Menjëherë pas publikimi të lajmit nga portali “PA RROTLLA”, me titull “ Geci refuzon të përgjigjet, kur pyetet nga Milaim Zeka se pse u takua me Hashim Thaҫin, Kadri Veselin dhe Azem Sylën “, ka reaguar vetë Gani Geci, duke e quajtur këtë lajm si të pa vërtetë.

Reagimi i plotë i Gani Gecit :

“KY PORTALI PA RROTLLA PO RREN EDHE MILIM ZEKA PO RRENË
Fatmirësisht e kam te inqizuar te gjithë pytjet e pergjigjjet neser do ta shkpus ket pytjen e Milaim Zekes dhe do ta qes ne opinjon .
Të thashë sotê se ata kan kerku mu taku me mu se une kurr s’kam kerku mu taku me ta .
Kurrë kafe per qefë me ta s’kam pi .

Po e paralajmroj Milaim Zeken qe i kem te inqizuara edhe bisedat e lira qe i ke zhvilluar nepër koridoret e Gjykatës dhe te gjithë seancen prej fillimi deri ne mbarim edhe pjesem kur edhe deshmitari (A)te thote ty se ti je njeri i PA BESË. Disa minuta perkthyesit nuk dishin si ta përkthejnë.

Është e vertet se ne vitin 1981 baba jem ju ka dashtë ma se tepërmi ty si nip dhe Gani Kocin si dajë por ju ma vonë u bat Marksist Leninist ti kur shkove ne Shqiperi e Gani Koci kur dul prej Burgu dul Marksist Leninistë

Sotë ne gjygj te thashë se kemi qenë armiq politikë sepse ti dhe shtabi i përgjithshem i UÇK -s e keni pasë Kryet ne Moskë e na familja ime e kemi pas Kryet ne Vashingtonë.
Ky portali Pa Rrotulla edhe Milaim Zeka e din se trupi gjykues ne fundë ma terheku vrejtjen per mos publikim te deshmis deri ne shpallje te aktgjykimit” .

Zeka: Geci ka të drejtë

Lidhur me këtë, në një prononcim për  portalin Parrotlla.net , Milaim Zeka, ka thënë se Gani Geci ka të drejtë në reagimin e tij “ E lexova shkrimin në portal rreth procesit gjyqësor, dhe titulli i portalit parrotlla.net nuk është i sakt. Nuk është e vërtetë që Gani Geci nuk ka pranuar të përgjigjet  në pyetjen time rreth takimit me Hashim Thaçin, Kadri Veselin dhe Azem Sylën, por Gjykata nuk e ka lejuar të përgjigjet. Megjithatë për shkak se ka qenë një pyetje shumë domethënëse dhe shumë  e  rëndësishme, ai e ka gjet një moment tjetër më vonë, është përgjigj, kur ju nuk keni qenë prezent në sallë, për arsye se gjyqi ka zgjatur shumë dhe ju keni dalë nga salla e gjyqit. Ai u përgjigj pastaj , se po kemi pasur një takim, ka qenë një rast krejt tjetër që ka të bëjë me luftën, dhe se ka qenë një bisedë lidhur me një komunikatë, ku në atë komunikatë Shtabi i Përgjithshëm i UÇK-së, e ka akuzuar shumë rëndë  Gani Gecin  për tradhëti. Kjo ka qenë përgjigja e Gani Gecit “.

Ndryshe Zeka e ka cilësuar Gecin si mjaft korrekt në përgjigjet e tij “ Ndryshe konsideroj, se në përgjigjet e tij rreth rastit tim dhe rreth bisedave që i kemi pas, rreth marrjes npyetje të Salustros, përgjigjet e tij kanë qenë shumë korrekte “.

Geci gjatë ditës së djeshme ka qëndruara në Gjykatën Themelore të Mitrovicës, në cilësinë e dëshmitarit, në rastin e gazetarit Milaim Zeka dhe Rrustem Rukollit, të cilët akuzohen për “Shkelje e fshehtësisë së procedurës” dhe “Tentim i pengimit të provuarit ose procedurës zyrtare dhe privatësisë/Parrotlla.net/