(Baba, sa herë më ka thanë: -…Aaah, si asht’ kjo –Jetë!

… Po unë, ç’ka t’i kallxoj djalit?)

Bash (ish),

e para shtëpi,

tu Kisha e Grisë,

Edhe sot i thonë:

-Shtëpia e Brahim Alisë.

Sa herë,

Kur punonim në ato ara,

Kur uleshim me pushue,

Baba me thoshte:

-A i sheh bir, këto të pesë arra?

Eeeh, sa herë e di veten,

(Në kullën që ishte këtu,

Në kat të dytë),

Ka luej kapuça,

me të 5 djemt e Brahim Alisë!

…!

Ia shihja ballin djersitur,

Si lakshten mbi fletë:

-…Aaah, si asht’kjo -Jetë.

Me dhimnin fjalët e babës,

Per trollin,

Ku në vend të pesë vëllezërve,

Mbinë e u rriten pesë arra,

Po sot,

Po sot,

Kur krejt katundit,

…Po i hup fara…?!

…!

Mirë se per babën,

(Ja shkova pak hujin mallit),

Po Unë,

Ç’ka ti kallxoj djalit?

./.

 (NJ, USA, natë e Vitit të Ri, 31 dhjetor 2012)