Veprimtarë të bashkësisë shqiptare të Usterit dhe Muzeu Historik i qytetit të cilët prej vjeshtës së 2019 kanë nisur dokumentimit të gjurmëve të emigracionit shqiptar zhvilluan një takim njohës me ambasadoren e RSH-së në SHBA Zj. Floreta Faber. William Wallace dhe David Conner për Muzeun Historik të Usterit theksuan me të pranishmit Frankli Zdruli, Thanas Gjika dhe Maksim Ilirjani se ky bashkëpunim i ka kapërcyer parashikimet. Mjediset muzeale, materialet e grumbulluara, teknologjia dixhitale dhe afrimi i institucioneve akademike si Instituti Politeknik- WPI dhe “Holly Cross” përmes pjesmarrjes së studentëve në këto faza kërkimore dhe dokumentimi kanë zgjeruar bazën e projektit dhe shtrirjen në kohë të tij.

Ndërsa në nivel lokal po shikohen mundësitë e pjesmarrjes së qytetarëve në prurjet e historive vetjake dhe dokumentave të rralla nga familjet emigrante që përse ata zgjodhën Usterin dhe u bënë pjesë e jetës dhe e zhvillimit të tij si qytet. Usteri quhet “Zemra e Komonuellthit” dhe e ka këtë simbol prej gati 3 shekujsh, ndërsa viti 2022 e ka ngjeshur kalendarin përkujtimor me shumë data jubilare dhe veprimtari për banorët dhe muzeun prej ku mësohet se edhe shqiptarët e Usterit kanë peshën e tyre përkrah emigrantëve të tjerë të vendosur në SHBA një e tillë e rëndësishme është 100 vjetori i lidhjes së marrëdhënieve mes dy vendeve.