Dronët kundër karburanteve dhe kundër bashkisë së Belgorodit – Inkursione të vullnetarëve që, sipas Moskës, janë zbrapsur

VOAL- Vullnetarët rusë pro-ukrainas, të mbështetur edhe nga automjete të blinduara, kryen bastisje në rajonet kufitare të Kursk dhe Belgorod të martën në mëngjes. Ata pretenduan se kishin shkatërruar një automjet të blinduar, se kishin marrë nën kontroll lokalitetin Lozovaya Rudka dhe më pas edhe Tyotkino. Këto janë qytete të vogla pikërisht në kufirin me Ukrainën.

Guvernatori i rajonit të Kurskut dhe Ministria e Mbrojtjes në Moskë konfirmuan sulmet, të kryera “pas bombardimit të objektivave civile”, duke deklaruar se sulmuesit që hynë nga tre drejtime të ndryshme u zmbrapsën me humbje të mëdha pas përleshjeve të shkurtra me njësitë e ushtrisë dhe rojet kufitare. Nuk ka pasur shkelje të kufirit, siguruan ata. Nga ana ruse raportohet për një lëndim të lehtë.

Gjatë natës, territori rus ishte gjithashtu objekt i një prej sulmeve më intensive me dron të Ukrainës që nga fillimi i konfliktit. Në shënjestër ishin veçanërisht rafineritë dhe depot e karburantit. Në rajonin e Nizhni Novgorod, në Kstovë, një prej tyre – që i përkiste grupit Lukoil – mori flakë, sipas guvernatorit lokal. Zjarri është shuar. E njëjta gjë ndodhi në rajonin e Orelit.

Guvernatori i Belgorod Oblast dhe kryetari i bashkisë së qytetit me mbi 300,000 banorë njoftuan më vonë se një dron gjithashtu u rrëzua para bashkisë, duke dëmtuar fasadën dhe dritaret dhe duke plagosur dy persona.

Sipas burimeve ruse, janë rrëzuar edhe 25 dronë të tjerë. Pothuajse të gjitha në rajonet kufitare të Kursk, Belgorod dhe Bryansk, por dy afër Moskës dhe Shën Petersburgut.

Në rajonin e Kurskut, për arsye sigurie autoritetet kanë urdhëruar që mësimet në shkollë të mbahen nga distanca deri në fund të javës.rsi-eb