Rita Ora është ndarë nga i dashuri i saj Ricky Hil – dhe miqtë e saj po thonë se kësaj radhe ndarja e tyre është e përhershme.

Gjyqtarja e re e “X Factor”-it, 24-vjeçe, dhe i biri i Tommy Hilfigerit, 25-vjeç, i dhanë fund lidhjes së tyre disa javë më parë pasi që ajo tashmë është përqendruar në karrierë në Britani.

Një burim i afërt me çiftin, tashmë të ndarë, ka konfirmuar për “MailOnline” se pop-ylli ndërkombëtar ka kërkuar përkrahje nga miqtë e afërt pasi i dha fund romancës së saj një vjeçare, transmeton Koha.net.

“Rita dhe Ricky janë ndarë përgjithmonë kësaj radhe. Ndarja është bërë në mënyrë miqësore dhe që të dy morën vendim të ndahen për t’iu përkushtuar karrierës. Ka kohë që sa ndaheshin, sa pajtoheshin. Ai po qëndron në LA ndërsa ajo në Londër. Tani ajo po merret me “X Factor”. Ajo po i përkushtohet karrierës në muzikë e modë”, ka thënë një burim i afërt i çiftit.

Ndarja e saj me Rickyn vjen pothuajse dy vjet pas ndarjes shumë publike të Ritës me DJ-in skocez, Calvin Harris, ndarje e cila u bë krejtësisht në Twitter.

Ajo pati edhe një lidhje me Rob Kardashian, vëllanë e të famshmes, Kim Kardashian.