Rihanna i shokoi të gjithë fansat me një deklaratë për ish-të dashurin e saj Chris Brown.

“Do të ndjej për të deri sa të vdes”, ka thënë këngëtarja për revistën “Vanity Fair”. Intervistën Rihanna e ka dhënë teksa pozonte për kopertinën e muajit nëntor në Kubë.

27-vjeçarja pranoi se ajo dhe reperi nuk kanë më një marrëdhënie, por tha se ndjenjat për të mbeten.

Brown e dhunoi këngëtaren një natë përpara ndarjes së çmimeve “Grammy” në 2009-n dhe fotot e saj me fytyrën e nxirë u bënë publike nga amerikania TMZ.

Pavarësisht kësaj, në dhjetor të 2012-s, ylli i “Diamond” dhe reperi 26-vjeçar u rikthyen sërish bashkë.

E pyetur se përse u rikthye pas dhunës që Brown ushtroi mbi të, RiRi tha për “VanityFair” se, shpresonte që mund ta ndryshonte atë, megjithatë pranoi se ishte gabuar.

“Isha shumë protektive kundrejt tij. Mendoja që të tjerët nuk e kuptonin”, deklaroi Rihanna.