Përafërsisht 80,000 ushtarë amerikanë janë të dislokuar në territoret e shteteve anëtare evropiane të NATO-s, një prani kjo që synon gjithashtu të dekurajojë agresionin ushtarak rus.

Kështu është shprehur në një letër dërguar presidentit të Dhomës së Përfaqësuesve dhe Senatit, Presidenti i SHBA-ve, Joe Biden

“Përafërsisht 80,000 anëtarë të Forcave të Armatosura të Shteteve të Bashkuara janë caktuar ose dislokuar në vendet e Organizatës së Traktatit të Atlantikut të Veriut në Evropë, duke përfshirë ata të vendosur për të siguruar aleatët tanë dhe për të penguar agresionin e mëtejshëm rus”, thuhet në letrën e publikuar në faqen e Shtëpisë së Bardhë.

Biden ka siguruar Dhomën e Përfaqësuesve dhe Senatit gjithashtu, për kontributin e SHBA-ve, në Koosvë, përmes KFOR, për të penguar, sipas tij, ‘armiqësitë e ripërtërira në Kosovë’. ‘Përafërsisht 403 personel ushtarak të Shteteve të Bashkuara janë në mesin e rreth 4,500 personelit të KFOR-it’.

Raporti i presidenti në largim, Jo Biden, vjen  si pjesë e përpjekjeve të tij  për të mbajtur Kongresin të informuar rreth dislokimeve të Forcave të Armatosura të Shteteve të Bashkuara të pajisura për luftë. sn