Socialistët do të shkojnë sot pasdite në Kuvend për të votuar kandidatin e zgjedhur prej tyre për President, z. Bajram Begaj, në raundin e katër të procesit.

Bajram Begaj është Shef i Shtabit të Përgjithshëm të Ushtrisë, një ushtarak në shërbim aktiv. Por, sipas Kushtetutës, Begaj nuk mund të ngjitet në postin më të lartë të shtetit, sepse neni 167 i Kushtetutës thotë shprehimisht:

1 Ushtarakët e shërbimit aktiv nuk mund të zgjidhen ose të emërohen në detyra të tjera shtetërore dhe as të marrin pjesë në parti ose në veprimtari politike.

2. Pjesëtarët e Forcave të Armatosura ose personat që kryejnë shërbim alternativ, gëzojnë të gjitha të drejtat dhe liritë kushtetuese përveç rasteve kur ligji parashikon ndryshe.”

Kësisoj, para se të paraqitej sot zyrtarisht për votim nga Kuvendi, Gjeneralmajor Bajram Begaj duhej të ishte liruar paraprakisht nga detyra me dekret të Presidentit Ilir Meta.

syri.net