VOAL – UPSALA – Të moshuarit që e hanë shumë peshkun dhe ushqimet bimore mund të jetojnë më gjatë se ata që nuk e bëjnë këtë, këshillon një studim i hollësishëm suedez. Në mesin e më shumë se katër mijë burrave dhe grave mbi 60 vjeç, ata me praninë më të madhe të yndyrnave karakteristike me perjardhje peshku dhe bimore, kishin një përqindje domethënëse më të ulët të vdekshmërisë nga sëmundjet e zemrës. Ata jetojnë rreth 15 vjet më shumë se të të tjerët.

Yndyrnat e tilla janë të llojit të “mirë” që mund të nxitin nivele të shëndetshme të kolesterolit. Këto yndyrna të mira gjenden në salmon, troftë, në avokado, ullinj, arrore dhe në vajra bimore. Sipas udhëzuesve të dietave të rriturit duhet të marrin jo më shumë se 25 deri 35 për qind të kalorive ditore nga yndyrnat. Shumica e këtyre duhet të vijnë nga yndyrnat e mira.

“Nuk ka ushqim mrekullibërës që na bën ne të përjetshëm,” tha një nga drejtuesit e studimit. “Stili i jetës në tërësi do marrë parasysh, përfshirë aktivitetin ditor fizik dhe të ngrënët sa më pak ushqime shtazore si mish, djathë dhe gjalpë. Është më mirë t’i nxitësh njerëzit të hanë ushqime bimore si sallata, turli, perime të gatuara, sanduiçe bananash, supa thjerëzash e tjerë.” reuters