TIRANE –Kënga “Mall” e kënduar nga Eugent Bushpepa renditet në vendet fituese të gjysmëfinales së sontme kualifikohet keshtu për në finalen e Eurovision 2018.

Është herë e tretë që Shqipëria kualifikohet në finalen e këtij festivali.

Në finalen e 12 majit do të këndojnë tre shqiptarë, përveç Eugentit që këndon për Shqipërinë, Ermal Meta do të këndojë për Italinë dhe Eleni Fuoriera do të këndojë për Greqinë.

‘Eurovison’ është një nga eventet më të rëndësishme kulturore dhe artistike në Evropë. Nga të gjitha shtetet zgjidhen këngët dhe këngëtarët më të mirë që do të japin maksimumin në atë skenë gjigande.

Shqipëria këtë vit do të përfaqësohet me një nga zërat më të mirë të meshkujve. Eugent Bushpepa me këngën ‘Mall’ pritet të jap më të mirën në skenë duke ditur të gjithë potencialin e tij. Megjithatë sigurisht që në këtë natë të madhe nuk mund të mungojnë as emocionet nga ana e Eugentit.

Por për t’i larguar disi këto emocione dhe për t’i dhënë mbështetje me gjithë zemër nuk kanë munguar dhe urimet nga artistët e tjerë shqiptarë.
Por më e veçanta e gjithë këtyre urimeve është të shikosh se si muzika i bashkon të gjithë dhe nuk bëhet fjalë për konkurrencë apo ‘xhelozi’ mes artistëve.

(BalkanWeb)