Presidenti i Rusisë Vladimir Putin ka mbështetur luftëtarin e UFC, Khabib Nurmagomedov pas fitores përballë Conor McGregor dhe sherrit që pasoi ndeshjen.

Në një takim ditën e djeshme, ku mori pjesë dhe babai i Khabibit, Putin përgëzoi sportistin nga Dagestani me fjalë të mira: “Ishte fitore bindëse dhe shumë e bukur”.

Duke folur për pjesën e shëmtuar post-ndeshjes, kur Nurmagomedov kërceu nga kafazi duke goditur një pjesëtar të skuadrës së McGregor, Putin tha: “Çdokush mund ta bënte atë që bëre ti, të gjithë ne rusët në aty mënyrë do të reagonim. Nëse na provokojnë, apo na sulmojnë nga jashtë ashtu do të hidheshim të gjithë. Kush na provokon do duhet të provojë ferrin”.