VOAL- Alain Berset nuk ishte në dijeni të rrjedhjes së lajmeve, çka, përmes ish-bashkëpunëtorit të tij Peter Lauener, kishte lejuar Blick të parashikonte vendime të ndryshme qeveritare gjatë pandemisë së koronavirusit. Kështu u tha kolegëve gjatë seancës së së mërkurës vetë kreu i Departamentit Federal të Brendshëm.

Kështu shpjegoi në konferencën për shtyp zëdhënësi i Ekzekutivit, André Simonazzi, duke saktësuar se çështja ka qenë objekt diskutimi intensiv dhe se kjo ka bërë të mundur rikthimin e besimit brenda kolegëve. Berset, shtoi ai, u tërhoq në një pjesë të seancës dhe më vonë u informua nga nënkryetarja Viola Amherd.

Ministri nga Friburgu, i bombarduar nga pyetje të shumta, u kufizua vetëm në media përpara se t’i referohej deklaratës së Këshillit Federal, duke shpjeguar se dëshironte të bashkëpunonte plotësisht me komisionet e menaxhimit të Parlamentit, të cilët të martën vendosën të nisin hetimet e tyre për rrjedhjet e lajmeve nga departamenti, por edhe nga të tjerët. rsi-eb