Kështu nis raporti mbi trafikimin e personave për vitin 2016 formuluar nga  Zyra për monitorimin dhe luftën kundër trafikimit të personave i publikuar në faqen zyrtare të Ambasadës Amerikane.

Ndërsa janë vënë në dukje reformat e ndërmarra nga qeveria për të reduktuar sadopak këtë problem, shkruhet se “Qeveria e Shqipërisë nuk i përmbush plotësisht standardet minimale për eliminimin e trafikimit. Gra dhe vajza shqiptare i nënshtrohen trafikimit për shfrytëzim seksual ose punës së detyruar pas martesave me mblesëri në Shqipëri dhe jashtë vendit. Në vitet e mëparshme disa shtetase të huaja nga vende evropiane i janë nënshtruar trafikimit për qëllime shfrytëzimi seksual në Shqipëri. Megjithatë, ajo po bën përpjekje të mëdha për ta arritur këtë gjë. Qeveria përmirësoi përpjekjet për zbatimin e ligjit duke dënuar më shumë trafikantë se sa në vitin 2014, përfshirë disa trafikantë që detyronin fëmijë të lypnin.  Qeveria pakësoi fondet drejt strehës shtetërore për viktimat e trafikimit, dhe shërbimet psikologjike, mjekësore e ato të riintegrimit në strehën shtetërore edhe pse të përmirësuara, ishin ende të pamjaftueshme. Financimet nga qeveria për strehat e organizatave joqeveritare mbetën të pamjaftueshme megjithëse qeveria financoi pagat e 12 anëtarëve të personelit në dy streha të organizatave joqeveritare”, thuhet në raportin zyrtar.

REKOMANDIME PËR SHQIPËRINË:

Mos dënoni viktimat për veprime të paligjshme të kryera si rrjedhojë e drejtpërdrejtë e nënshtrimit ndaj trafikimit, veçanërisht viktimat e trafikimit për shfrytëzim seksual në prostitucion. Rritni financimet për strehat e menaxhuara nga organizatat joqeveritare për viktimat e trafikimit dhe siguroni fonde në mënyrë të rregullt. Përmirësoni shërbimet e siguruara në strehën shtetërore, veçanërisht shërbimet psikologjike, mjekësore dhe ato të riintegrimit. Financoni njësi të lëvizshme të drejtuara nga grupe të shoqërisë civile dhe zbatimin e ligjit për të identifikuar viktimat si edhe trajnoni më shumë policinë, inspektorët e punës dhe zyrtarë të tjerë në frontin e identifikimit proaktiv të viktimave. Hetoni fuqishëm,
ndiqni penalisht dhe dënoni trafikantët, përfshirë edhe zyrtarët bashkëfajtorë. Inkurajoni viktimat të ndihmojnë në ndjekjen penale të trafikuesve të tyre duke lehtësuar pjesëmarrjen në programin e mbrojtjes së dëshmitarëve dhe duke zgjeruar trajnimin për prokurorët që merren me dëshmitarët viktima. Rritni kapacitetin e policisë së kufirit dhe migracionit për të kontrolluar imtësisht migrantët e parregullt për tregues trafikimi dhe vazhdoni përpjekjet për të kontrolluar fëmijët e rrugës për shenja trafikimi.

Ky është linku ku mund të lexoni të plotë raportin:  https://al.usembassy.gov/wp-co…