VOAL – Që nga viti 2000, pasuria mesatare për çdo të rritur në Zvicër është shtuar me 130%, kryesisht për shkak të vlerësimit të frangës zvicerane kundrejt dollarit amerikan midis viteve 2001 dhe 2013, sipas bankës zvicerane Credit Suisse

Numri i multimilionerëve në Zvicër – njerëz që fitojnë mbi 5 milionë dollarë (4.7 milionë franga) në një vit – u rritën me 13% në vitin 2017 krahasuar me vitin e kaluar, tregon një raport i ri.

The KnightFrank 2018 Wealth Reportexternal botuar të martën (sot) bën të ditur se në Zvicër kishte 52 950 multimilionerë në vitin e kaluar, nga 47 000 në vitin paraardhës. Deri në vitin 2022, kjo shifër pritet të rritet në 64 000. Në mbarë botën mendohet të ketë rreth 2.5 milionë multimilionerë. Rritja më e madhe vitin e kaluar ishte në Rusi.

Numri i banorëve zviceranë që fitojnë mbi 50 milionë dollarë në vit gjithashtu u rrit me + 13% në 3.710, dhe rreth 250 njerëz në Zvicër fitojnë mbi 500 milionë dollarë në vit. Globalisht, ka rreth 6 900 individë të tillë me fitim neto. Rusia dhe vendet fqinje të saj përsëri e panë rritjen më të madhe në këtë segment.

Sipas një raporti të vitit 2017 nga revista e biznesit në gjuhën gjermane Bilanz, 300 banorët më të pasur të Zvicrës kanë asete që arrijnë në 674 miliardë franga.

SDA-ATS