtria izraelite pretendoi se spitali po përdorej si qendër komanduese për operacionet ushtarake të Hamasit dhe se të arrestuarit dyshohet se janë militantë. Ajo shtoi se Abu Safiya u mor në pyetje nën dyshimin se është operativ i Hamasit.

Tedros kërkoi lirimin e menjëhershëm të Abu Safiyas dhe tha se spitali Al-Ahli gjithashtu ishte përballur me sulme.

Ai shtoi se OBSH-ja dhe partnerët kanë shpërndarë furnizime bazike mjekësore, ushqim dhe ujë, në spitalin indonezian të Gazës dhe se i transferuan 10 pacientë në gjendje të rëndë në spitalin Al Shifa. Gjatë transferimit, katër pacientë u arrestuan, tha ai.

“Ne i bëjmë thirrje Izraelit të garantojë që nevojat dhe të drejtat shëndetësore të këtyre njerëzve të respektohen”, tha Tedros.

Lufta në Gazë filloi kur militantët e Hamasit e sulmuan Izraelin jugor më 7 tetor 2023, ku i vranë rreth 1.200 njerëz, kryesisht civilë, dhe i rrëmbyen afër 250 të tjerë.

Prej atëherë, lufta hakmarrëse e Izraelit në Gazë i ka lënë të vdekur mbi 45.000 palestinezë, shumica e të cilëve gra dhe fëmijë, sipas Ministrisë së Shëndetësisë në Gazë. REL

Vetëm dy persona i kanë mbijetuar rrëzimit të avionit në Korenë e Jugut, thanë zyrtarët.

Avioni me 181 persona në bord, teksa po tentonte të ulej, preku pistën, u kaplua nga flakët dhe më pas u përplas për një mur në Aeroportin Ndërkombëtar Muan të Koresë së Jugut. Për shkak të këtij aksidenti ajror, në këtë shtet janë shpallur shtatë ditë zie.

Dy anëtarë të ekuipazhit, një burrë dhe një grua, u shpëtuan nga pjesa e bishtit të avionit, tha zëdhënësi i zjarrfikësve në Korenë e Veriut, Lee Jung-hyun, duke shtuar se është arritur që të shuhet zjarri.

Avioni shkoi në Korenë e Jugut nga Bangkoku i Tajlandës tentoi të ulej në pistë pak pas orës 09:00, sipas kohës lokale, në aeroportin në jug të Seulit, tha Ministria jugkoreane e Transportit.

Autoritetet thanë se dy nga pasagjerët e këtij avioni ishin shtetas të Tajlandës, ndërkaq pjesa tjetër besohet se ishin nga Koreja e Jugut.

Ky është aksidenti më i rëndë ajror ku është përfshirë një kompani ajrore jugkoreane në tri dekadat e fundit.

Në videot e publikuara në rrjetet sociale mund të shihej avioni i llojit Boeing 737-800 duke rrëshqitur në pistë dhe nuk dukej se ka pajisje për ulje, para se të përplasej në një mur dhe të shpërthejë në flakë.

Dy anëtarët e ekuipazhit, që i mbijetuan aksidentit, po trajtohen në spitale dhe autoritetet thanë se ata janë jashtë rrezikut për jetë.

Disa orë pas rrëzimit, familjarët e pasagjerëve u mblodhën në aeroport, teksa atyre u janë dhënë letra që të shkruajnë detaje për familjarët e tyre.

Ky është aksidenti më i rëndë ajror ku është përfshirë një kompani jugkoreane që nga viti 1997, kur një avion i Korean Air u rrëzua në Guam, duke lënë të vrarë më shumë se 200 persona.

Hetuesit po shikojnë nëse faktorët e rrëzimit të avionit mund të jenë goditjet nga zogjtë apo kushtet atmosferike, tha Lee. Agjencia e lajmeve Yonhap citoi autoritetet e aeroportit të kenë thënë se goditjet nga zogjtë mund të kenë shkaktuar mosfunksionimin e pajisjeve për uljen e avionit.

Kulla e Kontrollit kishte lëshuar një paralajmërim për goditje nga zogjtë pak pasi pilotët shpallën emergjencë brenda fluturakes, tha një zyrtar i Ministrisë së Transportit, duke mos specifikuar nëse avioni ishte goitur nga zogjtë.

Pothuajse një minutë pasi pilotët njoftuan për situatën, ata nisën përpjekjen e tyre të dështuar për t’u ulur, tha zyrtari.

Agjencia News1 raportoi se një pasagjer i kishte dërguar mesazh një familjari të tij, duke thënë se një zog kishte goditur krahun e avionit.

Avioni Boeing 737-800, që operohej nga Jeju Air, ishte prodhuar më 2009. Shefi ekzekutiv i Jeju Air kërkoi falje për aksidentin dhe gjatë një adresimi televiziv ai u përkul për të shprehur keqardhje. Ai tha se ende nuk dihet shkaku i rrëzimit, duke shtuar se fluturakja nuk kishte pasur asnjë aksident të mëparshëm dhe nuk kishte tregues se kishte ndonjë problem në avion dhe tha se do të bashkëpunojë me autoritetet për hetimet.

Kur avioni u largua nga aeroporti i Bangkokut, Suvarnabhumi, nuk ishte raportuar për kushte anormale, tha presidenti i aeroporteve të Tajlandës, Kerati Kijmanawat.

E themeluar më 2005, kompania Jeju Air është një kompani ajrore me kosto të ulët që operon në rrugët ndërkombëtare për në Japoni, Tajlandë dhe Filipine, si dhe kryen fluturime të shumta brenda Koresë së Jugut. REL

Të paktën 127 persona kanë vdekur teksa një avion pasagjerësh, teksa po ulej preku pistës, u kaplua nga flakët dhe u përplas për një mur në Aeroportin Ndërkombëtar Muan të Koresë së Jugut, thanë autoritetet.

Avioni shkoi në Korenë e Jugut nga Bangkoku i Tajlandës me 181 persona në bord dhe tentoi të ulej pak pas orës 09:00, sipas kohës lokale, në aeroportin në jug të Seulit, tha Ministria jugkoreane e Transportit.

Ky është aksidenti më i rëndë ajror ku është përfshirë një kompani ajrore jugkoreane në tri dekadat e fundit dhe është aksidenti më vdekjeprurës, sipas autoriteteve në Seul.

Në videot e publikuara në rrjetet sociale mund të shihet avioni i llojit Boeing 737-800 duke rrëshqitur në pistë dhe nuk duket se ka pajisje për ulje, para se të përplaset në një mur dhe të shpërthejë në flakë.

Dy anëtarë të ekuipazhit, një burrë dhe një grua, u shpëtuan nga pjesa e bishtit të avionit, tha zëdhënësi i zjarrfikësve në Korenë e Veriut, Lee Jung-hyun, duke shtuar se është arritur që të shuhet zjarri.

Autoritetet tani kanë nisur të kërkojnë në zonat përreth për trupa të mundshëm të pasagjerëve.

Dy anëtarët e ekuipazhit po trajtohen në spitale me lëndime nga mesatare deri të rënda, thanë autoritetet.

Disa orë pas rrëzimit, familjarët e pasagjerëve u mblodhën në aeroport, teksa atyre u janë dhënë letra që të shkruajnë detaje për familjarët e tyre.

Ky është aksidenti më i rëndë ajror ku është përfshirë një kompani jugkoreane që nga viti 1997, kur një avion i Korean Air u rrëzua në Guam, duke lënë të vrarë më shumë se 200 persona.

Hetuesit po shikojnë nëse faktorët e rrëzimit të avionit mund të jenë goditjet nga zogjtë apo kushtet atmosferike, tha Lee. Agjencia e lajmeve Yonhap citoi autoritetet e aeroportit të kenë thënë se goditjet nga zogjtë mund të kenë shkaktuar mosfunksionimin e pajisjeve për uljen e avionit.

Kulla e Kontrollit kishte lëshuar një paralajmërim për goditje nga zogjtë pak pasi pilotët shpallën emergjencë brenda fluturakes, tha një zyrtar i Ministrisë së Transportit, duke mos specifikuar nëse avioni ishte goitur nga zogjtë.

Pothuajse një minutë pasi pilotët njoftuan për situatën, ata nisën përpjekjen e tyre të dështuar për t’u ulur, tha zyrtari.

Agjencia News1 raportoi se një pasagjer i kishte dërguar mesazh një familjari të tij, duke thënë se një zog kishte goditur krahun e avionit.

Në mesin e pasagjerëve ishin dy shtetas të Tajlandës, ndërkaq pjesa tjetër besohet se janë nga Koreja e Jugut, tha Ministria e Transportit në Seul.

Avioni Boeing 737-800, që operohej nga Jeju Air, ishte prodhuar më 2009. Shefi ekzekutiv i Jeju Air kërkoi falje për aksidentin dhe gjatë një adresimi televiziv ai u përkul për të shprehur keqardhje. Ai tha se ende nuk dihet shkaku i rrëzimit, duke shtuar se fluturakja nuk kishte pasur asnjë aksident të mëparshëm dhe nuk kishte tregues se kishte ndonjë problem në avion dhe tha se do të bashkëpunojë me autoritetet për hetimet.

Kur avioni u largua nga aeroporti i Bangkokut, Suvarnabhumi, nuk ishte raportuar për kushte anormale, tha presidenti i aeroporteve të Tajlandës, Kerati Kijmanawat.

E themeluar më 2005, kompania Jeju Air është një kompani ajrore me kosto të ulët që operon në rrugët ndërkombëtare për në Japoni, Tajlandë dhe Filipine, si dhe kryen fluturime të shumta brenda Koresë së Jugut. REL