VOAL – Avioni ekologjik Solar Impulse, i cili po fluturon rrotull botës me energji diellore, do të mbetet në tokë në Hawaii të paktën deri në prill 2016. Në një komunikatë ditore bëhet e ditur se bateritë kanë pësuar dëme të pandreqshme gjatë udhëtimit të fundit nga Japonia që zgjati pesë ditë.

Deri tani ishte vlerësuar se mund të mjaftonin dy-tri javë për riparimin. Mjerisht, avioni ka nevojë për riparime të thella dhe kjo do të kërkojë një kohë të gjatë.