Gazetari Agustin Palokaj, gjatë një komunikimi të drejtpërdrejtë në News24 nga Kosova, ka komentuar procesin zgjedhor që po mbahet në vendin e tij. Ai shprehu pritshmëritë se Vetëvendosja mund të dalë fituese e zgjedhjeve, por e theksoi se ende nuk dihet se me çfarë rezultati.

Palokaj gjithashtu shpjegoi faktorët që mund të ndikojnë në formimin e qeverisë, duke përmendur sistemin e deputetëve të rezervuar për pakicat kombëtare në Kuvendin e Kosovës. Nga 120 deputetë, 20 vende janë të rezervuara për pakicat, dhe 10 prej këtyre janë për serbët. Sipas tij, këto vende mund të jenë vendimtare për formimin e qeverisë.

Ai e theksoi se nuk është e sigurt nëse Lista Serbe, e cila përfaqëson më shumë Beogradin zyrtar se sa serbët e Kosovës, do të marrë këto vende të rezervuara për serbët. bw