voal.ch – Sot në një konferencë shtypi qeveria zvicerane paraqiti planin për të lehtësuar masat anti-Covid-19. Ky plan do të ndahet në tre faza.  Floktarët, fizioterapistët, sallonet e bukurisë, dyqanet, qendrat e kopshtarisë dhe luleshitës do të jenë në gjendje të rihapin aktivitetet e tyre prej 27 Prillit, me kusht që të garantohet siguria e klientëve dhe stafit. Shkollat ​​ do të qëndrojnë të mbyllura të paktën deri më 11 maj. Këshilli Federal paraqiti sot një plan lehtësues tre-hapësh për masat e kontrollimit të koronavirusit. Veprimet do të koordinohen në shkallë vendi.

Hapi i parë: 27 Prill

Floktarët, fizioterapistët, kopshtarët do të jenë të parët që mund të kthehen në punë. Spitalet do të jenë në gjendje të kryejnë të gjitha ndërhyrjet, madje edhe ato jo-urgjente. Klinikat mjekësore gjithashtu do të jenë në gjendje të ofrojnë të gjitha shërbimet përsëri, madje edhe ato jo-urgjente. Nga e njëjta datë, dyqanet ushqimore që ofrojnë edhe mallra të tjera të konsumit, do të jenë në gjendje të rihapin të gjitha zonat e tyre të shitjeve. Disa masa relaksuese do të kenë të bëjnë edhe me përcjelljen në banesën e fundit, ku do të marrin pjesë gjithashtu njerëz që nuk janë pjesë e rrethit të ngushtë të anëtarëve të familjes.

Faza e dytë: 11 maj

Qeveria planifikon të rihapë arsimin ee detyrueshëm nga 11 maj.

Por gjithësesi, Këshilli Federal do të marrë një vendim përfundimtar në 29 Prill.

Faza e tretë: 8 qershor

8 qershori duhet të jetë radha e arsimit jo të dytyrueshëm dhe universiteteve.

Detajet e kësaj faze të tretë do të përcaktohen në seancën e 27 majit.

Kufizimet e Parlamentit gjithashtu duhet të lehtësohen, por asgjë nuk është vendosur ende.

Kalimi nga një fazë në tjetrën – është specifikuar – do të ndodhë vetëm nëse nuk ka rritje të konsiderueshme në rastet Covid-19.

Këshilli Federal gjithashtu autorizoi kantonin e Ticino të zgjasë kufizimet e vendosura në sektorë të caktuar të ekonomisë deri më 26 prill./swissinfo.ch/EB