VOAL

VOAL

Shkëlqen peshëngritja shqiptare, Briken Calja kampion bote në stilin e shkëputjes

December 10, 2021

Komentet

Ndërron jetë Boris Spassky, kampioni sovjetik i shahut dhe rivali më i madh i Bobby Fischer

Boris Spassky, një nga kampionët më të mëdhenj të shahut të Bashkimit Sovjetik, ka ndërruar jetë në moshën 88-vjeçare.

Spassky, i cili u bë një emigrant në Francë në vitin 1976 dhe shtetas francez dy vjet më pas, është kujtuar si një nga figurat më të shquara të sportit.

Federata Ruse e Shahut ka shprehur keqardhjen për këtë humbje, duke e cilësuar si një “humbje të madhe për Rusinë.”

Spassky mbajti titullin e kampionit të botës nga viti 1969 deri në vitin 1972, kur humbi kurorën e tij ndaj mjeshtrit amerikan Bobby Fischer. Dueli i famshëm mes dy gjigantëve të shahut, Spassky dhe Fischer, u bë një simbol i rivalitetit të Luftës së Ftohtë midis SHBA-së dhe Bashkimit Sovjetik, duke e bërë atë një ngjarje të paharrueshme në historinë e shahut. sn

Jo vetëm Kristjan Asllani në fushë, Inzagi merr në pankinë një 17-vjeçar shqiptar për ndeshjen me Gjenovën

Kristjan Asllani nuk është futbollisti i vetëm shqiptar në gatishmëri të trajnerit Simone Inzagi në radhët e Interit për ndeshjen ndaj Xhenoas. Mesfushorit që e nisi ndeshjen si titullar, i është bashkuar një tjetër lojtar shqiptar.

 

Portieri i U20 të Interit, Alain Taho, është përzgjedhur si alternativë sot për katërkëndorin e zikaltërve, ku tashmë dihet se do të mungojë për rreth një muaj Jan Zomer, i cili është dëmtuar në gisht. Titullar në vend të zviceranit është graduar spanjolli Martinez, ndërsa në pankinë janë ulur 19-vjeçari italian Kaligara dhe pikërisht 17-vjeçari Taho.

alain taho 1

Ky i fundit është pjesë e kombëtareve  të moshave të Shqipërisë, pasi ka luajtur në vitet e fundit kualifikueset e Europianit si me U17, ashtu edhe me U19 kuqezi.

alain taho 2

PANORAMASPORT.AL

Myrto Uzuni: Në SHBA thyej rekorde, dua të bëj histori dhe gola!

Myrto Uzuni është prezantuar në klubin e MLS-së, Austin. Sulmuesi i Kombëtares shqiptare ka marrë fanellën me numrin 10 dhe është gati për aventurën amerikane.Klubi i MLS pagoi 12 milionë euro për kartonin e 29- vjeçarit, një shifër rekord për ta dhe ditën e djeshme, Uzuni është prezantuar përpara mediave, ku iu është përgjigjur pyetjeve të gazetarëve. Myrto pasi luajti në kampionatin shqiptar me ekipe si Tomori, Apolonia dhe Laçi, u transferua në Kroaci te Lokomotiva e Zagrebit. Prej aty sulmuesi firmosi për Ferencvaroshin në Hungari, ndërsa aventura e fundit ishte te Granada në Spanjë, ku la gjurmë si golashënuesi më i mirë i huaj në historinë e klubit. Pas tri vitesh, beratasi do të nisë një kapitull të ri në karrierën e tij, teksa ka nënshkruar një kontratë deri në fund të vitit 2027, me opsionin e rinovimit për një vit tjetër.

Cilat janë synimet tuaja në aventurën tek Austin?

Normalisht unë jam ambicioz dhe dua të shënoj gjithmonë gola. Objektivi është i qartë edhe tek Ostin, të realizoj sa më shumë gola. Të jem i sinqertë, përpara se të firmosja folëm me drejtuesit dhe kuptova që kemi tifozë shumë të mirë, është një nga ekipet ku i shiten të gjitha biletat në çdo ndeshje dhe ashtu siç thash më parë unë do të jap maksimumin, pasi këta njerëz vijnë të mbështesin skuadrën e Ostin, kështu që puna ime është të bëj të lumtur tifozët duke shënuar gola sigurisht.

Në këtë moment të karrierës tuaj, çfarë do të thotë kjo lëvizje në një anë tjetër të botës, në një ligë të re?

Unë kam luajtur në “Champions League”, Europa League, La Liga, ndeshje me Kombëtaren. Dua të provoj veten edhe këtu, kampionati amerikan është duke u ngritur si nivel çdo vit dhe unë dua që të shkruaj emrin tim në këtë ligë. Arsyeja pse zgjodha të vij në Shtetet e Bashkuara lidhet me projektin ambicioz të klubit. Kjo përputhet me ambiciet e mia dhe me mentalitetin për të fituar gjithmonë. U premtoj tifozëve të Ostin se do të jap maksimumin për të shënuar sa më shumë gola dhe për të ndihmuar ekipin të arrijë objektivat e saj. Kam ardhur këtu për të thyer rekorde dhe për të shkruar histori, jo për të sjellë familjen dhe për tu relaksuar.

Sa e njeh këtë kampionat dhe si të duket në krahasim me Spanjën?

Po, është një ligë që ka shpejtësi. Unë kam një mik që luan këtu në SHBA, është Xhakomo Vrioni të cilin e kam pyetur për kampionatin në përgjithësi. Kam shumë informacione dhe mendoj se do të më shërbejnë që të bëj mirë këtu.

KRISTI SEJATLLARI-PANORAMASPORT.AL

Jannik Sinner u pezullua për tre muaj për çështjen Clostebol

Italia dhe Agjencia Botërore Anti-Doping kanë arritur një marrëveshje

VOAL- Vendimi duhej të vinte dhe në fund ja ku është verdikti: Jannik Sinner, numri një në botë, është pezulluar për tre muaj për shkak të çështjes Clostebol, për të cilën rezultoi pozitiv në mars 2024. Agjencia Botërore Anti-Doping (WADA) e njoftoi mëngjesin e sotëm me një deklaratë për shtyp, në të cilën konfirmoi se kishte arritur një marrëveshje për zgjidhjen e një lojtari italian të pranuar deri në 10 maj të këtij viti, i cili do të mbarojë çështjen. Prandaj tiroliani i Jugut do të humbasë katër Masters 1000, por asnjë turne Grand Slam.

“Kjo çështje më kishte varur për gati një vit tani dhe gjyqi do të ishte i gjatë, me një vendim që ndoshta nuk do të vinte deri në fund të vitit 2025.” Kështu e komentoi Sinner marrëveshjen me WADA-n për ndalim tre mujor. “Unë e kam pranuar gjithmonë që jam përgjegjës për ekipin tim dhe besoj se rregullat strikte anti-doping janë një mbrojtje e rëndësishme për sportin që dua. Mbi këtë bazë kam pranuar ofertën e Agjencisë Botërore për zgjidhjen e procedimeve aktuale mbi bazën e një sanksioni prej tre muajsh”, përfundoi 23-vjeçari. RSI

Për herë të parë në histori, Trumpi thyen tabunë, do të jetë prezent në Super Bowl

Për herë të parë në histori, një president i SHBA do të jetë i pranishëm në stadium, si spektator, për në ndjekur një finale në Super Bowl. Donald Trump thyen edhe këtë barrierë pasi sipas mediave botërore, presidenti i ri i SHBA do të jetë në New Orleans më 9 shkurt për të ndjekur super sfidën ndërmjet Kansas City Chiefs dhe Philadelphia Eagles.

Nuk është ende e qartë se kë skuadër do të mbështesë Trump, por sipas disa burime ka një pëlqim për Kansas City.

Trump do të japë edhe një intervistë për FOX përpara këtij takimi.

Prania e Trump në stadium do të rrisë akoma më shumë nivelin e sigurisë pasi në këtë vend disa muaj më parë u vranë 14 persona.

Super Bowl konsiderohet si një matës i sigurisë kombëtare, kërkon një organizim të veçantë dhe prania e Trump e dërgon në një tjetër nivel.bw

 

Uashington, disa sportistë të patinazhit artistik në avionin e rrëzuar, mes tyre dy kampionë botërorë rusë

Dy patinatorë të famshëm rusë ishin në aeroplanin që u rrëzua në Uashington, sipas mediave ruse.

Sipas agjencisë ruse të lajmeve Tass, 52-vjeçarja Yevgenia Syskova dhe 55-vjeçari Vadim Naumov, të cilët ishin një çift i martuar, ishin midis 64 pasagjerëve në bordin e aeroplanit të pasagjerëve që u rrëzua në ujërat e akullta të lumit Potomacm natën e së mërkurës së kaluar (në orët e para të mëngjesit sot me orën tonë) pasi u përplas me një helikopter të forcave ajrore ushtria. Agjencia Ria raporton se në bordin e avionit fatal mund të ketë qenë edhe djali i tyre i vogël Maxim, i cili po ndjek hapat e prindërve në sport.

Dyshja kishin fituar vendin e parë në kampionatin botëror të patinazhit në çift në vitin 1994. Gjatë karrierës së tyre, Siskova dhe Naumov fituan shumë çmime dhe nderime në ngjarje të ndryshme botërore. Pas daljes në pension në vitin 1998, ata filluan të punojnë si trajnerë dhe që atëherë jetojnë në Shtetet e Bashkuara të Amerikës.

Djali i tyre Maxim kishte garuar në kampionatin amerikan të patinazhit artistik në Wichita, Kansas nga 20 deri më 26 janar.

Në këtë fazë nuk është e qartë nëse ka ndonjë të mbijetuar nga rrëzimi i avionit që ka tronditur SHBA-në. CBS News raportoi më herët se 18 trupa ishin gjetur.

Shumë patinatorë në aeroplan

 

Federata e patinazhit artistik të SHBA-së konfirmoi se “disa” anëtarë të komunitetit të sportit ishin në aeroplan. Organi drejtues i sportit tha se sportistë, trajnerë dhe anëtarët e familjes po ktheheshin nga një kamp stërvitor i mbajtur në lidhje me Kampionatin Amerikan të patinazhit me figura në Wichita, Kansas.

“Jemi të shkatërruar nga kjo tragjedi e patregueshme. Ne do të vazhdojmë të monitorojmë situatën dhe të japim më shumë informacion kur të bëhet i disponueshëm”, thuhet në një deklaratë.

Patinatori Luke Wang shkroi në Platformën X: “Duke u lutur për të gjithë pasagjerët që fluturonin nga Wichita në Uashington. “Në mesin e pasagjerëve kishte sportistë dhe trajnerë. Absolutisht tronditëse”.

Gazeta ruse e lajmeve Mash publikoi një listë me 13 patinatorë, shumë prej të cilëve janë fëmijë të emigrantëve rusë në SHBA, të cilët thuhet se ishin në aeroplan.

Inna Volyanskaya, një ish-patinatore artistike që kishte konkurruar për Bashkimin Sovjetik, raportohet se ishte gjithashtu në aeroplan, raportoi TASS. Ajo ishte një trajnere për klubin e patinazhit artistik të Uashingtonit, sipas faqes së saj të internetit.bw

Kapiteni Berat Gjimshiti zgjidhet nga futbollistët kuqezi “Lojtari i Vitit i Kombëtares”

Në një ceremoni madhështore të organizuar në Teatrin Kombëtar të Operas dhe Baletit nga Federata e Futbollit, Berat Gjimshiti u nderua me çmimin prestigjioz “Lojtari i Vitit i Kombëtares”.

Çmimin e veçantë ia dorëzoi trajneri i Kombëtares shqiptare, Silvinjo, Sevime Gjimshitit, nënës së Berat Gjimshitit, i cili për shkak të angazhimeve me klubin e tij, e kishte të pamundur të ishte i pranishëm.

Gjimshiti, që aktivizohet me Atalantën në Serie A dhe mban shiritin e kapitenit te Kombëtarja shqiptare, ka pasur një vit të jashtëzakonshëm. Ai udhëhoqi Atalantën drejt triumfit historik në UEFA Europa League dhe ishte një figurë kyçe në përfaqësimin dinjitoz të Shqipërisë në Kampionatin Europian “Gjermani 2024”.

Përzgjedhja e tij si “Lojtari i Vitit i Kombëtares” u bë nga votat e lojtarëve të Kombëtares. bw

Bekim Balaj shpallet “Topi i Artë” 2024 në Superiore

Bekim Balaj është shpallur “Topi i Artë” 2024 në kampionatin “Abissnet Superiore”. Futbollisti i Vllaznisë fitoi çmimin e futbollisti më të mirë të vitit, pas një gare të fortë me Arinaldo Rrapajn, Albano Aleksin dhe Ermir Rashicën.

Çmimin e “Topit të Artë” në Mbrëmjen Gala ia dorëzoi Presidenti i FSHF-së, Armand Duka, i cili e uroi Balajn për këtë arritje.

Nga ana e tij, sulmuesi i Vllaznisë, Bekim Balaj, përgëzoi FSHF-në për organizimin e këtij eventi të rëndësishëm dhe shprehu kënaqësinë e tij për fitimin e çmimit më të rëndësishëm të mbrëmjes. bw

Angli-Shqipëri/ Shiten të gjitha biletat e tifozëve shqiptarë në ‘Wembley’

Të gjitha biletat e vëna në dispozicion për tifozët shqiptarë në stadiumin “Wembley” për ndeshjen e parë kualifikuese Angli – Shqipëri janë shitur.

Ka pasur një interes të jashtëzakonshëm nga tifozët e Kombëtares kuqezi për këtë sfidë, të cilët si gjithmonë do të jenë në mbështetje të ekipit.

Ndeshja Angli – Shqipëri, e vlefshme për kualifikueset e Kupës së Botës 2026, do të luhet më 21 mars, në orën 20:45, në stadiumin “Wembley” të Londrës. sn

“Në gjurmët e Shallvares”, si u rrënua për pallatet “sovjetike” të banimit, dëshmia e rrallë historike! Tribuna ku mbreti ndiqte sportin

BESNIK DIZDARI

Në të vërtetë të dy këto jubile i përkasin vitit që sapo shkoi. Interesantja është se përvjetori i rrënimit të Stadiumit Kombëtar, kontraston me 95-vjetorin e themelimit (ndërtimit) të Fushës së Shallvares. I pari është rrënim e i dyti është ndërtim. Por edhe ky një ndërtim i cili më 1946 u shndërrua, gjithashtu, në rrënim për të ndërtuar pallatet “sovjetike” të banimit, të ashtuquajtuara “Pallatet e Shallvares”.

Tash po më duket, se, në thelb, e kam fjalën për rrënimet që nuk kanë ndalë asnjëherë në Shqipëri. Pra, edhe sot. Dhe ia vlen që edhe rrënimet të përkujtohen. Mbi të gjitha për të mos harruar përse erdhi rrënimi dhe për të mos rrënuar më, sidomos ndërtimet historike e të kulturës kombëtare.

“Jubileu” i 95 vjetorit të ndërtimit atletik të Fushës së Shallvares

Duke shkuar te historia e vërtetë e ndërtimit më 1929 të Fushës së Shallvares, po perifrazoj një shkrim të hershëm, që sa më lidh me Shallvaren, po aq më lidh edhe me Riza Lushtën e madh, i cili mori emër në këtë fushë. Ndonëse si futbollist, siç ka shkruar vitet e fundit në kujtimet e tij personaliteti i shquar udhëheqës i Kosovës e i Jugosllavisë Fadil Hoxha, edhe Riza Lushta, edhe Naim Kryeziu kanë dalë si futbollistë në konviktin “Malet Tona” të Shkodrës, kur nisën mësimet e tyre në Gjimnazin e atyshëm. Por ishte Fusha e Shallvares e Tiranës ajo që i bëri të mëdhenj të dy këta futbollistë, historinë e të cilëve thuajse e kam shteruar në qindra faqe, gati për libër.

Pata shkruar:

“… Mbas 60 e mâ vjetëve të madhështisë, talentit dhe arritjeve sensacionale të futbollistit shqiptar, Riza Lushtës së Mitrovicës së Kosovës të formuar nga Sportklub Tirana e Shqipërisë, sot e kësaj dite Shqipëria-Nanë nuk ka ende një stadium me emrin e tij! Madje as edhe një turne me emrin e tij! Nuk ka as edhe një rrugë me emrin e tij. Kam vizituar këto ditë Fushën e Shallvares. Duket si paradoksale, sepse dihet që ajo nuk ekziston më. Megjithatë e kam vizituar. Më ka ndihmuar tejet Ing. Orhan Sakiqi, përveç të tjerave, autor i disa shkrimeve të mrekullueshme në “TemA”, edhe për historinë e Shallvares. Qemë te vendi ku ka qenë tribuna qendrore, aty ku ka qenë shtëpia ku ka jetuar Ing. Sakiqi që ka shërbyer jo rrallë edhe si tribunë për autoritete, deri dhe me praninë e Mbretit Zog. Mandej kemi nisur ta vizojmë me mend Fushën. Mû aty përpara ndërtesës së Telekomit ka qenë porta veriore e Fushës. Ajo përballë, natyrisht përtej, njëqind metra larg, duke mbërritur deri afër Lanës së sotme. E gjithë rruga përpara barit “Taivan” ka qenë pjesë e fushës. Me një fjalë, duhet të besojmë se pikërisht aty ku fillojnë shkallët e para të “Taivanit” duhet të ketë qenë muri rrethues i Fushës, ose tribuna karshi, siç i themi sot. … Ing. Sakiqi pak a shumë arriti të përcaktonte edhe se ku ka qenë mesi i fushës dhe ku ka qenë pika e gjuajtjes së këndit, në krahun e majtë të portës që Rudolf Gurashi apo Niko Dovana kanë mbrojtur kushedi sa herë në vitet ’30, e prej ku Adem Karapici me shokë kanë dhënë topa të mrekullueshëm për golat e Riza Lushtës. Rruga para “Taivanit” e meriton të thirret “Riza Lushta”, më e pakta që mund të bëjmë, që t’u afrohemi sadopak shqiptarëve tonë të Kosovës, të cilët i kanë vënë stadiumit të vjetër të Mitrovicës emrin “Riza Lushta”…

Për këtë ka meritë të madhe vetë Kosova e Lushtës, por për hir të një të vërtete, autori i këtushëm së bashku me kolegun e paharrueshëm Agim Binaku, e kemi nxitur fort këtë emërtim kuptimplotë “Riza Lushta” të stadiumit të Mitrovicës.

Fusha e Shallvares nuk është historike thjesht sepse këtu kanë luajtur Riza Lushta e Naim Kryeziu. Ajo është madje përtej historisë, sepse këtu më 1929 është zhvilluar Kampionati i parë Kombëtar i Shqipërisë në Atletikën e Lehtë. Kjo do të thotë se në Fushën e Shallvares është zhvilluar Kampionati i parë Kombëtar i një Sporti për Shqipërinë, që është atletika e lehtë, pra para Kampionati Kombëtar të Futbollit (1930).

Ndërkaq, ia vlen për të treguar pak se si e gjykonin të huajt këtë Kampionat Kombëtar, në atë vit historik 1929 të Sporteve për Shqipërinë. Po risjell këtu një fragment prej shkrimit të “La Gazzetta del Mezzogiorno” me titullin “I Campionati Nazionali di atletica leggera (“Kampionatet Kombëtare të atletikës së lehtë”), në shumës, sepse së bashku te u zhvillua edhe Kampionati i Juniorëve! Shkruan “La Gazzetta…”:

”Kampionatet Kombëtare të atletikës së lehtë, nën drejtimin e Entit Kombëtar për Rininë, të zhvilluara nën kujdesin e lartë të Lartësisë së saj Mbretërore, Princeshës Myzejen, përfunduan me një bilanc elokuent, sepse garat e zhvilluara, dhanë rezultate që më tepër se një dëfrim, përfaqësojnë një siguri për zhvillimet e ardhshme të edukatës fizike në Shqipëri. … Rezultatet kanë qenë shumë të kënaqshme, e për këtë duhen përgëzuar fort organizatorët dhe atletët pjesëmarrës, të cilët u treguan mjaft të zot… Ndërmarrja e Entit Kombëtar të Rinisë, meriton lavdërimet më të larta.

E gjithë Shqipëria u shndërrua kështu në një vatër atletësh…”.

Në vitin 1999 i joshur nga pllakati i Kampionatit të parë Kombëtar që po e ribotojmë këtu, që është pra, ky i Fushës së Shallvares më 1929, jam bërë promotor i emetimit të një pulle postare kushtuar 70-vjetorit të themelimit të këtij Kampionati të Atletikës, meritë e Postës Shqiptare, natyrisht. Për fat, deri më sot vetëm kaq!…

Ing. Orhan Sakiqi ka meritën se i ka kushtuar Fushës së Shallvares librin e tij me shumë vlerë “Në gjurmët e Shallvares”, duke lënë kështu një dëshmi historike të rrallë. Për fat, një libër që nuk ia përmendin !

Ndërkaq, qofsha i gabuar, por është vështirë të dokumentohet se në vitin 1929, në Fushën e Shallvares të jetë përfunduar edhe terreni i fushës së futbollit. Na e vërteton “Gazeta Shqiptare” e 5 prillit 1930. Në kreun e faqes së saj të parë ajo titullon kështu: “Zhvillimi i jetës sportive në Shqipëri”. Dhe mandej titulli tjetër: “Përurimi i fushës në Tiranë”, duke njoftuar në nëntitull ndeshjet “Elbasani – Tirana 1-0”. E pak më tej atë Teuta – Urani 2-2. Kur Urani është po Elbasani. Të dyja këto janë ndeshje miqësore, përgatitore siç i quajmë sot.

Siç del nga ajo çka shkruan kjo gazetë e 5 prillit 1930, përurimi zyrtar i Fushës së Shallvares për futbollin është bërë saktësisht ditën e dielë të 30 marsit 1930.

Shkruan në drejtshkrimin e saj “Gazeta Shqiptare”:

“Ditën e dielle që kaloi, n’orën plot 15, u çvillua në Tiranë cerimonia e përurimit të fushës sportive e cila, duke pritur Stadiumin Kombëtar të projektuar që do të ndërtohet, Enti Kombëtar i Djalëris Shqipëtare, ka dashë të krijojë për të dhënë rastin praktikuesve të sportëve të ken mundësin e plotë të veprojnë me lirin ma të plotë dhe me qetësi dhe heshtje shpirtnore, ashtu si edhe për të filluar nga themelimi i disiplinës në shpirtin e publikut, si është bërë për disiplinën e plotë të lojtarëve dhe t’athleteve. …Kjo gjâ duhet të detyrohet interesimit dashmirës August të Nalt Madhënis së Tij Mbretit Zog… Sovrani vetë ka dhënë urdhër që punimet, të nxirren prej punës së dorës së ushtarëve, nën drejtimin inteligjent dhe të pa gabuar të kapitenit Gobbini… Përveç lojës së foot-ballit, fusha në fjalë jep mundësinë e çvillimit të një mbledhje sportive, dhe më së fundi jep mundësi, të çvillohen edhe lojat e tjera të quajtura “basket ball” dhe “voley ball”. … Kështu zbukurohet Tirana nga të gjitha anët dhe pikpamjet.

Ky ishte përurimi zyrtar i plotë i Fushës së Shallvares, pra edhe për futbollin, duke e shndërruar ate për plot 15 vjet (1930- 1945) arenë kryesore të futbollit shqiptar. Kjo është Fusha e Shallvares të cilës ia përsiat prejardhjen e emërtimit, i përkujtueshmi ynë i madh, Tahir Dizdari (1900 – 1972) në veprën e tij unikale të linguistikës shqiptare “Fjalori i Orientalizmave në Gjuhën Shqipe” (2005). E bën këte kur shkon te etimiologjia e fjalës “shallvare”. “Miltiadh Shallvari, – vë shënimin e tij në fjalor Dizdari, – pasanik i madh në Durrës, ka pasë zotnue çiflikun e Rrushkullit dhe sinorin e Shallvares në Tiranë. Trashigimtari i fundit i tij, i përfaqësuar prej T.Toçit në kohën e qeverisë së Zogut, ka pasë rivendikue zotnimin e Fushës së Shallvares, me pretendim se i kish qenë ble në mënyrë arbitrare e efektive prej Esat Toptanit. Por nuk zgjati që edhe këtij iu pat konfiskue pasunija”.

Drejtori i Shkollës Teknike të Tiranës, Harry Fultz i SHBA, është një ndër organizatorët e Kampionatit të parë Kombëtar të Atletikës së Lehtë në këte vit 1929. Së bashku me anëtarët e atij që quhej Komiteti Organizues i Kampionatit: Rexhep Jella, prefekt i Tiranës; Rasim Kalakula, kryetar i Bashkisë; italiani Kolonel Bellocchio, Komandanti i Grupit të Tiranës; Hasan Lame, sekretari i Prefekturës; dhe padyshim, i famshmi organizator i parë i huaj i sporteve shqiptare në tanësi, italiani Giandomenico de Marchis – drejtues i Degës së Tiranës të Entit Kombëtar Djelmnia Shqiptare.

Eshtë një Kampionat i cili ka ndërkaq, edhe një udhëheqës shpirtëror, nëse do të mund ta quanim kështu: Princesha Myzejen, “patronesha e Kampionatit”, e shkruar madje edhe në një emërtim origjinal të gjuhës shqipe: “Nën shikesën e Naltë të Naltësisë së saj, Princeshës Myzejen”. Nga ana tjetër, një tufë shéjash trofe: kupa të rralla dhe elegante për fituesit vetjakë dhe ekiporë, zbukurojnë publicitetin e shtypit, teksa tregohen para fillimit të Kampionatit. Të denja edhe për sot, Shekullin XXI.

Dhe mbërrihet te 2 shtatori 1929. Në Shallvaren e Tiranës. Ceremoni e shkëlqyer për kohën. Rreshtim. Parakalim. Hymn Kombëtar. Prani e Princesësh Myzejen. Fjala emocionuese e prefektit Rexhep Jella. Ky ishte 2 shtatori 1929 që themeloi jo thjesht Kampionatin e Parë të Atletikës së Lehtë, por vetë atë që e kemi thënë njëqind herë: themelimin e Kampionateve Kombëtare të Shqipërisë për gjithë sportet. Eshtë ndoshta data më historike themeluese në krejt jetën e sporteve në Shqipëri. Kurrë nuk është përkujtuar!..

Risjellim këtu këte histori tjetër dokumentuese që përmbledh kampionët e parë të Shqipërisë, të Kampionatit të parë Kombëtar të Atletikës së Lehtë 2-6 shtator 1929:

100 m.: Dr. Naim VRETO / Tirana
200 m.: Llazar MIHA / Tirana
400 m.: Llazar MIHA / Tirana
800 m.: Simon TODOSHI / Korça
1500 m.: Simon TODOSHI / Korça
3000 m.: Simon TODOSHI / Korça
5000 m.: Jorgji KOJA / Tirana
8000 m.: Jorgji KOJA / Tirana
11 m/p.: Dr. Isuf DASHI / Tirana
Së gjati: Prof. Peter ANDONI / Elbasani
Së larti: Prof. Peter ANDONI / Elbasani
Trehapësh: Irfan GJINALI / Tirana
Gjyle: Ymer SHARRA / Vlora
Disk: Ymer SHARRA / Vlora
Shtizë: Zeqir SULEJMANI / Shkodra
Topi me vjegë: Prof. Behxhet JOLLDASHI / Elbasani
4×100 m.: Tirana
4×400 m.: Tirana
Pentatlon: Prof. Petër ANDONI / Elbasani
Dekatlon: Prof. Petër ANDONI / Elbasani
Kampion si ekip: TIRANA

Pothuajse të gjithë këta kampionë, janë intelektualë dhe universitarë të shquar. Vitin që sapo kaloi atyre duhej t’ua kishim përjetuar me ceremoni të jashtëzakonshme 95 vjetorin e themelimit të tyre dhe tonin, aq të madh për historinë e kombit tonë. Por asgjë!…

vijon

/Gazeta Panorama

Sinner do të paraqitet në Gjykatën e Arbitrazhit Sportiv më 16 dhe 17 prill

Rasti i dopingut të numrit 1 të botës do të diskutohet me dyer të mbyllura në Lozanë

VOAL- Gjykata e Arbitrazhit Sportiv (CAS) ka caktuar datën e seancës së Jannik Sinner: 16 dhe 17 prill. Gjatë dy ditëve të ardhshme, tenisti numër 1 i botës do të jetë në Lozanë, me dyer të mbyllura, për t’u takuar me Agjencinë Botërore Anti-Doping (WADA) për rastin që e përfshiu atë marsin e kaluar dhe për të cilin vetë WADA kishte apeluar.

Marsin e kaluar, italiani rezultoi pozitiv në dy teste që zbuluan gjurmë të Clostebolit (një derivat i testosteronit që përdoret gjithashtu për trajtimin e lezioneve të lëkurës) dhe që çuan në dy pezullime të përkohshme, të cilat Sinner i apeloi dhe mori revokimin. WADA kërkon një ndalim deri në dy vjet për 23-vjeçarin, i cili gjithmonë ka pohuar se gjurmët e substancës i janë transmetuar përmes një masazhi nga fizioterapisti i tij, i cili e kishte përdorur atë për të trajtuar një prerje në gisht. RSI

Dëmtimi, Broja qetëson Evertonin, rikthehet shpejt në fushë

Te Everton mund të marrin frymë lirisht. Dëmtimi i Armando Brojës shqetësoi jo pak stafin e klubit të Premier League, por si duket, nuk ka asgjë serioze. Sipas asaj që shkruajnë mediat, sulmuesi shqiptar ka marrë një goditje të fortë në shpinë dhe ka optimizëm të madh se ylli kuqezi mund të rikthehet shumë shpejt në fushë.

Në bazë të raportimeve më të fundit në Britani, Armando Broja mund të jetë gati fundjavën e ardhshme, ose më së largu pas dy javësh. Gjithçka mbetet të vlerësohet ditë pas dite, me stafin mjekësor të Everton që po monitoron nga afër situatën, ndërsa në  vijim pritet të mësohet  diçka më shumë.

Për Brojën ky sezon ka qenë mjaft i vështirë, pasi vinte nga një periudhe e gjatë jashtë fushe për shkak dëmtimi dhe sërish i është dashur të përballet me një lëndim. Pas rikuperimit, 23-vjeçari luajti 25 minuta ndaj Arsenal, 21 minuta ndaj Cityt, ndërsa në dy sfidat e fundit të Everton, ato ndaj Bourenmouth dhe Nottingham e nisi si titullar. Te Everton, Broja shihet si pjesë e rëndësishme e skuadrës, për pjesën e mbetur të sezonit. bw


Send this to a friend