VOAL

VOAL

Copyright © 2022

VOAL

PSE SADRI MEHAJ I HOTIT E BRAKTISI TAKIMIN ZYRTAR TË NEW YORKUT ME MINISTRIN E DIASPORËS TË KOSOVËS? – Nga Ramiz LUSHAJ

February 12, 2018

            Ajo çka ndodhi më 5 shkurt 2018 në New York, me aq sa lexova te portali i ri “PlavaeGuciasot”, vërtet të befason, ishte në kufijtë e skandalozes, shprehimoi fytyrën reale të klasës së sotme politike shqiptare në siujdhesën ballkanike.

Pyetjes së atdhetarit Sadri Mehaj i Hotit: Çka ka bá  shteti i Kosovës për Rrugën Deçan-Plavë, pasi është prerë qe katër vite shiriti i Inaugurimit të fillimit të punimeve nga kryeministri i atëhershëm Hashim Thaçi e, në fakt, janë hapur vetëm 3 km rrugë ?!”, zv/kryeministri e ministri i Diasporës e Investimeve Strategjike të Kosovës, Dardan Gashi, që ka krye Universitet në Vjenë dhe për Komunikim, dialogoi me ironi duke u keqpërgjigj skuthnisht se ai nuk qënka kompetent të flasin për projekte infrastrukturore…!

            1.

Kurrë nuk mund ta kuptoj se si mundet Dardan Gashi të shprehet kështu, kësisoj, ndërkohë që ai, aktualisht, është Zëvendëskryeministër i shtetit të ri të Kosovës prej shtatorit 2017.

Dardan Gashi i sotëm në vitet 2011-’14 ishte një nga antarët e Qeverisë Thaçi, ishte ministër i Mjedisit e Planifikimit Hapësinor, çka do të thotë se ai e ka ngritë dorën para pesë viteve kur u mor vendimi i Qeverisë së Kosovës për fillimin e përfundimin e kësaj rruge me randësi gjeostrategjike. Pra, ai e ka njoft mirë projektin e saj, ka dhe miratimin e tij. Sikurse dhe të ministrit të atëhershëm të Infrastrukturës, Fehmi Mujota. Ndaj nuk mund të hiqet si “i paditun” rreth saj, nuk mund të thotë se nuk është kompetent të flasin rreth saj (!)

Ky zv/kryeminstër e minister i dyfishtë, aty në New York, nuk duhej të nxirrte yçkla e të hidhte vickla, por të jepte llogari para Diasporës Shqiptare në Amerikë.

E para: pse në mbi 3 vjet u hapën veç 3 km rrugë nacionale, nga këto vetëm gjysma e asfaltuar dhe në tanësinë e saj me disa të meta në parametrat e duhur ndërkombëtar të një rruge të tillë nacionale?!

E dyta: ku janë 50 milionë Euro të premtuara për rreth 5 vite për hapjen e kësaj rruge gjeo-strategjike ndërkombëtare?! Ju, si Qeveri, i rrudhët fondet aq shumë e aq keq sa do të duheshin dekada kohë me i përfundue 20 km të kësaj rruge gjeo-strategjike (!) Deputetja Time Kadriaj, tha këto ditë në Kuvendin e Kosovës, se këto fonde “s’do të mjaftonin as për vendosjen e shenjëzimit të saj me vija”!

E treta: përurimi i fillimit të punimeve u krye më 25 shtator 2014 kur Hashim Thaçi ishte kryeministër në detyrë, çka do të thotë se atëherit e keqpërdorët këtë event për nevojat tuaja politike qeveritare ma shumë se për interesat kombëtare të shqiptarëve në Kosovë e në Malin e Zi, si dhe në Shqipëri. Këtë e vertetoi koha deri më sot.

2.

Përndryshe, ma hapët, ma troç: Dardan Gashi nuk mundet t’i justifikohet askujt e asnjiherë, as në kullën e Kryeministrisë në Prishtinë, as në “Royal Regency Hotel”, Yonkers – NY në Amerikë, se “nuk është kompetent për projekte infrastrukturore si Rruga Deçan-Plavë” (!).

Gjithkush e dinë se një Rrugë Ndërkombëtare si kjo Deçan-Plavë, nuk do të mundtte askush, as vet Kryeministri Thaçi, me ia pre shiritin e përurimit të fillimit të punimeve më 25 shtator 2014, për pa pasë leje me firmë e vulë dhe nga Ministria e Mjedisit e Planifikimit Hapësinor të Kosovës.

E, këso kohe, atëherit, Dardan Gashi ishte ministër i kësaj ministrie prej janarit 2011 e deri më 2014. Pra, domethanëse, ai në kuadrin e detyrës së tij e ka pá projektin e kësaj Rruge Ndërkombëtare Kosovë-Mali i Zi deri në detajet e praktikat ma të thjeshta e të vogla të saj.

Ministri i Mjedisit Dardan Gashi, prej kaherit, kishte njohuri të plota për krejt projektin e Rrugës panshqiptare Deçan-Plavë, pasi ai e vetpohon në memuare, kumtime e CV e tij se është marrë shumë me Parkun Kombëtar “Bjeshkët e Nemuna”, i shtrirë në mbi 62 mijë km2 në territorin e komunave Deçan, Junik, Gjakovë, Pejë, Istog, në këto anë të Rrafshit të Dukagjinit, nga ku trupon dhe Rruga Deçan-Plavë.

3.

            Ky Dardan Gashi, ministër aktual i “Qeverisë Haradinaj”, prej nga shtatori 2017, nuk duhej t’iu thoshte Diasporës Shqiptare në Amerikë, se nuk është kompetent me fol për Rrugën Deçan-Plavë. Pse?

Ai ka dijeni të plotë për rifinancimin e kësaj Rrugë në buxhetin e vitit 2018, pasi si antar qeverie i ka ra me e ngrit dorën e dakortësisë dhe atij.

            Ai, D. Gashi, ndoshta nuk donte me ua çue lezmen prej në Amerikë, me ua prishë qejfin ish-kryeministrave Thaçi e Mustafa, të cilët i ulën investimet e planifikuara padrejtësisht e poshtalakisht, aq sa në vitin 2017 nga 300 mijë Euro “u ndanë vetëm 50 mijë Euro”, sipas Institutit GAP.

Them se zotnia e tij, D. Gashi e kishte për detyrë shtetërore, e kishte mision kombëtar e qytetar, ishte kompetent dhe e kishte kompetencë, t’iu thoshte edhe Shqiptarëve të Amerikës, se Qeveria Hajradinaj, për vitin 2018, ka planifikue dhe u miratuan në buxhetin e shtetit të Kosovës 2. 4 milionë Euro. Nuk janë pak. Kjo është meritë e vet kryeministrit Hardinaj e Qeverisë së tij, minus ministrin D. Gashi që nuk don me e vnue në dukje këtë fakt të ri tek bashkatdhetarët e tij mërgimtarë në Amerikë.

 Këto ditë ministri i Infrastrukturës, Pal Lekaj, tha në Kuvendin e Kosovës, se “Rruga do të përfundojnë brenda dy viteve, deri më 2019”, “Buxheti i kësaj rruge do të shtohet deri në 50 milionë Euro”. Ky është objektiv i ri i Qeverisë Haradinaj. Sic duket dhe pyetja, debati e qëndrimi i atdhetarit Sadri Mehaj i Hotit, publikimi i madh mediatik i këtij rasti sarkazmë e skandaloz të zv/kryeministrit e ministrit të Diasporës e Investimeve Strategjike të Kosovës, dha sadopak ndikimin e vet në thirrjen e një interperlance me ministrin e Infrastrukturës së Kosovës, në bamjen zyrtare e publike të këtyre hapave, shifrave, etj.

            4.

Dardan Gashi, njëherash, është dhe Ministër i Investimeve Strategjike të Kosovës.

Kjo është e mira për atë dhe e keqja e madhe për Kosovës, për Malin e Zi, për Shqipërinë, përderisa ky ministër Rrugën Ndërkombëtare Panshqiptare Deçan-Plavë nuk e sheh si një investim strategjik. Aq ma keq, se dhe në Amerikë nuk e quan veten kompetent me fol për këtë rrugë gjeostrategjike, që gati ka moshën e Dardan Gashit që hyn e del nëpër letrat e qeverive në Beograd, Prishtinë e Podgoricë.

Rruga Deçan-Plavë është pjesë e “Unazës Turistike të Alpeve”, nga brigjet e Drinit të Bardhë e të Bashkuar e Tuz deri në Plavë-Guci e Pejë, nëpër disa unaza të tilla përgjatë lumenjve të Moraçës, Cemit, Valbonës, etj. Thuhet se kjo rrugë e shkurton rreth 30 km lidhjen e Kosovës me Malin e Zi, sepse lidhja e Plavë-Gucisë me Kosovën, ka pasë e ka përgjithmonë randësi jetike për zhvillimin e ekonomisë e kulturës, për arsimimin, për lidhjet e gjakut të vjetra e të reja, për mos asimilimin nga shovinizmi serbë, malazez e boshnjak. Kurrkush nuk duhet me e harrue Plavë-Gucinë e Lidhjes Shqiptare të Prizrenit, të betejave historike të Nokshiqit e Pepajve, po as Plavë-Gucinë e ditunisë, pasi në kohë të afërt, Akademia e Shkencave e Arteve të Kosovës, Gucia vinte e dyta, pas Gjakovës, në numrin e akademikëve të saj.

Vet Hashim Thaçi, më 25 shtator 2014, në përurimin e fillimit të punimeve të Rrugës Deçan-Plavë, tha, ndër të tjera, se kjo rrugë ka randësi gjeostrategjike të gjithanshme sikurse autostrada që lidh Kosovën me Shqipërinë dhe ajo që lidh Prishtinën me Shkupin. Pra, sotpërsot, Kosova, shteti i ri i Kosovës, ka veç tri rrugë kryesore, prioritete të tij. Njana është krye: Autostrada “Ibrahim Rugova”. Tjetra është e do të bahet ma e mirë e ma e madhe dhe me fonde të Bashkimit Europian.Vetëm njana ka mbetë aty ku ishte në vitin 2014, tek shiriti i përurimit të fillimit të punimeve.

Edhe Dardan Gashi ka ecë nga ministër i Mjedisit e Planifikimit Hapësinor në Zëvendëskryeministër e ministër i Diasporës e Investimeve Strategjike të Kosovës po Rruga Deçan-Plavë ka mbet aty ku ishte, gati ashtu siç ishte më 2014.

Shumë tituj të mëdhenj zyrtar të trefishtë i ka dhanë kryeministri Ramush Haradinaj me të tjerët, si zv/kryeministër, ministër i Diasporës, ministër i Investimeve Strategjike të Kosovës, po në takimin zyrtar të Amerikës, Dardan Gashi u tregua “i vogël”, veçmas kur ra fjala për Rrugën Deçan-Plavë (!)

5.

Dardan Gashi si ministër i Diaporës së Kosovës, duhet të dijnë ndërgjegjshëm ose duhet ta mësojnë përdhunshëm  Shteti i vet e Diaspora se si të sillet me kulturë e me burrni me Diasporën në Amerikë e kudo tjetër, sepse akti i tij në New York është i paprecedent në politikat e Kosovës me Diasporën e vet dhe i tregon “cenet” e ekstremitetet e këtij ministri në fjalë dhe që të lenë pa fjalë…!

Përndryshe, atë e ndjekin nga pas pyetje si këto të Sadri Mehajt tek portali “PlavaeGuciasot”: – Vallë për çka vjen Minstri i Diasporës kur nuk i dëgjon hallet tona?! Po, a dinë ky zotëri, se aty ku ai është sot ministër i Kosovës, ka ardhur edhe falë punës së Diasporës dhe të kontributeve të këtyre njerëzve që ky i ironizon sot?! Vallë, këta ministra a kanë në trupin, mendjen e shpirtin e tyre farë atdhetarie apo janë njerëz klubesh dhe gjak shitur…?!!!”

Diaspora e Amerikës e mirëprêt Dardan Gashin si një nga zv/kryeministrat e ministër i Diasporës e Investimeve Strategjike të Kosovës, pasi atij personalisht kur hyn e del në takime ndodh që nuk ia dijnë as emrin real, si në takimin me drejtues të shkollave shqipe “Alba Life” në New York (4 shkurt 2018) dhe, nji ditë ma pas, në gazetën dygjuhëshe elektronike e print “Illyria”- e vetmja gazetë shqiptaro-amerikane, si dhe në shkrime në gazetat elektronike “Tribuna Shqiptare” në Kanada, “Voal Online” në Zvicër, etj.. e cilësojnë “Dritan Gashi”!

6.

Në fakt në kohën kur lindi Dardan Gashi në Kosovë, Josif B. Tito në Beograd i kishte rá “vizë të kuqe” Rrugës Deçan-Plavë, e cila ishte fut në planin 5-vjeçar 1971-’75, sëbashku me dy rrugët e tjera: Prizren-Tetovë (drejt Maqedonisë) dhe Gjilan-Preshevë (me Serbinë Jugore-Kosovën Lindore). Nga të tria rrugët e Kosovës, atëherit, vetëm Rruga Deçan-Plavë nuk u hap se Tito thoshte: “nuk do të ndërtojmë rrugë me u lidh me Shqipërinë”, sepse rruga kalonte përskej kufinit vrri-bjeshkë me Tropojën.

E, prej asokohe, në mbi katër dekada, as Tito e as Millosheviqi, asnji nga ministrat e tyre sado kundërshqiptar tregoheshin, as këta të sotmit–Vuçiqi në Beograd e Gjukanoviqi me Markoviqin në Podgoricë e ministrat e tyre, nuk kanë folë kësisoj si Dardan Gashi – nji herë zv/kryeministër e dy herë ministër i Shtetit të ri të Kosovës! Asnjë prej tyre nuk ka thanë se nuk janë kompetent, përkundrazi në çdo ditë të jetës së vet, deri më sot, kanë shfrytëzue çdo kompetencë të tyre për të mos e lejue hapjen e Rrugës nacionale Deçan-Plavë.

            As Popi Sava Janjiq i Manastirit të Deçanit, nuk flet si ky Dardan Gashi – ministri i Kosovës së re të pasluftës, përkundrazi Popi me veladonin ortodoks sllav, tregohet gjithnji kompetent sepse e ka pengue këtë rrugë ndërkombëtare, që e lidh Kosovën me Malin e Zi, si dhe me Shqipërinë në vendkalimin kufitar e doganor të pritshëm të Qafë Vranicë (Plavë) e Çerem (Tropojë).

Vetëm në një takim, organizuar para disa viteve, me nismen e ambasadorit amerikan Kristofer Dell, me Përfaqësuesin Special të BE në Kosovë, sllovenin Samuel Zhbogar, kryeministrin Hashim Thaçi e kryekomunarin e Deçanit, Rasim Selmanaj (tani deputet i Kuvendit të Kosovës), Popi i Manastirit të Deçanit u detyrue me hesht atypëraty, po tevona e deri tashti e sabotoi këtë rrugë duke i detyrue Shqiptarët me e devijue projektin fillestar, me ia zgjat kilometrat, me ia rritë koston e investimit të ndërtimit të saj. Kjo cështje lipset t’i kalojnë prokurorisë e gjyqësorit të Kosovës.

Popi Sava Janiq kurrnjiherë nuk tha e nuk thotë si Dardan Gashi, se “nuk jam kompetent për Rrugën Deçan-Plavë”, përkundrazi ai nuk linte gurë pa lëvizur dhe takonte gjithata ambasadorë të huaj në Prishtinë e gjetkë për të penguar e sabotuar këtë rrugë që kalonte me projekt nëpër territorin e sotëm të Manastirit të Deçanit, që shkonte drejt krahinës etnike shqiptare, historike, kulturore e turistike të Plavë-Gucisë. Ky Pop sllav ishte nga ata që e krijoj ndër vite mjergullnajën e problematikën se “Ndërkombëtarët po pengojnë Rrugën Deçan-Plavë” !

Dardan Gashi i ka emër e mbiemër të dy fiseve të mëdha iliro-shqiptare, është dy herë ministër e një herë zv/kryeministër i Kosovës, mbi të gjitha është shqiptar i Dardanisë Antike e Moderne, ndaj duhet të flasin pa ia nda për Rrugën Deçan-Plavë, të cilën as Bashkimi Europian nuk e fut në projektet e veta infrastrukturore, sepse vet BE ka ra nën ndikimin sllavo-lindor në lidhje me Kosovën. A e di pse? Asnjë rrugë autostradore nacionale e ndërkombëtare nuk e ka financue për lidhjen e Kosovës me Malin e Zi dhe me Shqipërinë, po veç në ato rrugë autostradore që e lidhin Kosovën me Serbinë e me Maqedoninë, në ato që e lidhin Serbinë me Malin e Zi, në ato që e lidhin Maqedoninë me Bullgarinë, etj.

7.

Në atë takim zyrtar të 5 shkurtit 2018 në New York ishte i pranishëm dhe Ministri i Shtetit për Diasporën, Pandeli Majko – ministër i Qeverisë “Rama 2” në Shqipëri, i cili gjatë pyetjeve e debatit të Sadri Mehajt – si përfaqësues i atyshëm i Batalionit “Atlantiku” me ministrin Dardan Gashi, ndërhyri duke thënë: “Ne, Shqipëria, e kemi kryer punën tonë dhe e kemi lidhur Plavë-Gucinë me Shqipërinë”. Prapë, dhe ministri Majko nuk ishte i saktë, nuk foli aq drejtë. Pse? Nuk është vetëm Çështja e Rrugës Shkodër…-Vermosh-Guci-Plavë, e cila u krye pas mbi një dekade punë që meriton përgëzime atdhetarie. Çështja është dhe Rruga Deçan-Plavë si një Rrugë gjeostrategjikë që i lidh tre shtete, jo vetëm Kosovën me Malin e Zi, por dhe me Shqipërinë me anë të Bjeshkëve të Bekuara (Nemuna), me anë të kalimit kufitar e doganor të Plavës me Tropojën. Duhet të interesohet dhe kryministri aktual Edi Rama sa ish kryeministri Sali Berisha. Gjithashtu, duhet të hapet pika kufitare e doganore Vranicë-Çerem (Plavë-Tropojë), për të cilën ka një marrëveshje zyrtare të kahershme mes dy kryministrave Berisha e Gjukanoviq. Punë të mëdha na presin, përderisa jetojmë, deri kur të vdesim!

Aty, në atë takim të 5 shkurtit 2018, ishte e pranishme dhe Konsullja e Përgjithshme e Kosovës, Teuta Sahatçia, ish politikane e deputete e LDK të Kosovës, e cila – sipas portalit “Plavaeguciasot”, paska thanë përgjatë debatit, tue i dal në krah ministrit Dardan Gashi, “ne jemi për kulturë dhe fëmijët shqiptarë këtu në Diasporë”. Me sa duket Konsulles së Përgjithshme Sahatcia nuk i punojka mirë “sahati” për këto çështje të veçanta, si Rruga Deçan-Plavë. Në se kjo e ul rolin e një zv/kryeministri e ministri të Diasporës e Investimeve Strategjike të Kosovës në një “zyrtar i lartë shërbimi konsullor” në Amerikë, atëhere kjo është çështje e saj, e MPJ, Qeverisë e Presidentit të Kosovës. Sigurisht, Teuta Sahatçia është nja nga politikanet e diplomatet ma të mirëinformuara për çështje e praktika të djehit e sodit të Rrugës Deçan-Plavë, dhe nëse ajo do të mbetet tek karrikja e dyert e Konsullatës në New York kjo është çështje e saj, po kur bahet pjesë në debat për këtë rrugë ndërkombëtare panshqiptare nuk duhet t’i reduktojnë, as anashkalojnë, as të bien nga lartësia e përgjegjësisë kombëtare shqiptare.

8.

Zv/kryeministri e ministri i Kosovës, Dardan Gashi, të vetmen pushkë që e ka qitë në Kosovë është ajo në një rast gëzimi në kullen e Fatmir Limajt, për çka desh e rrezikoi dhe karriken e posteve të tij.

Ndërsa Sadri Mehaj i Hotit të Plavë-Gucisë, si luftëtar i Batalionit “Atlantiku”, u nis nga Amerika e shkoi të luftojë për Lirinë e Pavarësinë e Kosovës, me armë të lehta e të randa, në frontin e parë të luftës, me trimni të rrallë. Gjithashtu, ai – sëbashku me vllaznit e tij, kanë dhanë kontribute financiare për Luftën e Kosovës.

Kur Sadri Mehaj i Hotit, para se të nisej në Luftën e Kosovës, i jepte intervistë një gazete amerikane se do të jap dhe jetën për Kosovën, Ju, Dardan Gashi, siç shkruajnë portale e thonë diaspora e Vjenës, ku kreve studime të larta universitare e detyra shtetërore, nuk keni pasë sjellje e qëndime aq të mira ndaj Luftës së Kosovës…! Këto ma mirë se kurrkush i din vet ministri i Kosovës, që nuk dashka me folë para shqiptarëve të Amerikës për Rrugën panshqiptare Deçan-Plavë.

Sigurisht, nuk e di dhe as nuk më intereson se me çka dhe sa ka kontribue zyrtari i lartë i Kosovës, Dardan Gashi, në dhe për vendlindjen e tij, po është e dekumentuar në media shqiptare, malazeze e amerikane kontributi financiar i Sadri Mehajt me vllaznit e tij në vendlindjen e tyre – ngritjen e një hoteli në qytetin e Gucisë, “City Hotel”, dhe të një kulle afër Krojeve të Vuthajve (ndryshe: Krojet e Ali Pashë Gucisë), që në tanësinë e vet iu kanë kushtue mbi një milionë dollarë amerikanë.

Sadri Mehaj i Hotit është i burgosur politik nga rregjimi i Titos, ka krye mbi tre vite burg politik në burgjet malazeze e serbe, kur ishte nxanës shkolle, kur ishte me grupin e djalosharëve plaavëgucias “Besa”, për faktin se donin me e ngrit në Plavë-Guci në nji ditë feste Flamurin Kombëtar Shqiptar.

 Sadri Mehaj ishte një shoqërues i aftë e besnik, “bodyguard”, i dr. Ibrahim Rugovës në vizita të tij në Amerikë dhe ishte me armë krahut për Kosovën dardane përkrah gjeneralit Fatmir Limaj në Pashtrik, të cilin e vlerësonte si njeri të mirë e të zotin në atë luftë të madhe. Sadri Mehaj i Hotit është njeri i madh i punës së përditshme, biznesmen i fortë e pa mburrje, fistar i madh, humanist i dallueshëm, patriot i përjetshëm.

Ti thashë gjitha këto o Dardan Gashi – zv/kryeministër e ministër i Kosovës, se duhet me e ditë me ka flet dhe si flet, veçmas kur të tjerët, si Sadri Mehaj i Hotit, të dvet për Rrugën Deçan-Plavë.

Mos kujto se Sadri Mehaj i Hotit të gjeti Ty rrugëve të New Yorkut, apo të doli “në pritë” tek ai hotel i New Yorkut, për me të dvetë për Rrugën Deçan-Plavë. Jo dhe jo. Sadri Mehaj i Hotit e ka folë shqiptarisht me të gjithë liderët e Kosovës e të Shqipërisë çështjen e hapjes të Rrugës ndërkombëtare panshqiptare Deçan-Plavë. Dvete Hashim Thaçin, dvete Ramush Haradinaj, dvete Fatmir Limaj…sa herë iu ka folë Sadri Mehaj i Hotit për Rrugën Deçan-Plavë në këto dy dekadat e fundit dhe ti, o ministri Gashi, pritoje e nuk doje ta thoje një fjalë të vetme në atë takim zyrtar të New Yorkut.

Sadri Mehaj i Hotit me të Batalionit “Atlantiku” ka marrë udhë deri në Tiranë me e takue Presidentin e Shqipërisë, Bamir Topi, dhe ia kanë parashtruar kërkesën për Rrugën Deçan-Plavë, ku iu ka premtue atëherit dhe s’ka ba gja kurrnjiherë. Edhe me 5 shkurt 2018, Sadri Mehaj i Hotit ishte si një nder përfaqësuesit e Batalionit “Atlantiku” kur të dveti për Rrugën Deçan-Plavë dhe ti fole keq e ma keq, e ti nuk iu the kurrgja, e ti ministri Dardan Gashi nuk mund të bajsh kurrgja, etj.

Sadri Mehaj i Hotit ka shkrue kaherit për Rrugën Deçan-Plavë, si për rrugën e shtëpisë së tij, të jetës së tij. Ka shkrue tek gazeta shqiptaro-amerikane “Illyria” në New York, më 30 prill-3 maj 2010, faqe 1 e 19, me titull “Pa ndërtimin e Rrugës Deçan-Plavë-Guci-Shkodër nuk mund të flasim për një integrim të Shqiptarëve në Ballkan”. E, pat ba jehonë atëherë. E, prapë mirë paska ba që ka shkruejt për Ty, shkrimin “Ministrat e Diasporës dhe Diaspora”, pas atij takimit zyrtar të 5 shkurtit 2018 në New York, botue në portalin “PlavaeGuciasot” e gjithandej, për çka dhe i përshendeta miqësisht. Aty, mes rradhëve të shkrimit replikë, mësova se pse Sadri Mehaj i Hotit e braktisi atë takim në New York, pasi e thotë qartas, vetë ai: “Duke parë se Ministrit të Diasporës të Kosovës po i pengojnë pyetjet dhe hallet që ka Diaspora Shqiptare, vendosa për të mos ua prishur “disponimin e mirë” atyre që vijnë deri në Amerikë me para të popullit për të shitur mend e besa dhe zhvatur Diasporën, vendosa të largohem nga Takimi zyrtar, sepse nuk mundesha të rrija si dekor dhe me u rrah shuplaka fjalëve kote”. E ka ba mire Sadri Mehaj i Hotit, se me të tilla përgjigje e qëndrime, zv/kryeministri e ministri i Diasporës e Investimeve Strategjike të Kosovës, Dardan Gashi, shkel mbi kauzën e Ramush Haradinajt për Rrugën Deçan-Plavë, e nëpërkambë këtë kauzë të kryeminsitrit të tij. Dardan Gashi, si i ardhur në këtë postë të trefishtë nga e kalkuluara dhe e shúara “Lista Rugova”, me një sjellje të tillë e përbaltë keqas dhe emrin e madh të liderit historik Ibrahim Rugova, ia fyen vizionet, misionet e kauzat e tij për Amerikën e Shqiptarët e saj, për lidhjet infrastrukturore të shqiptarëve në Ballkan me autostrada si “Udha e Kombit” dhe kjo Rruga  ndërkombëtare Deçan-Plavë.

  • twitter
  • facebook
  • linkedin
Fjalë kyçe: , , ,

Komentet

Lajme të ngjashëm

NATO trajnon trupat ushtarake ukrainase në Lituani dhe Poloni

VOA

Ushtarët ukrainas janë trajnuar nga trupat e NATO-s që kur Rusia sulmoi Ukrainën në shkurt të vitit 2022. Zëri i Amerikës vizitoi një nga zonat ku trupave ukrainase po u mësohen aftësi të reja nga trupat britanike, kanadeze e polake.

Në këtë vend në Poloni, ekipet e tankistëve ukrainas po mësojnë nga ushtarë të NATO-s se si të përdorin tanket gjermane. Kjo si pjesë e një programi të ndihmës ushtarake, financuar nga Bashkimi Evropian. Luftëtarët ukrainas po trajnohen nga trupat britanike, kanadeze e polake.

“Punojmë gjatë gjithë ditës duke përdorur kompjuterët, duke trajnuar tankist pas tankisti. Në këtë mënyrë kursejmë karburantin dhe kur tankistët e përdorin realisht mjetin, jemi të sigurt se ata do të shmangin çdo gabim, për shkak se kanë mësuar në këta kompjuter”, thotë Gjeneral Major i Forcave të Armatosura polake, Piotr Fajkowski.

Puna në këtë qendër pranë kufirit me Gjermaninë përfshin zotërimin e të gjitha aspekteve që lidhen me tanket gjermane Leopard, prej drejtimit të tyre tek riparimi. Po kështu tankistët ukrainas aftësohen ta manovrojnë mjetin me shpejtësi maksimale ndërsa kryejnë ushtrime duke gjuajtuar në terrene të posaçme stërvitore.

Instruktorët thonë se kur luftëtarët ukrainas largohen nga Polonia, ata janë plotësisht të përgatitur për të përdorur tankun gjatë një beteje të vërtetë.

“Sa më mirë të trajnohen trupat, aq më efektive janë ato në fushën e betejës. Po shohim se Rusia, po përpiqet aq shumë të organizojë ofensivën sa nuk kanë kohë për stërvitje të mjaftueshme. Dhe ne po i shohim humbjet e tyre!”, thotë eksperti ushtarak Vaidotas Malinionis.

Trupat ukrainase po trajnohen edhe në Lituani, një vend anëtar i NATO-s. Të dy vendet ndajnë një kufi me Bjellorusinë, një vend aleat i Rusisë. Këto stërvitje të vazhdueshme janë bërë shumë më intensive që kur Rusia sulmoi Ukrainën në shkurt 2022. Në dy muajt e fundit, këtu janë trajnuar ushtarak të rinj të forcave të armatosura të Ukrainës.

“Disa prej tyre kanë përvojë ushtarake, por ka edhe nga ata që nuk kanë përvojë apo njohuri bazë të mjaftueshme dhe ky kurs shërben që t’i stërvitim pak a shumë në të njëjtin nivel”, thotë Olegas Magas, instruktor i ushtrisë lituaneze.

Pjesa më e madhe e këtij trajnimi përqendrohet tek ata ushtarakë, të cilët ka të ngjarë të jenë në vijën e parë të frontit, duke i mësuar të marrin vendime të shpejta, që të jenë taktikisht elastik, si dhe që të punojnë lehtësisht me trupat e NATO-s.

“Qëllimi parësor i ushtrive të NATO-s dhe i NATO-s si forcë ushtarake është standardizimi i të gjitha degëve të saj, pra që trupat amerikane të mund të punojnë me ato lituaneze”, thotë ushtari ukrainas që nuk u identifikua për çështje sigurie.

Familjarizimi me procedurat e NATO-s është pjesë e dëshirës së Presidentit Volodymyr Zelenskyy që Ukraina t’i bashkohet aleancës. Ai beson se kjo është një mënyrë për të garantuar paqen e qëndrueshme me Rusinë. Por zoti Zelenskyy ka pranuar gjithashtu se anëtarësimi i plotë në NATO, nuk është i mundur për sa kohë që lufta vazhdon.

Kreu i CIA-s kryen vizitën e fundit zyrtare në Kiev, William Burns takim me Zelenskyn

Drejtori i Agjencisë Qendrore të Inteligjencës William Burns ka bërë një tjetër udhëtim të paparalajmëruar në Kiev, me gjasë të fundit të tij përpara se të tërhiqej nga posti i tij, sipas presidentit ukrainas Volodymyyr Zelensky.

Zelensky e zbuloi takimin në një postim në Telegram të shtunën, duke theksuar rolin e rëndësishëm që Burns ka luajtur në mbështetjen e Ukrainës gjatë konfliktit të saj të vazhdueshëm me Rusinë.

“Bill Burns bëri vizitën e tij të fundit në Ukrainë si drejtor i CIA-s. Ne kemi mbajtur shumë takime gjatë kësaj lufte dhe unë jam mirënjohës për ndihmën tuaj”, ka shkruar Zelensky, shoqëruar me një foto të tij duke shtrënguar duart me Burns.

Udhëheqësi ukrainas pranoi se takime të tilla të nivelit të lartë zakonisht mbahen konfidenciale, por theksoi rëndësinë e nënvizimit të komunikimit të tyre të vazhdueshëm.

“Zakonisht, takime të tilla nuk raportohen publikisht, dhe të gjitha takimet tona – në Ukrainë, në vende të tjera evropiane, në Amerikë dhe në pjesë të tjera të botës – u zhvilluan pa informacion zyrtar. Por tani, pas vizitës së fundit, ia vlen të thuhet hapur”, tha Zelensky.

Burns ka mbajtur postin e drejtorit të CIA-s që nga marsi i vitit 2021 dhe do të largohet nga posti i tij pas inaugurimit të Presidentit të zgjedhur të SHBA-së, Donald Trump, të planifikuar për 20 janar.

Trump ka emëruar ish-drejtorin e Inteligjencës Kombëtare John Ratcliffe për të pasuar Burns. Zelensky ka shprehur angazhimin e tij për të mbajtur kontakte me udhëheqjen e re në CIA.

Gjatë gjithë konfliktit, Shtetet e Bashkuara kanë qenë sponsori më i rëndësishëm i Kievit, duke ofruar pjesën më të madhe të mbështetjes financiare dhe ushtarake, si dhe të inteligjencës.

Vizita e spiunazhit të SHBA vjen në një moment kritik, pasi Trump është zotuar se do t’i japë fund konfliktit të Ukrainës, duke ngritur shqetësime në Kiev se jo vetëm mund të përballet me një rënie të ndihmës, por edhe një auditim të miliarda dollarëve që ka marrë nga Uashingtoni. nën administratën e presidentit Joe Biden. bw

Volodymyr Zelenskyy: Garancitë e sigurisë pa SHBA-në nuk janë ‘të mjaftueshme’ për Ukrainën

Garancitë e sigurisë vetëm nga vendet europiane, pa përfshirjen e SHBA-së, nuk do të jenë “të mjaftueshme” për të siguruar mbrojtjen afatgjatë të Ukrainës ndaj ndonjë agresioni të mëtejshëm rus, ka paralajmëruar presidenti ukrainas.

Volodymyr Zelenskyy foli të enjten, pas një takimi me liderët e BE-së dhe NATO-s në Bruksel për të diskutuar mbështetjen e ardhshme për Kievin, duke pasur parasysh rikthimin e mundshëm të Donald Trump-it si president i SHBA-së dhe premtimet e tij për të ndaluar ndihmën ushtarake për Ukrainën dhe për të detyruar negociata të menjëhershme paqeje me Rusinë.

“Unë besoj se garancitë vetëm nga europianët nuk do të jenë të mjaftueshme për Ukrainën,” u tha Zelenskyy gazetarëve pas takimeve. “Është e pamundur të diskutohet vetëm me europianët, sepse e vetmja garanci, aktualisht ose në të ardhmen, është anëtarësimi në NATO.”

Zelenskyy ka bërë presion ndaj liderëve për t’i dhënë Ukrainës një ftesë zyrtare për t’u bashkuar me NATO-n, por SHBA dhe Gjermania kanë qenë shumë hezituese, ndërsa Hungaria është kategorikisht kundër.

“Është shumë e rëndësishme për ne që të kemi të dyja palët në bord, Shtetet e Bashkuara dhe europianët . . . një vendim të përbashkët,” shtoi ai. “Duhet të ketë një qëndrim shumë gjithëpërfshirës . . . duhet të jemi të sigurt në garancitë e sigurisë që do të na mbrojnë nesër.”

Zelenskyy tha se nuk do të bëjë publike asnjë detaj të diskutimeve me vendet perëndimore në lidhje me garancitë e mundshme të sigurisë.

Ai foli pas një takimi me presidentin francez Emmanuel Macron të mërkurën në mbrëmje, i ndjekur nga një mbledhje gjatë natës me liderë të lartë europianë, e organizuar nga sekretari i përgjithshëm i NATO-s, Mark Rutte, dhe një samit me të 27 liderët e BE-së të enjten në mëngjes.

Zyrtarët të cilët ishin informuar mbi bisedimet thanë se disa liderë përdorën diskutimet për të bërë propozime afatgjata mbështetjeje për Ukrainën, por kishte ndarje mendimesh mbi atë që Europa mund të vazhdojë të ofrojë pa mbështetjen e SHBA-së.

Garancitë e detyrueshme të sigurisë nga kryeqytetet europiane, të cilat potencialisht do t’i përfshinin ato në një luftë me Rusinë nëse Ukraina sulmohet përsëri, janë të pazbatueshme pa një garanci se SHBA do të mbështeste ato ushtri europiane, shtuan zyrtarët.

Macron ka sugjeruar idenë e dërgimit të trupave europiane në Ukrainë për të zbatuar një marrëveshje të mundshme paqeje, por shumë kryeqytete të tjera të BE-së janë shumë skeptike për këtë ide dhe nuk është e qartë nëse një forcë e tillë paqeruajtëse do të ishte shtesë apo zëvendësim i garancive të sigurisë.

Zelenskyy tha se ishte i gatshëm të zhvillojë bisedime të mëtejshme për luftën me Trump-in, për t’i shpjeguar disa aspekte kyçe të konfliktit.

“Ai nuk ishte në këtë luftë sepse nuk ishte president, kjo është e kuptueshme. Dua t’i ndaj me të më shumë detaje,” tha Zelenskyy. “Unë llogaris të kem kohën për të folur, për të menduar, për të dëgjuar dhe për të kuptuar pikëpamjen e tij dhe për t’i treguar pikëpamjen tonë. . . . Shpresoj që ai të më kuptojë.” / Financial Times – Syri.net

UGSHPD: DITA E EMIGRACIONIT DHE DYSHTETËSIA NJË KUJTESË PËR VOTËN E DIASPORËS

 
 
Kur presidenti i Republikës së Shqipërisë Bajram Begaj dhe Taulant Balla, drejtues politik i PS për Diasporën, e përkujtuan Ditën Ndërkombëtare të Emigracionit, 18 Dhjetorin me pritjet zyrtare apo dhe dërgesat e mesazheve, një karakteristikë thellësisht propagandistike dallohej qartë. 
Sukseset. 
Arritjet në formalitetet institucionale të politikës së majtë shqiptare që qeveris me konceptin mbi gjithëpërfshirjen duke i shtuar kësaj të fundit “natyrshëm” dhe interesimin për votën e diasporës. 
Nuk është më rastësi që heshtja prej vitesh premtohet tani. Por veç premtimit ka dalë në imazh edhe pretendimi se tashmë është meritë e mazhorancës socialiste afrimi i diasporës (kujtoni kuadratet gjithëpërfshirëse nga parakalimi i krye bashkiakut më 28 Nëntor, 2024), dhe vota e diasporës që do të mundësohet për herë të parë më 11 Maj, 2025. 
Ato pra gjithëpërfshirja dhe vota, përbëjnë tani dy fakte që përplasen me një situatë mjaft kritike në të cilën po kalon Shqipëria dhe që do të na shoqërojnë deri në mesin e vitit të ardhshëm. 
 

E nëse Kreu i Shtetit Begaj mendon se: –

“… vota e Diasporës është shumë domethënëse për Shqipërinë”

dhe kjo ka qenë detyrë e rëndësishme që me marrjen e detyrës, ose që në ditën e parë të betimit të tij, për Ballën, drejtues politik i PS për Diasporën, mesazhi vjen më “i plotë” dhe më “i gjatë” : – “Migracioni mbetet një sfidë e madhe globale dhe një realitet dinamik, i cili ndikon cilësinë e jetës dhe kërkon respektimin e të drejtave dhe lirive të qytetarëve. 33 vite më parë shqiptarët u nisën me anije apo përmes shtigjeve malore drejt vendeve fqinje Italisë dhe Greqisë si migrantë në kërkim të një jete dhe mundësive të reja”. Ndërsa komenti plotësues propagandistik i politikës zyrtare prej ATSH-s rrumbullakoset me përcaktime të tjera të paqarta si gjithëpërfshirja, me përmbajtjen se: –“Dita Ndërkombëtare e Migrantëve më 18 dhjetor shërben për të kujtuar diversitetin dhe rëndësinë e ruajtjes së të drejtave dhe dinjitetin e emigrantëve dhe refugjatëve në mbarë botën, pavarësisht sfondit dhe arsyeve që i shndërrojnë ata në migrantë”.

 
A mund të flasin këta shtetarë dhe politikanë dot për shqiptarët që largohen? 
A mund të shpjegohet se përse fuqia punëtore “importohet” dhe shihet si një zgjidhje në projektet vendore dhe globale të qeverisë së Rilindjes Socialiste ?
 
Janë zbuluar tashmë, por edhe kanë mbetur ende të pa zgjidhura çështjet më të dukshme si korrupsioni i partisë-shtet dhe përpjekja për të marrë edhe një mandat të katërt nga Rilindja Socialiste. Qëndrimi në pushtet dhe keq qeverisja janë mbuluar duke minuar opozitën politike dhe peshat mbi varfërinë, mbi krimin  si dhe largimi masiv i popullsisë shqiptare përpiqen të bëhen të sepse qeveria/ministrat transparencë quajnë daljen javore në shkallët e kryeministrisë për të treguar mbi VKM-t e firmosura. Asnjëri prej tyre nuk del në një konferencë shtypi, sepse ky është monopol i kryeministrit gjë të cilën ai e quan të kryer me pjesëmarrjen e rrallë në Kuvendin e Shqipërisë, por jo aq të rrallë në takimet ndërkombëtare.
 
Ky boshllëk dhe këto mungesa komunikimi nuk janë thjeshtë shprehje autoritarizmi, por janë rezultati i punëve të bëra vit pas viti dhe rritje e buxhetit si i tillë vit pas viti që nuk reflekton në hapjen e fronteve të reja të punës dhe kur në një periudhë prej dy-tre vitesh Leku është “çimentuar” i fortë kundrejt euros-€ dhe dollarit-$.
 
Mplakja e popullsisë gjithashtu dhe veçanërisht mosha e re  aktive po largohet dhe ky është fakt. Por fakt gjithashtu është se për të mos jetuar me pasojat e krijuara të rinjtë dhe forca aktive e punës është e detyruar të largohet për të siguruar një jetë më të mirë për vete si dhe për të ndihmuar mbijetesën e pjesës së mbetur të familjeve në Shqipëri. Kjo grup moshë është pika më nevralgjike për ekzistencën e atdheut, për fatin e demokracisë dhe të fatit të zgjedhjeve që duket se po e përsërit historinë e saj. Në qoftë se imazhet dhe fotografitë dokumentare të viteve ’90 përdoren edhe nga vetë ideologët e rilindësve socialistë si kontrasti krahasues se ku ishte Shqipëria që ju la në dorë demokratëve për ta qeverisur vendin dhe se ku është tani ajo që po gumëzhin prej turizmit, një fakt i përbashkët i që bashkon fillim-fundin e 35 viteve të tranzicionit deri në 11 Maj, 2025 nuk ka ndryshuar. Ai është hemorragjia e shqiptarëve largim që i imponohet popullsisë nga një parti-shtet i diktaturës (kujtoni dy zgjedhjet e para 1991 dhe 1992). Janë dy eksode të frikshme për t’i shpëtuar diktaturës dhe dhunës. I pari si një largim i shqiptarëve pa dokumente identiteti, ilegalë në Evropë, por si një krizë humanitare ajo u përballua sepse u njoh izolimi i një regjimi komunist 50 vjeçar. Mes të parit dhe të dytit, me hyrjen në vitet e tranzicionit ulje ngritjet e migracionit vazhduan. Ishin po shqiptarët që gjenin mënyrën me det, me tokë apo me ajër që të largoheshin pasi humbën shpresat tek ngritja e një sistemi demokratik bazuar në pronë, në mbrojtjen e lirive dhe të drejtave të individit dhe të barazisë përpara ligjit. Por edhe kjo goditje e dytë e viteve ’20 të shekullit të ri si vite të  hemorragjisë së kombit, kur shqiptarët edhe pse e gëzojnë lirinë e lëvizjes, edhe pse bëjnë pjesë në aleancën e NATO-s, edhe pse janë duke hedhur hapa drejt anëtarësimit evropian, statistika se 1/3 e popullsisë shqiptare gjendet në diasporë, mbetet një fakt ngre nevojën për një ndërgjegjësim të madh patriotik dhe atdhetar pa propagandë dhe pa ideologji partiake. 
Sepse për të parën herë shqiptarët po thirren të marrin pjesë në zgjedhje. Vota së diasporës më pak se gjashtë muaj larg. 
 
Ndaj Dita Ndërkombëtare e Emigracionit, 18 Dhjetori nuk mund të përdoret si propagandë partiake.
Këto janë edhe çështjet ku secila forcë politike me programet e veta duhet ta japë përgjigjen gjatë këtyre muajve të mbetur deri më 11 Maj, 2025 pa e joshur atë koncept për të drejtën e votës që e përçan diasporën ose që e largon  edhe më shumë nga Atdheu i keq qeverisur.
BE-ja pret. 
Ai aty është për popullin shqiptar. 
BE-ja nuk mund të jetë për këtë apo për atë forcë politike që me lehtësi kërkon zgjatje mandati pa ju përmbajtur sigurimit të zgjedhjeve të lira, të të drejtave dhe lirive themelore të individit, të pavarësisë së gjykatave në ushtrimin e ligjit veprimit të drejtësisë mbi korrupsionin dhe krimin. 

BE-ja është aty  për pluralizmin dhe shtetin ligjor, për mediat e lira dhe individin e lirë, për atë qeveri që i siguron punë dhe mirëqenien shtetasve të saj. Këto janë “detyrat e shtëpisë” ndër më kryesoret që i krijojnë hapësirë veprimtarisë ekonomike të tregut të lirë dhe konkurrencës përpara se sa çdo forcë politike që shpreson se do ta drejtojë vendin me një program të përpiktë përpara se të çojnë ndërmend dhe të marrin rrugën për qoftë edhe një tjetër tur të ri takimesh në diasporë.

E ndërsa opozita ofrohet dhe kërkon ndryshimin dhe rotacionin politik, për shkak të pamundësisë së ushtrimit të jetës parlamentare të mbështetur në kushtetutë, mazhoranca dhe qeverisja me institucionet e kapura dhe me influencën për një mandat të katërt, janë sot në një sulm frontal për pushtet dhe mënyra e afrimit me diasporën, listimin dhe marrjen e informacionit rreth saj po krijon një destabilizim dhe përçarje në diasporë. Dallohen afrime të natyrshme të vullnetshme nga diaspora me partitë politike, por asnjëherë shqiptarët e larguar që gëzojnë lejen e qëndrimit dhe dyshtetësinë  në shtete të ndryshme të botës nuk duhet të rrezikojnë arritjet personale dhe të familjeve të tyre dhe ato zhvillime integruese që ata i kanë realizuar.  Aty ku diaspora është e numerikisht më e madhe e përqendruar në numër sikurse edhe aty ku ata/ato janë si bashkësi më të vogla, një tipar dallues është e vërteta me edukimin e proceseve zgjedhore të lira. 
Në të dyja rastet zhvillimet politike shqiptare për të tërhequr interesimin dhe votën e diasporës duhet të jenë të matura dhe të kujdesshme pavarësisht etjes për fitore. Zgjedhjet dhe euforia e tyre, pavarësisht nga shpenzimi ekonomik duhet të ruajnë ndershmërinë dhe integritetin. Në të kundërt shprehja “ka gjasa” si shenjë kujdesi  do të thotë se zgjedhjet mund të realizojnë një efekt negativ për ta strukur dhe bërë indiferente atë pjesë bashkatdhetarësh aty ku ata ndodhen në përpjekje për të ndërtuar një jetë më të mirë. 
Në gjithë këtë panoramë mes propagandës, ideologjisë dhe imazhit partiak me turet në diasporë për të kërkuar votën ne e shohim edhe me interesimin në planin e brendshëm. KQZ  përforcoi kështu edhe disa qëllime pas disa vizitave që Këshilli Koordinues i Diasporës zhvilloi në Tiranë me rastin e 18 Dhjetorit, Ditës së Migracionit. Sipas ATSH, Komisioneri Shtetëror i Zgjedhjeve, Ilirjan Celibashi: –“ njohu me përgatitjet dhe masat e marra për mirë organizimin dhe mirë administrimin e procesit të votimit të diasporës për zgjedhjet për Kuvend, aktet rregullatore të miratuara, strategjinë e edukimit të zgjedhësve nga jashtë, ndërtimin e Platformës Elektronike të Regjistrimit (PER), siguritë dhe garancitë që do të ofrojë PER si dhe afatet zgjedhore për zgjedhësit nga jashtë”.
Këshilli Koordinues i Diasporës, a është ai gjithëpërfshirës? Pra a i përket ai gjithë diasporës si një institucion hershmërisë së emigrantëve shqiptarë dhe veçanërisht diasporës së se të viteve ’90-të?
Ky fakt duhet trajtuar me peshën e duhur sepse, çdo shqiptar në emigracion e ka një adresë, zotëron një banesë, pronë, biznes apo qoftë edhe ka kontratë pune dhe leje qëndrimi për studime kualifikime etj. Dhe më e rëndësishmja integrimi i tyre në vendet ku punojnë dhe jetojnë apo gëzojnë edhe nënshtetësinë i ka bërë ata jo vetë të integruar, por edhe kontribues financiarë, për ndihmën e familjarëve të tyre, për mirëmbajtjen e pronave, për dëshirën e zhvillimit të një aktiviteti ekonomik e deri tek e fundit ardhja si pushues dhe për t’u çmallur me atdheun.
E drejta e tyre për të votuar, nuk është thjeshtë pjesëmarrje e votës së diasporës, por është forcë ndryshuese nga 2025 e në vazhdim sepse jeta e gjithsecilit në emigracion është sfidë dhe sipërmarrje, është përgjegjësi për familjen dhe gjithashtu dashuri për familjen dhe për vendlindjen. Shqiptari i diasporës vjen i barabartë me votën dhe kjo garanci e integritetit nuk duhet të ketë diferencime dhe të përdoret për interesa propagande zgjedhore. Kjo më e fundit shënohet në një takim që kryeministri Rama ka zhvilluar më 19 Dhjetor me  Këshillin Koordinues të Diasporës, të cilësuar si takim vjetor ku janë hedhur dy ide lidhur me kontributet shoqërore me 8 shtete si dhe nënshtetësia shqiptare. Pavarësisht se propaganda e trajton si një rutinë kur theksohet takim vjetor me KKD-në, shumë kush që nuk e ka harruar di të thotë se tre samite të mëdha me diasporën janë zhvilluar.
Por edhe nëse po i marrim të përvitshme cili ishte rezultati i tyre në 12 vite ?
Pamundësia e përgjigjes është sërish propaganda tek e cila edhe 5-6 muaj para zgjedhjeve të 11 Majit, 2025 duket se nuk është fokusi tek zhvillimi i zgjedhjeve model ku diaspora merr pjesë, por numrat, turet në diasporë dhe premtimet. Ashtu siç u premton pensionistëve në Shqipëri bonusin, loja hapet tek kontributet shoqërore dhe nënshtetësia. Në rastin Gjerman kur njohja e dyshtetësisë në fund të Qershorit 2024 u bë realitet, koha e shkurtër me një qeveri që kujdeset për diasporën dhe jo për patronazhimin e saj duhet ta ketë vullnetin për ta kapur shpejtësinë e kohës pasi me të shprehet vullneti i procesit zgjedhor me pjesëmarrjen e diasporës. E nëse Gjermania përfaqëson një realitet të ri çfarë ndodh me shtetet e tjera ku përqendrimi është i madh dhe dyshtetësia po ashtu.  shprehje e Ramës me përfaqësuesit e KKD-s: –“… besoj se ministria e Jashtme do të ‘’lante shumë mëkate” të trashëguara nga koha e asaj hijes që më përndjek mua sa herë futem këtu. Me siguri ka anëtarë të Këshillit Kombëtar të Diasporës që nuk e kanë pasaportën shqiptare”. Kjo nuk tregon as shkallë të lartë përgjegjësie dhe as barazi procesi për pajisjen me dokumentacionin pasaportës shqiptare/nënshtetësinë të gjithë atyre që duan ta zotërojnë. E në këtë rast anëtarët e KKD nuk bëjnë përjashtim.
Format mund të plotësohen sepse shtetasit janë të barabartë pa i diktuar prioritetet si një arritje e qeverisë në xhiron e fundit të vitit elektoral pas disa mandateve në pushtet me detyra të pa realizuara për Ministrinë e Brendshme dhe Ministrinë e Jashtme trupën diplomatike apo trupën diplomatike.
Por si për ironi të fatit dhe të garës së imazhit në mes të rilindësve socialistë zgjedhjet dhe dy shtetësia kanë edhe konkurrencën brenda. Ajo nuk mund të nënvleftësohet. Në qoftë se kryeministri Rama doli në diasporë dhe tuboi emigrantët për votë, kryetari i bashkisë Veliaj ka punuar pak nga pak me dhënien e pasaportave shqiptare. Në muajt e fundit, diku me 15, herë me 6 apo edhe me 5 shtetas të rinj që do të jenë votues, Veliaj nuk e ndal interesin për votën brenda dhe jashtë jo vetëm në ditën e imazhit patriotik që kulmoi me paradën e kuadrateve të diasporës, por edhe në ditët më të vështira me drejtësinë të Bashkisë Tiranë, ai nuk mungon të sjellë pamje nga takime me shtetas të rinj shqiptarë.
18-19 Dhjetor, 2024

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

Dronët godasin ndërtesa të larta në Kazan të Rusisë

Zjarr në një ndërtesë banimi pasi u godit nga një dron në qytetin rus Kazan, 21 dhjetor.

 

Dronët kanë goditur ndërtesa të larta banimi në Kazan, kryeqytetin e republikës Tatarstan të Rusisë, gjatë një vale sulmesh që e kanë detyruar aeroportin e qytetit t’i pezullojë fluturimet përkohësisht.

Ministria e Mbrojtjes e Rusisë tha se sulmet ndodhën në tri valë midis orës 7:40 dhe 9:20 të mëngjesit, sipas kohës lokale, më 21 dhjetor.

Shërbimi për shtyp i Rustam Minnikhanov, udhëheqësit të republikës autonome të Tataristanit, tha në një komunikatë se tetë dronë e sulmuan qytetin. Sipas komunikatës, gjashtë prej tyre i goditën ndërtesat e banimit, një e goditi një objekt industrial dhe një tjetër u rrëzua mbi një lumë.

Ministria ruse pretendoi se dronët ishin me origjinë ukrainase, ndërsa autoritetet ukrainase nuk kanë komentuar.

Sipas një komunikate në Telegram nga zyra e kryetarit të Kazanit, zona e banimit në tri qarqe të qytetit ishin në shënjestër të dronëve.

Pamjet në rrjetet sociale tregojnë disa raste ku dronët godasin ndërtesa shumëkatëshe dhe shpërthejnë në flakë.

Nxënësit evakuohen nga shkollat

Shërbimi Tatar-Bashkir i Radios Evropa e Lirë raportoi se nxënësit janë evakuuar nga shkollat në qarkun sovjetik të Kazanit dhe se sirenat mund të dëgjoheshin në qytet.

Nuk ka pasur ndonjë njoftim zyrtar mbi numrin e viktimave.

Sipas Interfax, kryetari i Kazanit, Ilsur Metshin, tha se njerëzit janë evakuuar nga ndërtesat e prekura dhe po u sigurohet strehim dhe ushqim.

Kazani ndodhet rreth 800 kilometra në lindje të Moskës.

Në një komunikatë, Ministria e Mbrojtjes e Rusisë tha se një “mjet ajror ukrainas, pa pilot, u shkatërrua mbi territorin e Republikës së Tataristanit nga forcat e mbrojtjes ajrore në detyrë”.

Agjencia Federale e Transportit Ajror të Rusisë tha në një komunikatë se “janë vendosur kufizime të përkohshme në Aeroportin e Kazanit në mëngjesin e 21 dhjetorit për të garantuar sigurinë e fluturimeve civile”.

Në të kaluarën, në shënjestër të sulmeve të dronëve ukrainas kanë qenë vendet ushtarake dhe industriale ruse në rajon. REL

Hovenier: Agjentë të FBI-së janë angazhuar në hetimet pas sulmit në kanalin e Ibër-Lepencit

Ambasadori amerikan në Kosovë, Jeffrey Hovenier, ka thënë të premten se agjentë amerikanë të Byrosë Federale të Hetimeve (FBI) janë të angazhuar drejtpërdrejt në Kosovë, në hetimet për të gjetur fajtorët mbrapa sulmit në kanalin e Ibër-Lepencit.

Kanali i Ibër-Lepencit është sulmuar më 29 nëntor në fshatin Varragë të komunës së Zubin Potokut – komunë me shumicë serbe në veri të vendit.

Kanali Ibër-Lepenc furnizon me ujë nga Liqeni i Ujmanit gjithë veriun e Kosovës, rajonet e Mitrovicës, Prishtinën me rrethinë, si dhe Korporatën Energjetike të Kosovës për ftohjen e termoelektranave të saj.

Hovenier, ambasador në shkuarje, ka thënë në një intervistë për televizionin Klan Kosova, se hetimet për të gjetur përgjegjësit janë duke vazhduar dhe SHBA-ja po ndihmon në këtë proces.

“Kemi sjellë mbështetjen e FBI-së këtu në Kosovë për të punuar drejtpërdrejt me kohë të plotë me autoritetet për zbatim të ligjit, për të identifikuar përgjegjësit”, ka thënë Hovenier, i cili e ka dënuar edhe një herë sulmin.

Aktualisht, ai ka thënë se nuk mund të përcaktojë se kush është mbrapa sulmit.

Policia e Kosovës ka thënë se sulmi është kryer me lëndë shpërthyese deri në 20 kilogramë.

Kosova e ka fajësuar Serbinë për këtë sulm që e ka konsideruar terrorist, ndërsa Beogradi zyrtar ka mohuar gjithçka.

Për autoritetet e Kosovës ky ka qenë sulmi më i rëndë në infrastrukturën kritike të vendit që nga lufta e viteve 1998/99, dhe që dëmet shkojnë në rreth 400.000 euro.

Edhe i dërguari amerikan për Ballkanin, Alexander Kasanof, i ka thënë Zërit të Amerikës se SHBA-ja dënon sulmin në shkallën më të lartë.

“Ajo që mund të them është që akte të tilla janë jo vetëm të tmerrshme por janë ndërtuar qartësisht për të krijuar destabilitet dhe i refuzojmë në mënyrën më të forte”, ka thënë mes tjerash Kasanof.

Përveç SHBA-së, sulmin e ka dënuar ashpër edhe Bashkimi Evropian. REL

Trumpi trysni për një marrëveshje që i jep fund luftës Rusi-Ukrainë

VOA Anita Powell

Presidenti i zgjedhur i Shteteve të Bashkuara Donald Trump thotë se udhëheqësit e Ukrainës dhe Rusisë duhet të jenë “të gatshëm të arrijnë marrëveshje” për t’i dhënë fund konfliktit brutal që ka dërmuar Ukrainën. Lufta në Ukrainë filloi në shkurt të vitit 2022. Siç njofton korrespondentja e Zërit të Amerikës, Presidenti i zgjedhur Trump gjithashtu kritikoi vendimin e Presidentit Joe Biden për të lejuar Kievin të sulmojë Rusinë me armët e marrë nga Shtetet e Bashkuara, duke lënë të kuptohet se kur të marrë detyrën, ai mund ta anulojë vendimin.

Presidenti i zgjedhur Donald Trump thotë se do të bëj “përpjekje” për një marrëveshje paqeje mes Rusisë dhe Ukrainës në fillim të mandatit presidencial duke shtuar se të dyja palët duhet të bëjnë kompromis.

“Duhet të ketë një marrëveshje. Shumë njerëz po vriten në këtë luftë… Zelensky dhe Putini duhet të jenë të gatshëm për arritjen e një marrëveshjeje”, tha zoti Trump.

Ai gjithashtu e quajti vendimin e presidentit Joe Biden për të lejuar Ukrainën të sulmojë Rusinë me armë me rreze të gjatë një “marrëzi” dhe“një gabim të madh”.

Një ditë pas këtij reagimi, Kievi e çoi luftën në zemër të Moskës, pasi forcat ukrainase të sigurisë morën përgjegjësinë për vrasjen e një gjenerali rus, pak kilometra larg Sheshit të Kuq.

Analisti William Pomeranz thotë se nëse Presidenti i ardhshëm Trump heq dorë nga mbështetja për Ukrainën kjo do të kishte “pasoja të mëdha ushtarake” për Ukrainën dhe e vë zotin Trump kundër aleatëve të Shteteve të Bashkuara.

“Unë shoh një përplasje të mundshme mes aleatëve tanë të NATO-s dhe Presidentit Trump lidhur me luftën. Kur zoti Trump flet për negociata, kjo në të vërtetë do të thotë që Ukraina duhet të negociojë dhe të dorëzohet, ndërsa ai nuk i vë asnjë kusht Rusisë”, thotë zoti Pomeranz nga Qendra ‘Wilson’.

Administrata në largim e Presidentit Biden po përpiqet të “përdorë çdo qindarkë” të ndihmave tanimë të miratuara për Ukrainën, përpara se ai të largohet nga detyra. Një zyrtar i Këshillit të Sigurisë Kombëtare shpjegoi për Zërin e Amerikës arsyen për këtë.

“Lufta në Ukrainë ka të bëjë me themelin e sistemit ndërkombëtar mbi të cilin mbështetet gjithçka tjetër, sovraniteti, integriteti territorial, paprekshmëria e kufijve. Nëse këto nuk mbrohen në Ukrainë, nuk do të mbrohen askund tjetër”, thotë zoti Carpenter.

Kongresi është ai që përfundimisht vendos nëse do të ndahen fonde të tjera për Ukrainën.

“Unë mendoj se zgjedhja e Presidentit Trump tanimë e ka ndryshuar situatën atje. Ai mund ta zgjidhë konfliktin dhe ne po presim me padurim që ai të na udhëheq deri në atë pikë”, thotë për Zërin e Amerikës, Mike Johnson Kryetari i Dhomës së Përfaqësuesve.

Ligjvënësja demokrate, Erica Lee Carter, u zgjodh së fundmi për të shërbyer në javët e fundit të mandatit të nënës së saj të ndjerë në Kongres. Ajo përdori kohën e kufizuar në detyrë për t’i bërë jehonë mbështetjes që nëna e saj Sheila Jackson Lee i dha Ukrainës.

“Unë nuk heq dorë nga Ukraina derisa të gjithë në Ukrainë të ndalojnë së luftuari dhe kjo nuk do të ndodhë derisa Ukraina të fitojë”, thotë për Zërin e Amerikës ligjvënësja demokrate Erica Lee Carter

Deklarata e saj nxjerr në pah një çështje të rëndësishme: nëse Ukraina është gati të bëj kompromis.

Anëtarët e qeverisë së Presidentit Volodymyr Zelensky kohët e fundit kërkuan mbështetje nga fqinjët si Polonia dhe nga vende të largëta si Franca dhe Australia.

Kur u pyet kohët e fundit nëse ai ishte gati të ndalonte luftën dhe të pranonte bisedimet, Presidenti Zelensky tha se së pari duhej të shihte garancitë e sigurisë dhe një plan për paqen.

1 milion shqiptarë vuajnë nga një formë e rëndë e varfërisë sipas INSTAT

Më shumë se 1 milion shqiptarë vuajnë nga një formë e rëndë e varfërisë, sipas të dhënave të fundit të INSTAT që matën të ardhurat dhe nivelin e jetesës në vitin 2023.

Që nga viti 2018, INSTAT e mat varfërinë në përputhje me metodologjinë e Eurostat nëpërmjet treguesit “Rreziku për të qenë i varfër ose përjashtimi social (AROPE) që u referohet individëve që janë në rrezik për të qenë të varfër, ose thellësisht të privuar nga ana materiale dhe sociale, ose që jetojnë në familje me intensitet shumë të ulët në punësim.

Sipas rezultateve të fundit, Shqipëria kishte 42.1% që vuajnë nga një formë e rëndë e varfërisë. Po të marrim në konsideratë se me të dhënat e Cens 2023, popullsia e vendit ishte 2.4 milionë banorë dhe mbi 1 milion shqiptarë po përjetojnë një nga format e rënda të varfërisë.

Të 1 milion shqiptarët jetojnë në familje që nuk mund të përballojnë të paktën shtatë nga trembëdhjetë kategoritë e privimit (6 kategori që lidhen me privimin në nivel individi dhe 7 kategori që lidhen me privimin në nivel familje).

Në nivel familje konsiderohen vështirësi:

Një individ mund të konsiderohet në vështirësi në rast se nuk ka:

Sipas Eurostat Shqipëria ka përqindjen më të lartë në Europë të popullsie në rrezik të varfërisë dhe privimit material.

Treguesit për Shqipërinë, sipas Eurostat, janë dukshëm më të lartë krahasuar me vendet e tjera fqinje të Ballkanit Perëndimor ku Mali i Zi ka 34.1% të popullsisë në rrezik varfërie, Maqedonia e Veriut 32.6%, Serbia 30% ndërsa për Bosnjë Herzegovinën dhe Kosovën nuk ka të dhëna.

Të dhënat e Eurostat për vendet e Bashkimit Europian flasin se në vitin 2023, rreth 21.4% e popullsisë europiane ose 94.6 milionë banorë ishin në rrezik të varfërisë ose përjashtimit social.

Kosova dhe Shqipëria mbajnë seancë të përbashkët parlamentare

Kuvendet e Kosovës dhe Shqipërisë kanë mbajtur të premten një seancë të përbashkët parlamentare në Prishtinë, ku liderët e të dyja vendeve theksuan mbështetjen e ndërsjellë për njëra-tjetrën.

Kryeministri i Shqipërisë, Edi Rama, i lartësoi lidhjet mes popujve të Shqipërisë dhe e kritikoi Bashkimin Evropian për qëndrimet e tij ndaj Prishtinës.

“Jemi i vetmi komb që flet një gjuhë po aq të vjetër sa vetë gjeneza e Perëndimit. Dëshira ime është që të mos jemi njëri në tryezën e bisedimeve për anëtarësim në Bashkim Evropian, ndërsa tjetri nën sanksione të BE-së, të cilat, meqë ra fjala, sot janë një absurditet absolut”, tha Rama.

Derisa Shqipëria i hapi kapitujt e parë në negociatat për anëtarësim në BE në tetor, Kosova vazhdon të mbetet vendi i vetëm në Ballkanin Perëndimor që nuk e ka ende statusin e vendit kandidat për anëtarësim në bllok.

Rama tha se ai dhe presidentja e Kosovës, kërkuan heqjen e masave ndëshkuese të BE-së ndaj Kosovës gjatë një samiti BE-Ballkani Perëndimor të mërkurën në Bruksel.

Blloku evropian vendosi masa ndëshkuese ndaj Kosovës më 2023, pas rritjes së tensioneve në veri të vendit. BE-ja pati vlerësuar se Qeveria e Kosovës nuk ka bërë mjaftueshëm për shtensionim.

Ndërkohë, kryetari i Kuvendit të Kosovës, Glauk Konjufca, tha në hapje të seancës se Kosova dhe Shqipëria janë me njëra tjetrën “në çdo rrethanë dhe pa asnjë kusht, duke qenë se ne nuk mund të përfaqësojmë tjetër gjë përveç se interesin kombëtar të kombit që për ne është i përbashkët”.

Ai e falënderoi Qeverinë e Shqipërisë për mbrojtjen e interesave të Kosovës dhe mbrojtjen e shtetësisë së Kosovës në arenën ndërkombëtare.

“E drejta e Kosovës për mbrojtjen e sovranitetit dhe integriteti, forcimit ligjit, nuk mund të konsiderohen cenim i fqinjësisë së mirë dhe as përshkallëzim i raporteve me fqinjët. Është Serbia që nuk na e pranon as statusin e fqinjit por ambiciet e aj hegjemoniste vazhdon t’i ketë të kodifikuara në Kushtetutë”, tha Konjufca.

Kjo është mbledhja e parë mes këtyre dy kuvendeve në Prishtinë. Seanca e fundit e përbashkët mes tyre u mbajt dy vjet më parë në Tiranë, me rastrin e shënimit të 110-vjetorit të Pavarësisë.

Kryetarja e Kuvendit të Shqipërisë, Elisa Spiropali, tha se Tirana dhe Prishtina ndajnë synimet dhe vizionet e njëjta drejt integrimeve evropiane.

“Realizimi i objektivit tonë anëtarësimi në BE, integrimi euroatlantik i Kosovës dhe njohja përfundimtare e saj si realitet i pakthyeshëm, rritja e rolit të faktorit shqiptar, stabiliteti për paqe dhe siguri, janë detyrat tona, themeli i të ardhmes sonë”, tha Spirapoli. REL

Sot në Prishtinë mbledhje e përbashkët e parlamenteve të Kosovës e Shqipërisë

Sot do të mbahet mbledhja e përbashkët mes dy parlamenteve, të Shqipërisë dhe të Kosovës. Nga Shqipëria të pranishëm do të jenë 60 deputetë.

Në agjendë do të jetë fjalimi i dy kryetarëve të Kuvendeve gjithashtu fjalimi i dy kryeministrave dhe më pas i kryetarëve të grupeve parlamentare. Mbledhja e përbashkët mes dy qeverive do të mbahet në Prishtinë.

Në total pritet të mblidhen 130 deputetë, ku priten të jenë të pranishëm edhe 70 parlamentarë të Kosovës. Të pranishëm në takim do të jenë kryeministri i Shqipërisë Edi Rama dhe ai i Kosovës, Albin Kurti.

Në mbledhjen e përbashkët mes qeverive të dy vendeve është parashikuar që pas ekzekutimit të himneve përkatëse, të mbajë fjalën kryetari i parlamentit të Kosovës Glauk Konjufca dhe pas tij, kryetarja e parlamentit të Shqipërisë Elisa Spiropali. Takimi pritet të mbyllet me një fjalim nga Rama e Kurti.

Kryetarja e Kuvendit, Elisa Spiropali, tha se mbledhja e përbashkët të Kuvendit të Shqipërisë dhe Kuvendit të Kosovës, e cila mbahet në Prishtinë, më 20 dhjetor, është nevojë e koordinimit të agjendës tonë kombëtare. Mbledhja e fundit mes dy parlamenteve ka qenë më datë 27 nëntor 2022, kur shënohej 110-vjetori i Pavarësisë së Shqipërisë.

Tradita e mbledhjes së përbashkët mes qeverisë së Tiranës dhe të Prishtinës ka nisur që më 2014 kur dy qeveritë u takuan në Prizren. Në atë kohë, qeveria e Kosovës drejtohej nga Hashim Thaçi. Një tjetër mbledhje e përbashkët u mbajt pak më vonë në Tiranë, më datë 23 mars 2015 me moton “Një tokë, një popull, një ëndërr”.

Takimi i fundit mes qeverisë së Ramës dhe të Kurtit është mbajtur më 2022, ku ndër të tjera, u arrit që vendet të nënshkruajnë 19 marrëveshje të përbashkëta, që rregullonin sektorë të ndryshëm.

Agjenda

Arritja në Sallën e Seancave Plenare të Kuvendit të Kosovës

Hapja e aktivitetit  me ekzekutimin e Himneve Kombëtar

Fillon Seanca e përbashkët plenare në Kuvendin e Kosovës

Glauk Konjufca, Kryetar i Kuvendit të Republikës së Kosovës (10 min)

Elisa Spiropali, Kryetare e Kuvendit të Republikës së Shqipërisë (10 min)

Mesila Doda, Kryetare e Grupit Parlamentar Demokraci dhe Integrim, Kuvendi i Shqipërisë  (3 min)

  1. Besnik Tahiri, Kryetar i Grupit Parlamentar të Aleancës për Ardhmërinë e Kosovës, Kuvendi i Kosovës (3 min)
  2. Fatmir Mediu Anetar i Grupit Parlamentar Aleanca për Ndryshim, Kuvendi i Shqipërisë (3 min)
  3. Enis Kervan, Kryetar i Grupit Parlamentar Multietnik, Kuvendi i Kosovës
  4. Arben Gashi, Kryetar i i Grupit Parlamentar të Lidhjes Demokratike të Kosovës, Kuvendi i Kosovës (3 min)

Z.Gazment Bardhi, Kryetar i Grupit Parlamentar të Partisë Demokratike, Kuvendi i Shqipërisë (5 min)

  1. Abelard Tahiri, Kryetar i Grupit Parlamentar të Partisë Demokratike të Kosovës, Kuvendi i Kosovës
  2. Niko Peleshi, Kryetar i Grupit Parlamentar të Partisë Socialiste,

Kuvendi i Shqipërisë (5 min)

Znj. Mimoza Kusari-Lila, Kryetare e Grupit Parlamentar të Lëvizjes Vetëvendosje, Kuvendi i Kosovës (5 min)

Sh.T. Z. Edi Rama, Kryeministër i Republikës së Shqipërisë (10 min)

Sh.T. Z. Albin Kurti, Kryeministër i Republikës së Kosovës (10 min)

Mbyllja e Punimeve

(Balkanweb)

Sinani thotë se autoritetet serbe ia ndaluan ministrit Çeku vizitën në Preshevë

Kryetarja e Komunës së Preshevës, Ardita Sinani, ka thënë se Qeveria e Serbisë e ka refuzuar kërkesën për vizitën e planifikuar të Ministrit të Kulturës, Rinisë dhe Sportit të Kosovës, Hajrullah Çeku, vetëm një orë para realizimit.

“Qeveria e Serbisë refuzoi këtë vizitë vetëm një orë para kohës së planifikuar, duke shkelur afatin 48-orësh të përgjigjes, siç parashikohet në Marrëveshjen e Brukselit”, ka thënë Sinani përmes një postimi në Facebook.

Ajo e ka përshkruar këtë hap si dëshmi e tentimeve për izolim të shqiptarëve të komunës që ajo udhëheq.

Radio Evropa e Lirë e ka kontaktuar Zyrën për Kosovën në Qeverinë e Serbisë lidhur me vizitën e planifikuar të Çekut në Preshevë, por nuk ka marrë përgjigje.

Kjo Zyrë pati thënë më herët se Prishtina ua ka ndaluar vizitat përfaqësuesve të saj për të vizituar serbët e Kosovës në festën fetare të Shën Nikollës, që shënohet me 19 dhjetor.

Sipas saj, kjo përbën shkelje të marrëveshjes për lëvizje të lirë, të arritur mes dy vendeve më 2011.

Në Serbi jetojnë më shumë se 60.000 shqiptarë, të cilët përbëjnë pakicën e katërt më të madhe atje, sipas regjistrimit të fundit të popullsisë më 2022.

Në raportet ndërkombëtare, Lugina e Preshevës – term që përdoret për Preshevën, Medvegjën dhe Bujanocin, komuna të banuara me shumicë shqiptare në jug të Serbisë – konsiderohet tërësisht e izoluar dhe thuhet se merr vëmendje vetëm në kohë zgjedhjesh.

Në Kuvendin e Serbisë, shqiptarët kanë vetëm një zë: deputetin Shaip Kamberi.

Në muajt e fundit, qindra shqiptarë kanë protestuar kundër diskriminimit që kanë thënë se e përjetojnë në jug të Serbisë. Edhe autoritetet e Kosovës kanë qenë të zëshme në thirrjet për respektim të shqiptarëve të asaj zone.

Zyrtarët serbë, në anën tjetër, i kanë hedhur poshtë akuzat.

Shqiptarët në Serbi ankohen se autoritetet atje nuk ua njohin diplomat e Kosovës, kërkojnë integrim nëpër institucionet shtetërore të Serbisë, lejim të përdorimit të simboleve kombëtare shqiptare dhe për zgjidhjen e çështjes së pasivizimit të adresave.

Pasivizimi nënkupton fshirjen e qytetarëve prej adresave ku kanë qenë të regjistruar. Ky hap rezulton me humbjen e shtetësisë serbe, e rrjedhimisht të të gjitha të drejtave civile – përfshirë të drejtën për të votuar, për të pasur pronë, për të pasur sigurim shëndetësor e pension dhe për t’u punësuar.

Pasivizimi i adresës përcaktohet me ligj në Serbi prej vitit 2011. Ligji parasheh që institucionet të bëjnë kontrolle për të kuptuar nëse një banor jeton në adresën e regjistruar.

Nëse vërtetohet që një banor nuk jeton në atë adresë, merret vendimi për pasivizimin e saj, dhe banori obligohet që të regjistrojë adresën e re brenda tetë ditëve, pas pranimit të vendimit.

Ndonëse ligji parasheh të drejtën për apel, qytetarët kanë thënë se, në disa raste, as nuk kanë mundur të ankohen ndaj vendimit, pasi nuk janë informuar me kohë për pasivizimin.

Kjo çështje është përmendur edhe në raportin e Departamentit amerikan të Shtetit për të drejtat e njeriut në Serbi, për vitin 2023.

Në të është thënë se pasivizimi i adresave duket se është kryer në mënyrë joproporcionale ndaj shqiptarëve, sidomos në Medvegjë. REL

UGSHPD: 60 VJEÇ DHËNDËR

 
 
 
Nga takimi i 17 Dhjetorit, 2024 në Bruksel, kryeministri i RSH Rama me në krah përfaqësuesit e presidencës së radhës së palës Hungareze në BE-së Péter Szijjártó dhe Marta Kos, është shprehur ndër të tjera në një deklaratë të përbashkët për mediat se: – “Ne kemi bërë një zgjedhje të qartë si komb që duam të martohemi me BE dhe t’i harrojmë divorcet e vjetra të hidhur të së shkuarës”.
Është interesante ta marrësh më të gjatë përmbajtjen nga ekrani në raport me titujt që vendosen nga Agjencia Telegrafike Shqiptare e cila ende pa e shpjeguar arsyen e heq pjesën tjetër nga një fjali ku theksat diplomatikë dhe politikë merren si mesazhe të qarta nga një kryeministër shteti dhe jo kombi. 
Pjesa e munguar (e qethur) vazhdon me: – “… t’i harrojmë divorcet e vjetra të hidhur të së shkuarës”, sipas ngjyrimeve dhe mënyrës së propozimit për martesë me BE nga Rama. Ky aspekt nuk i ka shpëtuar skicës me titull “60 vjeç dhëndër” të autorit LD-NY24 e cila nënkupton auto censurën në fjalorin e diplomacisë së kryeministrit prej ATSH-s, por çuar më tej në vitet e tranzicionit shqiptar, “60 vjeç dhëndër” ka brenda disa dhjetëvjeçarë pushtetesh në politikën shqiptare që e kanë përdorur formulën e propozimit të lidhjeve sa herë që vijnë zgjedhjet parlamentare.
E ndërsa sot opozita proteston për keq qeverisjen dhe korrupsionin e administratës shtetërore në çdo nivel, qeveria e ka monopolizuar politikisht procesin e çeljes së grup kapitujve si të ishte pjesë e një programi të Rilindjes Socialiste që bëhen garanci jo thjeshtë për procesin, por edhe për marrjen e një mandati të katërt në një shtet ku transparenca, zbatimi i ligjit dhe drejtësia ende nuk kanë fituar epërsi si instrumenta të rëndësishme demokratike në mbrojtje të pluralizmit politik mbi frymën e arbitraritetit dhe autoritarizmit që po materializohet në një koncept qeverisës parti-shtet.
Sloganet Krenarë për Shqipërinë, Vetëm përpara dhe Shqipëria 2030 kërkojnë të përforcojë përçimin e mesazhit për votuesit brenda dhe jashtë nga e majta e politikës shqiptare në një kohë kur vota e diasporës me një proces zgjedhor të lirë, të ndershëm dhe të mbrojtur mendohet se do të sjellë ndryshimin.
Si mund të shkohet në BE kur në një kohë llogaritet se rreth 1/3 e popullsisë së vendit është larguar në dhjetëvjeçarin e fundit?
 
17 Dhjetor, 2024

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend