Anija flamurmbajtëse e Rusisë në Detin e Zi, Moskva, u fundos një ditë më parë, duke shënuar kështu humbjen më të madhe materiale të Kremlinit që kur nisi lufta në Ukrainë.

Por sipas Daily Mail, ekspertët druhen se bashkë me anijen janë fundosur edhe raketat bërthamore që ndodheshin në bord.

Ata kanë bërë thirrje që të nisë një hetim urgjent për këtë çështje.

Kryqëzori Moskva mendohet se u godit nga dy raketa ukrainase. Rusia ka pranuar se anija luftarake është mbytur pranë portit të Sevastopolit, por thotë se shkak është bërë një zjarr dhe një shpërthim në bord.

Por në bordin e anijes mendohet se kanë qenë dy raketa me mbushje bërthamore. Kjo do përbënte një tjetër incident të ‘shigjetës së thyer’, një term që përdoret për një aksident ku përfshihen armët bërthamore.

Ndërkohë në bordin e kryqëzorit ishin të paktën 510 persona, shumica e të cilëve mendohet se janë vrarë ose zhdukur. syri.net