Në foto: Piktori Edi Rama gjatë punës part-time si kryeministër

I dashur Shef Edi!

Panairi i punësimit ishte një sekses i vërtetë. Tre të rinj u punësuan në kantiere të reja pune me rroga 3 mijë euro. Bisedat e rekrutimit të tyre në punë, i kam regjistruar dhe them t’i publikoj tek faqja ime Transparenca.al, se ka disa ditë e pa apdejtuar. Pz

Më poshtë të kam nisur transkiptet e bisedave me të rinjtë:

***********

EPISODI 1:

Recepsioni: Përshëndetje; mirëseerdhët në Panair.

Qytetarja: Përshëndetje, unë quhem Ermonela dhe kërkoj punë.

Recepsioni: Ermonela çfarë arsimi keni?

Qytetarja: Unë jam juridikse; me Bachelor tek Meti Kristalit ndërsa specializimin e kam bërë tek ai lokali ngjitur me UET.

Recepsioni: Oh sa mirë; patentë keni?

Qytetarja: Po po kam dhe patentë.

Recepsioni: Marshalla Ermonela. Kemi një ofertë për ju. Kompania e koncensionit të Check-Up-it kërkon një shofere femër për të shoqëruar pronaren. Vilma quhet; po të jap dhe numrin.

Qytetarja: Po rroga ime cila do jetë?

Recepsioni: Rroga do jetë 300 euro vitin e parë, me perspektivë rritje deri në 3 mijë euro.

Qytetarja: Sa mirë, pas sa kohësh mund të më bëhet 3 mijë euro rroga mua?

Recepsioni: Po zonja Vilma ka kapur deri tani 3 koncensione. Deri në vitin 2017 parashikon të kapë gjithësej 13 koncensione. Ajo parashikon që pas koncensionit të 10-të, rrogën e shoferes do e bëjë 3 mijë euro.
Pra mendojmë që brenda vitit rroga juaj shkon 3 mijë euro.

Qytetarja: Fantastike; po e telefonoj menjëherë.

EPISODI 2:

Recepsioni: Përshëndetje zotëri; mirëseerdhët në panair.

Qytetari: Mirëdita, unë quhem Shegush dhe dua punë.

Recepsioni: Zoti Shegush; çfarë arsimi keni?

Qytetari: Unë kam studiuar për shkenca politike; aktualisht punoj falas në një faqe fejsbuku që quhet “Qytetarët për Parkun”. Bëj komente aty, por falas pa pagesë.

Recepsioni: Patentë keni z.Shegush?

Qytetari: Po patjetër, aktualisht po kualifikohem në kategorinë  për autobusë dhe saurrelë, sepse mendova mos filloja punë me ato betonieret që shoh çdo ditë tek kjo faqja e fejsbukut ku punoj falas.

Recepsioni: Shumë mirë; por ne kemi një ofertë për ju që s’ka nevojë për këtë kategori. Një njeri i mirë ka kërkuar shofer personal; Olsi quhet; Olsi Rama. Po ju jap numrin e tij të telefonit.

Qytetari: Patjetër, faleminderit. Po rroga sa është?

Recepsioni: Rroga bazë është 300 euro; por shkon deri në 3 mijë euro me gjithë shërbimet dhe vështirësitë e punës.

Qytetari: Po çfarë vështirësish?

Recepsioni: Po të paktën një herë në muaj duhet të udhëtoni bashkë me z.Olsi në Hong Kong dhe do paguheni ekstra kur të mësoni rrugicat e Hong Kongut apo kur të flisni kinezçen rrjedhshëm.
Gjithashtu do keni dieta sa herë që do ju marrë në telefon një shoku Olsit i cili quhet Gazi dhe do ju dërgojë për të blerë cigare.

Qytetari: Më jepni menjëherë numrin; qenka fantastike.

EPISODI 3:

Recepsioni: Përshëndetje zonjush; mirëseerdhët në panair.

Qytetarja: Përshëndetje; unë quhem Jozela dhe kam përfunduar studimet e gjeneratës së re për fizkulturë dhe kam bërë një specializim në linguistikë gjatë një ekskursioni në Durrës.

Recepsioni: Sa mirë Jozela; pikërisht në Durrës kemi një ofertë për ju. Është një kompani e re dhe shumë ambicioze e cila kërkon të ndërtojë një ndër hotelet më moderne në Evropë.
Kërkon ca vajza për promocion. Hotel “Vollga”  quhet.

Qytetarja: Ua sa mirë, është ai hoteli vjetër përballë pallatit të një shoqes sime nga Durrësi. Më pëlqen shumë. Po rroga sa do jetë?

Recepsioni: Rroga bazë vitin e parë do jetë 300 euro; por pasi të përfundojë rikonstruksioni i hotelit, do ketë rritje të paparë rroge deri në 3 mijë euro.

Qytetarja: Ua po si do ndodhë kjo gjë?

Recepsioni: Për më tepër do flisni me personin e kontaktit; quhet Pandi Carapuli, ai më pas kur të vijë koha do ju lidhë me ortakun e vetë që aktualisht ndodhet me pushime tek resorti 302.
Por kam përshtypjen se në fazën e dytë, ju të promocionit do keni dhomat tuaja dhe do i bindni klientët që të vizitojnë hotelin nëpërmjet videokonferencave nga dhoma me webcam.

Qytetarja: Ua po kjo është fantastike, tamam punë zyre. Faleminderit.

************

Këta ishin tre fituesit Shef. Të lutem më konfirmo nëse duhet t’i publikojmë e t’i bëjmë transparente.

Mish e thua i joti, Endri Transparenti.

*E-mail i mbërritur në redaksi nga adresa: [email protected]

(HashtagAlbania)