Noka e ka qëlluar Braçen me një letër dhe menjëherë deputetët e tjerë janë ngritur në këmbë duke mbajtur larg Nokën dhe Braçen. Sherri ka ndodhur gjatë kohës që po fliste ish-kryeministri Sali Berisha dhe ndërhyrjet e vazhdueshme të Braçes kanë acaruar Nokën.

Mes dy deputetëve ka patur përplasje verbale që në fillim të seancës për të përfunduar në goditje me sende. Nënkryetarja e Kuvendit, Valentina Leskaj ka ndërprerë seancën dhe pritet që të merret vendimi për përjashtimin e deputetit të PD-së.

Flamur Noka është deputeti më problematik në Kuvendin e Shqipërisë, i cili përfshihet gjithnjë në konflikte verbale dhe fizike. Ai ka bllokuar gjithashtu disa herë foltoren duke mos lejuar ministrat të flasin.