VOAL

VOAL

Copyright © 2022

VOAL

SHBA

Presidenti Trump kritikon përsëri mediat për “lajme të rreme”

President Donald Trump u kthye në Uashtington, pas udhëtimit të tij 9-ditor në Lindjen e Mesme dhe në Europë. Ai deklaroi se turneu i tij ishte një sukses i madh për Amerikën. “Shumë punë, por patëm rezultate të shkëlqyera”, tha ai.

Presidenti Trump kritikoi mediat për njoftimet se Shtëpia e Bardhë është e përfshirë në shqetësime dhe për hetimin e ndihmësve të tij dhe lidhjeve të tyre me Rusinë. Ai i akuzoi përsëri ato për publikimin e “lajmeve të rreme”. Këto lloj lajmesh shkruhen nga “gazetarë të rremë”, tha ai, duke shtuar se “Lajmet e rreme janë armiku!”

Presidenti komentoi për zgjedhjen javën e kaluar të anëtarit të Dhomës së Përfaqësuesve në shtetin e Montanës. Republikanin Greg Gianforte e akuzuan për sjellje fyese ndaj medias, një incident të cilin Presidenti e cilësoi “mbulim i keq nga media”.

Ai tha se zgjedhja pas incidentit e Gianfortes ishte “një fitore e madhe për republikanët në Montana.”

Pas kthimit nga turneu europian Presidenti Trump dhe ndihmësit e tij në Shtëpinë e Bardhë do të ndeshen me problemin e hetimeve mbi lidhje të mundshme me zyrtarë rusë gjatë fushatës elektorale, si dhe me akuzat e opozitës për përpjekje për pengimin e drejtësisë.

Një prokuror i posaçëm po zhvillon hetime në se ndihmësit e zotit Trump kanë bashkëpunuar fshehurazi gjatë fushatës elektorale me zyrtarë rusë, me synimin për ta ndihmuar atë të fitonte zgjedhjet. Po ashtu, komisionet e Kongresit janë mbledhur në seanca të posaçme, ku kanë dëshmuar një numër ndihmësish dhe ish-ndihmësish të zotit Trump.

Shtëpia e Bardhë po përgatitet për dëshminë që do të japë së shpejti ish shefi i FBI-së James Comey, të cilin zoti Trump e pushoi nga puna, edhe pse ai ishte duke drejtuar hetimin mbi lidhjet e mundshme të zyrtarëve të fushatës së zotit Trump me Rusinë.

Një tjetër person që do të merret në pyetje lidhur me këtë çështje është edhe dhëndërri i Presidentit, Jared Kushner, një nga këshilltarët kryesorë në Shtëpinë e Bardhë.

“Dhëndri i Trumpit ka pasur tri kontakte të mëparshme me ambasadorin rus në SHBA”

Dhëndri i presidentit amerikan Trump, Jared Kushner, ka pasur të paktën tre kontakte të mëparshme të pazbuluara me ambasadorin rus në SHBA gjatë dhe pas fushatës për zgjedhjet presidenciale, njoftojnë disa zyrtarë amerikane për agjencinë e lajmeve Reuters. Mes këtyre kontakteve përfshihen edhe dy telefonata mes muajve prill dhe nëntor të vitit të kaluar.

Që në fillim të këtij viti, Kushner është shndërruar në fokus të FBI-së nëse ka pasur ndonjë marrëveshje të fshehtë me Kremlinin gjatë fushatës së Trump. Ai u vu në qendër të vëmendjes së FBI-së vitin e kaluar teksa nisën të hetojnë lidhjet e ish-këshilltarit të Sigurisë Kombëtare, Michal Flynn, me zyrtarë rusë.

Informacionet e reja mbi dy telefonatat, sikurse edhe detaje të tjera të zbuluara nga “Reuters”, hedhin dritë ndaj asaj se kur dhe pse Kushner tërhoqi vëmendjen e FBI-së, ndërsa tregojnë gjithashtu se kontaktet e tij me të dërguarin rus, Sergei Kislyak, ishin më të gjera nga sa ishte në dijeni Shtëpia e Bardhë.

NBC raportoi të enjten se Kushner ishte nën hetimin e FBI-së. FBI refuzoi të jepte komente, ndërsa Ambasada e Rusisë në SHBA tha se është politikë e saj që të mos komentojë rreth kontaktet individuale diplomatike.

Shtëpia e Bardhë gjithashtu nuk ka reaguar lidhur me këtë çështje. Ndërsa avokatja e Kushnerit tha se Kushner nuk kujton ndonjë bisedë telefonike me Kislyak mes muajve prill dhe nëntor.

Salla Kombëtare e Famës për Gratë në SHBA

Që nga beteja e tyre për të drejtën për të votuar deri në arritjen e të paturit një grua si kandidate për presidente në vitin 2016, gratë amerikane kanë luftuar dhe kanë arritur shumë. Kjo histori është dokumentuar në ekspozitë në Sallën Kombëtare të Famës për Gratë në qytetin Seneka Falls të shtetit të Nju Jork-ut. Siç njofton korrespondentja Samina Ahsan, muzeu nderon arritjet e grave amerikane.

Në vitin 1969 komuniteti i qytetit të Seneka Falls-it ndërtoi Sallën e Famës për Gratë për të nderuar arritjet e grave amerikane; ideja ishte për ta ruajtur atë histori për brezat e ardhshëm. Secila kandidate duhet të aplikojë për nderin. Ky është një proces rigoroz, sipas Eileen Hartman-it, e cila është bashkë-kryetare e Bordit të Drejtorëve të muzeut.

“Ne nderojmë arritjet e grave çdo dy vjet”.

Salla e Famës për Gratë nderon ata që kanë luftuar për të drejtat e grave, që është edhe pjesë e historisë së qytetit të Seneka Falls-it.

“Ne e konsiderojmë atë si vendlindjen e të drejtave të grave” thotë zonja Hartman.

Ky është stoli ku aktivistja për të drejtën e votës së grave Susan B. Anthony u ul në gjykatë më 1872. Ajo u gjobit me 100 dollarë sepse votoi në një kohë kur gratë nuk lejoheshin të votonin.

Eileen Collins ishte gruaja e parë që drejtoi një anije kozmike në një mision tetë ditor në 1995.

Kandidatja e parë grua për presidente, Hillary Clinton, është gjithashtu e përfshirë në Sallën e Famës. Edhe astrofizikanja Dr. Judith Pipher, e cila ishte një nga njerëzit e parë që mori fotografi të Hënës, me teleskop, me rreze infra të kuqe.

Dr. Pipher thotë se gratë kanë arritur shumë, por mbetet ende shumë punë për t’u bërë.

“Ne e dimë se ka pabarazi në pagë mes grave dhe burrave që bëjnë të njëjtën punë. E dimë se gratë nganjëherë vendosen në nivele më të ulëta në punë, se nuk ka aq shumë gra në poste drejtuese apo presidente kompanish”.

Ka aq shumë arritje për t’u përmendur, saqë muret e Sallës së Famës janë plot e përplot dhe tani muzeu po mbledh fonde për një ndërtesë të re dhe më të madhe.

Trumpi i kërkon NASAs të dërgojë njerëz në planetin Mars

Buxheti i propozuar në muajin mars nga administrata Trump vë në dukje përkushtimin ndaj përpjekjeve të NASAs për të dërguar astronautë në Mars.

Rreth 3.7 miliardë dollarë janë caktuar për zhvillimin e Sistemit të Lëshimit në Hapësirë si dhe të kapsulës Orion, që janë elementë kyç të përpjekjes së NASA’s për të dërguar qenie njerëzore më larg në hapësirën kozmike.

Pak banorë në këtë rrugë të qetë e dinë se tek firma “Ingersoll Machine Tools”, po ndërtohet e ardhmja e udhëtimit në hapësirë të njeriut.

“Nuk mendoj se njerëzit në qytetin Rockford e dinë që i prodhojmë ne këto pjesë”, thotë Mike Reese, drejtor i shitjeve në firmën “Ingersoll Machine Tools”.

Por, këto nuk janë pjesë dosido…

“Kjo do të jetë shtëpia e një astronauti”, thotë Rex Walheim, astronaut i NASA’s.

Këta janë komponentë thelbësorë të përpjekjes së NASA-s për të dërguar njerëzit sërish në Hënë dhe në vazhdim në Mars.

“Ky cilindër është pjesa qendrore e kapsulës Orion. Pra, këtu do të qëndrojnë dhe punojnë astronautët. Është pjesa që do na mbajë të gjallë”, tregon astronauti Rex Walheim.

Kjo është një ndër katër pjesët që firma Ingersoll prodhon për korporatën Lockheed Martin, e cila monton anijen hapësinore.

Specialisti i pajisjeve, astronauti Walheim, do të jetë duke vëzhguar nga Toka gjatë procesit të lëshimit në orbitë. Ai u bë pjesë e historisë si anëtar i ekipit të fundit hapësinor në vitin 2011. Ai tashmë punon si përfaqësues i NASA’s në programin Orion, për të cilin thotë se po tejzgjatet.

“Të gjithë donin që të veprohej më shpejt për ta nxjerrë këtë anije drejt hapësirës. Por, edhe në këtë pikë kemi bërë goxha progres. Tashmë kemi ndërtuar pjesët dhe jemi në fazën e testimit”, thotë Walheim.

“Tashmë fokusi i NASA-s është drejt destinacioneve më të vështira”, thotë menaxheri i programit të NASA’s, Mark Kirasich.

Kirasich thotë se puna e kompanive private për të zhvilluar pajisjet që do të zëvendësojnë programin hapësinor të mbyllur në vitin 2011, i mundëson NASA’s të përqendrohet tek kapsula Orion.

“Kemi realizuar dy testime dhe mendojmë se kemi arritur rreth 75% të provave. Pajisja e radhës do të jetë në bordin e Misionit Eksplorues 1”, thotë zoti Kirasich.

Cilindri i ekspozuar tek firma Ingersoll do të jetë pjesë e Misionit Eksplorues 2, që do të rikthejë astronautët në Hënë deri në vitin 2023, duke i përgatitur kështu edhe për udhëtimin e ardhshëm drejt Marsit. Herën e fundit që astronautët fluturuan rreth Hënës, Reese thotë se ai ishte ende fëmijë.

“U jam mburrur fëmijëve të mi për kapsulën Orion. I kam sjellë që të prekin me dorë paisjet dhe që të shohin se çfarë bëjmë këtu. Atyre u duket shumë interesant i gjithë programi dhe ideja e të shkuarit në Mars”, thotë zoti Reese.

Misioni Eskplorues 1 i NASA’s, së bashku me një testim të plotë të sistemit hapësinor dhe të kapsulës Orion, është planifikuar për të zhvilluar këtë vit. NASA synon ta dërgojë kapsulën Orion pa ekuipazh në një distancë rreth 40 mijë milje përtej Hënës. Ky do të jetë hapi i parë drejt Marsit, tek i cili shpresohet të mbërrihet në vitet 2030./voa/

Debutimi i jashtëm i Trumpit me sjellje jokonvencionale

Shumica e presidentëve amerikanë e kanë bërë udhëtimin e tyre të parë jashtë Shteteve të Bashkuara, në vendet e afërta siç janë Kanadaja ose Meksika.

Por, nëse duhet të veçohet një çështje, me të cilën është dëshmuar presidenti Donald Trump në katër muajt e parë të presidencës së tij, atëherë kjo gjë është se ai nuk është president konvencional.

Në vend se të qëndrojë në ujëra të qeta dhe të sigurta diplomatike, shefi aktual i forcave të armatosura të Shteteve të Bashkuara, e ka nisur turneun e tij të parë të jashtëm në Lindjen e Mesme dhe në Evropë, me ç’rast e ka vizituar Arabinë Saudite, Izraelin, Autoritetin Palestinez, Brukselin, Romën dhe Sicilinë.

Në periudhën e betejave të ashpra në shtëpi lidhur me propozimin për buxhet, kujdesin shëndetësor, shkarkimin e drejtorit të agjencisë FBI nga ana e tij dhe hetimet lidhur me kontaktet e administratës së tij me Rusinë, zoti Trump ka shpresuar se do të fitojë simpati nga audienca globale, e cila është skeptike lidhur me agjendën e administratës së tij “Së pari Amerika”.

Përpjekjet e tij për të ndërtuar marrëdhënie me liderët e aleatëve kryesorë duket se kanë arritur rezultat të përzier, duke u dhënë mjaft argumente, si mbështetësve, ashtu edhe kritikëve.

Arabia Saudite

Pasi aeroplani presidencial amerikan “Air Force One”, ateroi në Arabinë Saudite më 20 maj, zoti Trump e filloi pjesën e parë të turneut të tij të parë të jashtëm në Rijad me shumë pompozitet, derisa ai shikonte për ta siguruar Mbretin Salman bin Abdulaziz al-Saud, dhe liderët e më tepër se 50 vendeve myslimane, për mbështetjen amerikane për regjimin e tyre dhe se administrata e tij nuk është anti-islame.

Presidenti amerikan nuk u kthye me duar të zbrazëta. Ai e solli një kontratë për armatim prej 110 miliardë dollarësh, ndërsa ka gjasë që brenda 10 viteve të nënshkruhen marrëveshje deri në 350 miliardë dollarë me Arabinë Saudite.

Trump tha se marrëveshja ishte e nevojshme për ta ulur kërcënimin e terrorit në rajon, ndërsa dëshiron, po ashtu, ta shfrytëzojë shitjen ndërkombëtare të armatimit për të krijuar vende pune në Shtetet e Bashkuara. Ky mesazh është përshëndetur nga mbështetësit e tij.

Por, disa ligjvënës kanë pikëpamje të kundërta, derisa anëtarët demokratë dhe republikanë të Senatit dhe të Dhomës Përfaqësuese, kanë ndërmarrë lëvizje në përpjekje për bllokimin e së paku disa pjesëve të shitjes së armatimit, duke e shtruar pyetjen nëse kjo gjë do të ishte në interesin më të mirë të vendit.

“Me këtë marrëveshje, presidenti Trump ka hedhur benzinë në shtëpinë me zjarr dhe duke e mbyllur derën për të ikur jashtë”, tha Eric Ferrero, drejtor i komunikimeve në degën e organizatës “Amnesty International” në Shtetet e Bashkuara.

Izraeli dhe Autoriteti Palestinez

Në agjendën e zotit Trump ishte edhe vizita në Murin Perëndimor, në Qendrën e Përkujtimit të Holokaustit “Yad Vashem” dhe Muzeun Izraelit, derisa është takuar me kryeministrin Benjamin Netanyahu, presidentin Reuven Rivlin, dhe me presidentin e Autoritetit Palestinez, Mahmud Abbas.

Vizita në vendet hebreje dhe myslimane, dhe takimi me zotin Abbas, ka treguar se Trumpi edhe një herë u është afruar religjioneve të ndryshme, derisa përpiqet të vendosë themel për shtytje drejt negociatave për paqe, për arritjen e asaj që presidenti amerikan e ka quajtur “marrëveshje finale”.

Por, ai i është shmangur premtimit gjatë fushatës së tij për përkushtimin kundërthënës për lëvizjen e Ambasadës së Shteteve të Bashkuara nga Tel Avivi në Jerusalem.

​Izraeli e sheh Jerusalemin si kryeqytet të tij të brendshëm dhe dëshiron që të gjitha vendet t’i vendosin aty ambasadat e tyre. Por, shumë aleatë amerikanë e kundërshtojnë një lëvizje të tillë, pasi edhe palestinezët pretendojnë se Jerusalemi është kryeqytet i shtetit të tyre të ardhshëm.

Lidhur me vizitën e zotit Trump në Izrael, gazeta “Haretz” e ka shkruar një koment të ashpër.

“Ne dëshiruam ta rehabilitojmë një pamje të njollosur nga akuzat për antisemitizëm. Por, turneu i madh shpirtëror i presidentit amerikan në Izrael, ishte një absurd i një vargu të gjesteve të zbrazëta”, ka shkruar gazeta, e cila është tallur me një shënim të presidentit Trump në “Yad Vashem”, pasi afër tij e botoi fotografinë e një shënimi më të zgjeruar nga ish-presidenti amerikan, Barack Obama, në vitin 2008.

Qyteti i Vatikanit

Pjesa e tretë e vizitës së parë të jashtme të presidentit Trump, që ndoshta ishte më pak kontestuese, ishte ajo në Qytetin e Vatikanit, për takim me Papa Françeskun dhe presidentin italian, Sergio Mattarella.

Duke pasur parasysh fillimin kundërthënës të raporteve të tyre kur Papa kishte vënë pikëpyetje në kredencialet e krishtera të Trumpit, gjatë fushatës presidenciale të vitit të kaluar, takimi konsiderohet i suksesshëm, pasi Trump dhe Papa këmbyen dhurata dhe folën për gjysmë ore.

Papa Françesku i dhuroi Trumpit kopjen e nënshkruar të mesazhit të tij për paqe në vitin 2017, Stili i Politikës Për Paqe, dhe tekstet, përfshirë letrat dërguar kardinalëve në vitin 2015, për nevojën e mbrojtjes së ambientit nga efektet e ndryshimeve klimatike.

Zoti Trump tha se ishte “nder i madh” për ta takuar Papën Françesk, i cili e krijoi një atmosferë të butë duke bërë shaka me bashkëshorten e presidentit amerikan, Melania Trump, për ëmbëlsirën, me të cilën ajo duhet ta ushqejë presidentin nga vendi i saj i lindjes, Sllovenia.

Brukseli

Për më pak se një vit, që Donald Trump kishte vlerësuar se NATO-ja ishte “e vjetruar”, megjithëqë ai menjëherë ishte tërhequr nga kjo shprehje, zoti Trump e vizitoi selinë e re të NATO-s në Bruksel dhe u takua me liderët e vendeve të tjera të aleancës veri-atlantike.

Në vend që të ishte kritik ndaj Rusisë lidhur me aneksimin e Krimesë së Ukrainës, siç shpresonin disa anëtarë të NATO-s, Trump u ka bërë presion liderëve të 27 vendeve të tjera të NATO-s që t’i plotësojnë obligimet e tyre financiare ndaj aleancës dhe të bëjnë më tepër për luftim të terrorizmit dhe ta vendosin migrimin dhe kërcënimet nga Rusia lart në agjendat e tyre.

Përgatiti: Fatmir Bujupi

Sekretari amerikan i Shtetit thyen traditën 20-vjeçare, refuzon të shtrojë iftar në Shtëpinë e Bardhë

Sekretari amerikan i Shtetit, Rex Tillerson, ka refuzuar të shtrojë darkë në Shtëpinë e Bardhë për të shënuar fillimin e muajit të shenjtë të Ramazanit për besimtarët myslimanë. Dy zyrtarë amerikanë brenda administratës i kanë thënë Reutersit në kushte anonimiteti se Tillerson do ta thyejë një traditë të gjatë gati 20 vjet.

Që nga viti 1999, sekretarët e shtetit, demokratë ose republikanë, kanë shtruar gjithnjë darkë të iftarit për të shënuar fillimin e Ramazanit ose një darkë në të cilën kanë shënuar përfundimin e Ramazanit, në ditën e Bajramit.
Tillerson ka hedhur poshtë kërkesën e Zyrës së Departamentit amerikan për Religjion, të cilët kërkuan që të aplikohet tashmë tradita për fillimin e Ramazanit, duke shtruar një darkë solemne për fillimin e muajit të shenjtë.

Trump: NATO të fokusohet në shpenzime, terrorizëm, emigrim dhe kërcënimin rus

Donald Trump duke folur sot në takimin me liderët e vendeve anëtare të NATO-s në Bruksel

 

Presidenti amerikan, Donald Trump, ka kërkuar nga liderët e 27 vendeve të tjera të NATO-s, që të bëjnë më tepër në luftimin e terrorizmit, ndërsa imigrimin dhe kërcënimin nga Rusia, t’i vendosin lartë në agjendën e tyre.

“NATO-ja e së ardhmes duhet të përfshijë fokus të madh në terrorizëm dhe emigrim dhe, po ashtu, në kërcënimet nga Rusia dhe kufijtë lindorë dhe jugor të NATO-s”, u tha Trump liderëve të tjerë të vendeve anëtare të NATO-s në selinë e aleancës në Bruksel.

Donad Trump, i cili njëherë e kishte karakterizuar NATO-n si “të vjetruar”, po ashtu, e ka përsëritur kërkesën e tij që vendet anëtare të bëjnë “kontribute të tyre të plota dhe komplete” për aleancë, duke i rritur shpenzimet e tyre për mbrojtje.

“Kjo nuk është korrekte për njerëzit dhe taksapaguesit e Shteteve të Bashkuara”, tha presidenti Trump, dhe ka shtuar se “nëse vendet e NATO-s i bëjnë kontribuetet e tyre të plota dhe komplete, atëherë NATO-ja do të jetë edhe më e fuqishme se sa është sot, veçanërisht nga kërcënimi i terrorizmit”.

Vendet anëtare të NATO-s në të kaluarën patën shprehur përkushtim për rritjen e shpenzimeve të mbrojtjes deri në 2% të GDP-së së tyre deri në vitin 2024.

Aktualisht, vetëm Britania, Estonia, Greqia, Polonia dhe Shtetet e Bashkuara, e kanë arritur këtë nivel të shpenzimeve.

Presidenti Trump nuk e ka përmendur fare Artikullin 5 të marrëveshjes së NATO-s për mbrojtje reciproke, ku theksohet se sulmi kundër një vendi anëtar, paraqet sulm kundër të gjithë anëtarëve.

I pyetur për përkushtimin e Shteteve të Bashkuara për Artikullin 5, zëdhënësi i Shtëpisë së Bardhë, Sean Spicer, tha se “ai shkon pa u përmendur” dhe se “prania e Trumpit në këtë ngjarje i thekson përkushtimet tona për obligimet e marrëveshjes”.

Kushner, dhëndëri i Presidentit Trump pjesë e hetimeve të FBI-së për lidhjet me Rusinë

Jared Kushner, dhëndëri i Presidentit Donald Trump dhe këshilltar i lartë në Shtëpinë e Bardhë, është pjesë e hetimeve të FBI-së për lidhjet me Rusinë, sipas “Washington Post-it” dhe rrjetit televiziv “NBC News”.

Kushner po hetohet për shkak të takimeve në dhjetor dhe për shkak të komunikimeve të tjera me ambasadorin e Rusisë dhe një bankier në Moskë, sipas një njoftimi të Washington Postit, që i referohet burimeve me njohuri nga hetimet.

Kushner është zyrtari i vetëm, që dihet, nga Shtëpia e Bardhë, i konsideruar si një person kyç në hetime, sipas gazetës.

FBI-ja, disa komisione të Kongresit dhe një prokuror i posaçëm janë duke kryer hetime mbi dy pista, njera mbi dyshimet se Rusia është përpjekur të ndikojë në zgjedhjet presidenciale të vitit 2016 dhe tjetra se këshilltarë të presidentit Trump mund të kenë pasur lidhje me zyrtarë rusë, të cilët synonin të ndikonin mbi zgjedhjet.

Çështja e hetimeve të lidhjeve me Rusinë ka marrë një vëmendje të shtuar dhe e ka vënë në qendër të sulmeve administratën e presidentit Trump, që kur ai shkarkoi drejtorin e FBI-së James Comey më 10 maj. Moska vazhdimisht i ka mohuar akuzat dhe presidenti Trump ka hedhur poshtë mundësinë për lidhje të fshehta të ndihmësve të tij me Rusinë.

Zyrtarë në dijeni të zhvillimeve i thanë rrjetit televiziv “NBC News” se interesi i autoriteteve ndaj zotit Kushner nuk nënkupton se ai mund të ketë kryer ndonjë krim ose se prokurorët do të ngrenë akuza.

Ende nuk dihet në se FBI-ja i ka kërkuar zotit Kushner të dorëzojë ndonjë dokument.

Një prej avokatëve të zotit Kushner, Jamie Gorelick, përmes një deklarate tha se klienti i saj do të bashkëpunojë me autoritetet.

FBI-ja dhe Shtëpia e Bardhë nuk u janë përgjigjur kërkesave për koment mbi këtë çështje.

A është lodhja faktor për gabimet në deklaratat e Presidentit Trump?

Presidenti amerikan Donald Trump kthehet në Uashington këtë javë pasi nënshkroi disa marrëveshje biznesi, që përputhen me premtimet e tij për vende pune brenda Shteteve të Bashkuara, si edhe angazhime nga aleatët për më shumë bashkëpunim në luftën kundër terrorizmit. Por ndoshta po aq i rëndësishëm është fakti që udhëtimi i lodhshëm 9 ditor i ka dhënë një mundësi presidentit që të jetë larg shqetësimeve brenda vendit, dhe që të shkëlqejë në arenën botërore.

Por udhëtimi ka ushqyer gjithashtu spekullime për energjitë fizike të presidentit 70 vjeçar; nëse ai ishte shumë i lodhur kur ngatërroi një fjali shumë të rëndësishme në fjalimin para udhëheqësve myslimanë, apo ishte një mënyrë jo e menduar mirë për të dalë mbi këshilltarët e tij që donin që ai të shmangte retorikën e përdorur gjatë fushatës, e cila shkaktoi akuza për paragjykime dhe Islamofobi.

“Mund të jetë lodhja e udhëtimit, por mund të jetë edhe e qëllimshme”, i tha Zërit të Amerikës Julian Zelizer, profesor historie dhe marrëdhëniesh ndërkombëtare në Universitetin Princeton. “Është e lehtë të thuash se dikush është i raskapitur, por në disa raste njerëzit nxjerrin nga goja pikërisht atë që duan të thonë”.

Fjali e debatueshme

Gjatë fushatës, zoti Trump përmendi shpesh nevojën për të luftuar “terrorizmin radikal islamik” dhe kritikoi ashpër rivalen demokrate Hillary Clinton dhe Presidentin e atëhershëm Barack Obama për shmangien e kësaj fraze.

Por pas një debati të ashpër që mesa duket ndodhi mes këshilltarëve të tij, në tekstin e përgatitur për fjalimin përdorej shprehja “Ekstremizëm islamik,” që synon të bëjë dallim mes gjithë botës islamike dhe grupeve myslimane që përziejnë fenë me ideologjinë e skajshme politike të njohur si “Islamizëm”.

Por kur dha fjalimin, presidenti devijoi nga teksti i përgatitur, duke shtuar disa fjalë të vetat.

“Sigurisht mbetet ende shumë punë për t’u bërë. Kjo do të thotë që të luftojmë krizën e ekstremizmit islamik dhe islamistët dhe terrorin islamik të çdo lloji”.

Pas fjalimit, një këshilltar e sqaroi gafën presidenciale duke thënë “Ai është thjesht jashtëzakonisht i lodhur”. Vetë presidenti Trump më pas u tërhoq nga një fjalim për rrjetet sociale, duke thënë se ishte i lodhur. Vajza e tij Ivanka e zëvendësoi.

Barry Strauch, që e ka studiuar lodhjen e tejskajshme si hetues aksidentesh me Bordin Kombëtar të Sigurisë së Transportit tha se megjithëse stërlodhja nuk mund të përjashtohet, nuk ka gjasa që të jetë faktor në rastin e zotit Trump.

“Kushtet e udhëtimit për një president janë krejtësisht të ndryshme nga ato për cilindo tjetër. Ai fluturon me Air Force One, që ka kushte shumë të mira për të fjetur për presidentin”, tha zoti Strauch.

Profesor Zelizer, që e ka studiuar karrierën e mëparshme të zotit Trump, tha se gabimi strategjik në fjalim përputhet me praktikat e tij të mëparshme në biznes.

“Kur e ke ndjekur që nga vitet 1980, ai është njëlloj. Ky është një element që e kemi parë tek Presidenti Trump, kur ishte i ri. Është i njëjti person”.

Deklarata të pavërteta

Zoti Trump ka një histori me deklarata të pavërteta dhe me ngatërrimin e fakteve, gjë që i ka bërë kritikët ta akuzojnë si të pasinqertë. Në disa raste, bëhet fjalë për gabime shumë të dukshme.

Në një intervistë me kanalin telelviziv Fox Business Channel, ai tha:

“Sapo kemi lëshuar 59 raketa në Irak”. Gazetarja Maria Bartiromo e korrigjoi “Në Siri”, tha ajo.

Në një tjetër intervistë, duke folur për Korenë e Veriut, ai tha se vendi ka të njëjtin udhëheqës prej dy dekadash. Megjithëse Koreja e Veriut sundohet nga e njëjta familje prej tre brezash, udhëheqësi i tanishëm Kim Jong Un, e mori pushtetin vetëm në vitin 2011.

Ndalesat e tjera në udhëtimin e Presidentit Trump, në Izrael dhe territoret palestineze, Vatikan, Bruksel dhe Siçili, janë organizuar në mënyrë të tillë që të konsolidojnë imazhin e një presidenti që po goditet nga media e vendit të tij. Përveç një takimi me shtypin nga Sekretari i Shtetit, Rex Tillerson në Air Force One, asnjë zëdhënës nuk ka folur për gazetarët, me përjashtim të disa citimeve të shkurtra në përgjigje të kërkesave nga shtypi.

Kjo heshtje relative ka ushqyer spekullimet për ndryshime në personelin dhe strategjinë e komunikimit në Shtëpinë e Bardhë, ndërsa administrata përpiqet të përmirësojë imazhin. Një ndryshim i mundshëm do të ishte ndërprerja e konferencave të përditshme të shtypit nga zëdhënësi Sean Spicer.

Sipas njoftimeve, zoti Trump është i pakënaqur me faktin që këto konferenca shtypi janë kthyern në një cirk mediash, por nuk i ka ndërprerë deri tani sepse ato ngjallin shumë interes tek audiencat televizive.

Ish-presidenti Obama paralajmërim kundër ksenofobisë

Ish presidenti amerikan Barack Obama paralajmëroi të enjten në Gjermani kundër rritjes së ksenofobisë dhe nacionalizmit në disa vende të botës.

“Në këtë botë të re ku jetojmë, nuk mund ta izolojmë vetveten. Nuk mund të fshihemi pas mureve”, tha zoti Obama.

Ish presidenti i bëri komentet ndërsa qendronte pranë Kancelares Angela Merkel në një podium përpara Portës së Branderburgut në Berlin në festimet me rastin e 500 vjetorit të Reformës Protestante.

Ish presidenti tha se ai, zonja Merkel dhe disa udhëheqës të tjerë botërorë janë përpjekur, pavarësisht burimeve të kufizuara, që të balancojnë shanset për imigrantët dhe për të përmbushur detyrimet për qytetarët.

“Përpara Zotit, një fëmijë në anën tjetër të kufirit nuk është më pak i denjë për dashuri dhe dhembshuri sesa fëmija im. Nuk mund të dallojmë mes tyre kur flitet për vlerën dhe dinjitetin njerëzor”, – tha zoti Obama, ndërsa mijëra njerëz e miratuan qëndrimin e tij përmes duartrokitjeve.

Duke folur mbi virtytet e hapjes së shoqërisë dhe globalizmit, zoti Obama tha, “Ne duhet të zbrapsim ato prirje që shkelin të drejtat e njeriut, shtypin demokracinë, apo kufizojnë liritë individuale.”

Ish presidenti shprehu shpresë se ai ende të ketë ndikim të mjaftueshëm për të nxitur një gjeneratë të re udhëheqësish të rinj për të dhënë ndihmesën e tyre “për t’i izoluar ata që do të përpiqen të na përçajnë”, u shpreh ai.

Opozita gjermane e kritikoi pjesëmarrjen e zotit Obama në takimin me kancelaren Merkel, si një manovër publiciteti para zgjedhjeve të përgjithshme të shtatorit ku zonja Merkel shpreson të marrë një mandat të katërt.

SHBA: Një i kërkuar për masakrën e Srebrenicës ekstradohet në Serbi

Pamje e Memorialit përkujtimor për viktimat e gjenocidit në Srebrencië

 

Një person i kërkuar lidhur me masakrën në Srebrenicë në vitin 1995, gjatë luftës civile në Bosnjë-Hercegovinë, është kthyer në vendin e tij të lindjes, Serbi, për tu ballafaquar me akuza.

Zyrtarë të Agjencisë së Imigrimit dhe Doganave (ICE) thanë mrbëmë vonë se personi, Sërgjan Billiq, 44 vjeçar, është dërguar në Beograd, nga aeroporti ndërkombëtar në Majami të Shteteve të Bashkuara. Agjentët e kësaj agjencie amerikane e dorëzuan atë tek autoritetet e Serbisë.

Agjencia e Imigrimit dhe Doganave thotë se Billiq ishte anëtar i një brigade të ushtrisë serbe të Bosnjës e implikuar në gjenocid, i cili ndodhi në Srebrenicë në korrik të vitit 1995.

Afro 8 mijë burra e djem myslimanë ishin ekzekutuar, ndërsa 30 mijë femra dhe fëmijë ishin përzënë nga ky territor.

Një gjykatë ndërkombëtare në vitin 2001 ka vlerësuar se në Srebrenicë kishte ndodhur gjenocid.

“Individët sikur Billiqi duhet të ballafaqohen me drejtësinë”, tha Marc J. Moore, nga Agjemcia e Imigrimit dhe Doganave e Shteteve të Bashkuara.

Zyrtarët nuk kanë thënë se ku kishte jetuar Billiq dhe se sa gjatë ai ishte në Shtetet e Bashkuara. rel

Trumpi e ka angazhuar një avokat lidhur me hetimin për Rusinë

Presidenti ameirkan, Donald Trump, e ka angazhuar këshilltarin e tij juridik, Marc Kasowitz, si avokat të tij, në çështjet ku involvohen hetimet lidhur me lidhjet e Rusisë me fushatën e tij zgjedhore të vitit 2016, kanë raportuar mbrëmë mediat.

Fox Business News dhe ABC raportuan se Trump e ka angazhuar zotin Kasowitz nga Nju Jorku, që është jurist me përvojë, për ta përfaqësuar atë në hetimin e udhëhequr nga këshilltari special i Departamentit amerikan të drejtësisë, Robert Mueller.

Avokati Kasowitz e ka përfaqësuar Donald Trumpin për më tepër se 15 vjet, por konsiderohet se nuk është i njohur si avokat për çështje penale.

Gjatë fushatës presidenciale të vitit të kaluar, Marc Kasowitz ishte kërëcnuar për ta paditur të përditshmen, New York Times, nëse nuk tërhiqet shkrimi për një grua që e kishte akuzuar Trumpin se e kishte prekur në mënyrë jopërkatëse. Por, gazeta nuk e kishte tërhequr artikullin.

Kasowitz, po ashtu, ka ndihmuar në mbrojtje lidhur me pretendimet për mashtrime kundër Universitetit Trump.

Media: Trump u kërkoi shefave të zbulimit të hidhnin poshtë se fushata e tij kishte lidhje me Moskën

Sipas njoftimeve të medias amerikane, Presidenti Trump, u kërkoi në muajin mars dy prej krerëve më të lartë të zbulimit të mohojnë publikisht se ka patur një bashkëpunim mes ekipit të tij të fushatës presidenciale dhe Rusisë, për të favorizuar fitoren e tij në zgjedhje. Por, gjithnjë sipas medias, zyrtarët e zbulimit e konsideruan kërkesën si të papërshtatshme duke e refuzuar atë.

Shtypi amerikan citon zyrtarë të tanishëm dhe të mëparshëm, sipas të cilave zoti Trump ia bëri kërkesën drejtorit të zbulimit kombëtar Daniel Coats dhe drejtorit të Agjencisë së Sigurisë Kombëtare, admiralit Michael Rogers.

Sot, në një seancë dëgjimore të kongresit, zoti Coats nuk i mohoi njoftimet, por nuk pranoi të komentojë.

Ai tha se disa hetime për lidhjet e ekipit të fushatës Trump me Rusinë “janë në zhvillim e sipër”. Ato, tha ai, do të na çojnë në përfundime të sakta dhe rezultati do të bëhet i njohur, në mënyrë që vendi të mund të lëvizë përpara për t’u marrë me çështje të tjera.

Ndërkohë, në një seancë tjetër po sot, ish-drejtori i CIA-s John Brennan tha se e kishte paralajmëruar Rusinë që të mos ndërhynte në zgjedhjet presidenciale. Ai tha se më 4 gusht të vitit të kaluar kishte patur një bisedë telefonike me kreun e shërbimit të inteligjencës ruse për t’i komunikuar paralajmërimin.

Zoti Brennan i tha komisionit të Dhomës së Përfaqësuesve për çështjet e zbulimit se ishte zyrtari i parë amerikan që paralajmëronte rusët për aktivitetet e tyre. Brennan i kishte komunikuar zyrtarit rus se nëse Rusia vazhdonte ndërhyrjen, ajo do të dëmtonte veten dhe do të pengonte ngrohjen e marrëdhënieve.

Ish-shefi i CIA-s është ankuar për ndërhyrjen ruse qysh në gusht

Ish-drejtori i CIA-s, John Brennan

 

Ish-drejtori i CIA-s, John Brennan, tha se ka biseduar direkt me kreun e agjencisë kryesore ruse të sigurisë, për t’u ankuar për keqtrajtimin e diplomatëve amerikanë dhe përpjekjet e dukshme të Rusisë për të ndërhyrë në zgjedhjet presidenciale në SHBA, më 2016.

Brennan i tha Komitetit të Inteligjencës së Dhomës së Përfaqësuesve se biseda më drejtorin e Shërbimit Federal të Sigurisë, Aleksandr Bortnikov, është zhvilluar në muajin gusht, derisa zhvillohej fushata presidenciale.

Brennan tha se i ka thënë Bortnikovit se ndërhyrja e vazhdueshme e Rusisë do të dështojë dhe do të pengojë çdo ngrohje të marrëdhënieve midis Moskës dhe Uashingtonit.

Po ashtu në gusht, FBI ka hapur hetime për marrëveshje të mundshme midis anëtarëve të fushatës së Trumpit dhe zyrtarëve rusë.

Këto lidhje nuk janë vetëm fokus i hetimeve të FBI-së, por edhe i disa hetimeve të Kongresit.

Çështja i ka hedhur hije administratës së presidentit Donald Trump, prejse ka marrë detyrën në muajin janar.

Vendimi i Trumpit për të shkarkuar drejtorin e FBI-së, James Comey, ditë më parë, shkaktoi trazira politike dhe bëri që Departamenti i Drejtësisë të emërojë një këshilltar të posaçëm për të mbikëqyrur hetimet e agjencisë në administratën Trump.

Shtyhet dëshmia e Comeyt para një paneli të Dhomës së Përfaqësuesve

Ish-drejtori i FBI-së, James Comey ka shtyrë paraqitjen e tij para Komitetit të Dhomës së Përfaqësuesve që ishte paraparë të mbahet më 24 maj, ka thënë kryetari i panelit.

Kryetari republikan i këtij Komiteti, Jason Chaffetz, ka thënë se Comey “dëshiron të flas me Këshilltarin e Posaçëm Robert Mueller, përpara se të dëshmojë publikisht”.

Ende nuk është caktuar asnjë datë se kur Comey do të jap dëshminë e tij.

Comey, i cili u shkarkua më 9 maj nga presidenti Donald Trump, ishte paraparë që të dëshmonte para Komitetit për eksperiencat e tij me Trumpin dhe për hetimin e FBI-së për lidhjet e dyshuara Rusi-Trump.

Departamenti amerikan i Drejtësisë, më 17 maj ka emëruar Mueller, ish-shefin e FBI-së, si Këshilltar të Posaçëm për të mbikëqyrur hetimin mbi bashkëpunimin e mundshëm në mes të Rusisë dhe ekipit të Trumpit gjatë zgjedhjeve presidenciale të vitit 2016.

Comey ka qenë në qendër të disa informacioneve të publikuara në media, që prej se është shkarkuar nga Trump. Ka pasur raportime se Trump i ka kërkuar atij që të heq dorë nga hetimi për ish-këshilltarin për siguri kombëtare, Micheak Flynn.

Chaffatz ka kërkuar nga FBI që t’i dorëzojë Komitetit dokumentet dhe incizimet që lidhen me komunikimet në mes të Comey dhe Trump.

Chaffetz ka thënë se Komiteti është duke shikuar nëse Trump ka tentuar që të ndërhyjë ose pengojë në hetimin e FBI-së mbi Flynnin.

Studentët braktisin fjalimin e nënpresidentit Mike Pence

Dhjetëra studentë dhe familjarë të tyre braktisën një ceremoni në Universitetin Notre Dame në Indiana, kur nënpresidenti amerikan, Mike Pence, nisi fjalimin.

Protestuesit ishin në mesin e mijëra të të diplomoarve dhe të ftuarve në stadiumin e futbollit të universitetit.

Ata u ngritën në heshtje kur Pence, ish-guvernator i Indianas, nisi fjalimin.

Organizatorët e protestës thanë se ata donin të shprehnin kundërshtimin e tyre ndaj politikave të administratës amerikane, përfshirë një propozim të presidentit Donald Trump për t’iu pezulluar hyrjen në SHBA vizitorëve dhe emigrantëve nga vendet me shumicë myslimane.

Por, Pence gjithashtu mori duartrokitje kur tregoi se si Trump ka folur kundër persekutimit fetar të njerëzve të “të gjitha besimeve” gjatë një fjalimi në Arabinë Saudite.

FBI publikon foto të reja nga sulmi i 11 shtatorit në SHBA

FBI ka publikuar 27 fotografi të reja të papublikuara më parë të Pentagonit i cili u qëllua me avionin e drejtuar nga terroristët e Al Kaeda-s në sulmet terroriste të 11 shtatorit

WASHINGTON – Byroja Federale e Hetimeve në SHBA (FBI) ka publikuar për opinionin publik 27 fotografi të reja të papublikuara më parë të Pentagonit i cili u qëllua me avionin e drejtuar nga terroristët anëtarë të Al Kaeda-s në sulmet terroriste të 11 shtatorit në vitin 2001 në SHBA.

Fotografitë e reja të cilat tregojnë detajet e sulmit terrorist paraqesin në mënyrë më të qartë përmasat e aktit.

Në fotografitë e publikuara vërehen qartë mbetjet e avionit të American Airlines të rrëmbyer nga 5 anëtarët e Al Kaeda-s që u drejtuan drejt Pentagonit, vendi ku është përplasur avioni, zjarri përreth, dëmet e shkaktuara nga fuqia e përplasjeve të gurëve dhe pjesëve të tjera të përhapura përreth.

Më 11 shtator 2001 dy avionë të American Airlines të tipit Boeing 767 dhe 757 u përplasën njëri pas tjetrit tek “Kullat binjake” ndërtesat e Qendrës Tregtare Botërore, ndërsa një avion tjetër i tipit 767 u përplas me Pentagonin ku dhe shkaktoi dëme të mëdha.

Gjithashtu avioni i katërt i tipit Boeing 757 ra në Pensilvania. Si pasojë e sulmeve terroriste nga avionët e përplasur humbën jetën 2.974 persona dhe 19 rrëmbyesit e avionëve që llogariten si përgjegjës të sulmeve terroriste.

Ja çfarë foli Trumpi me zyrtarët rusë për Comeyn

Presidenti amerikan Donald Trump u tha zyrtarëve rusë se shkarkimi i drejtorit të FBIsë, James Comey, hoqi një “presion të madh” nga shpatullat e tij.

Lajmi raportohet nga mediat amerikane, të cilat citojnë një dokument ku përmblidhet takimi i javës së kaluar me ministrin e jashtëm rus Sergei Lavrov dhe ambasadorin rus në SHBA, Sergei Kislyak, ku Trump e ka cilësuar Comeyn si “të çmendur”.

“Sapo pushova shefin e FBI’së. Ai ishte i çmendur, vërtet i çmendur. Ndieja presion të madh për shkak të Rusisë. Tani kjo iku,” shkruhet në raportin e publikuar së fundmi në mediat amerikane.

Trump e shkarkoi James Comey nga detyra e tij si shef i FBI, pikërisht një natë përpara këtij takimi, një lëvizje që tronditi Uashingtonin, transmeton OraNews.

Kritikët akuzuan presidentin se po përpiqej të pengonte hetimin e FBI’së mbi ndërhyrjen e supozuar të Rusisë në zgjedhjet amerikane dhe çdo lidhje të Moskës me bashkëpunëtorët e Trump.

Comey ka rënë dakord të japë detaje të hetimit në një seancë dëgjimore publike me Komitetin e Senatit të Inteligjencës që pritet të zhvillohet muajin e ardhshëm.

Ndërkohë, Shtëpia e Bardhë nuk e ka kundërshtuar gjuhën e përdorur në takimin e zhvilluar në Zyrën Ovale mes Trumpit dhe përfaqësuesve rusë.

Në një tjetër zhvillim, mediat amerikane gjithashtu raportojnë se një zyrtar aktual i Shtëpisë së Bardhë është një “person i rëndësishëm interesi” në hetimin mbi marrëdhëniet e pretenduara mes fushatës së Trump dhe Rusisë.

Mediat citojnë burime anonime të cilat thonë se bëhet fjalë për një person shumë pranë presidentit, por pa e identifikuar atë tërësisht.

Ndërkohë, Shtëpia e Bardhë ka mohuar se ka pasur bashkëpunim mes fushatës së Trump dhe ndonjë entiteti të huaj.

Ish-shefi i FBI-së Comey i gatshëm për të deklaruar

Kreu i mëparshëm i FBI-së amerikane, James Comey, të cilin presidenti Donald Trump e largoi nga detyra para pak ditësh, ka pranuar të flasë para komisionit hetimor të senatit amerikan më 29 Maj.

Presidenti amerikan, Donald Trump e largoi papritur nga detyra, kreun e FBI-së, James Comey, dhe tani i duhet të përballet me akuzat e pengimit të hetimeve për të zbuluar lidhjet e shtabit zgjedhor të Trumpit me administratën ruse gjatë fushatës. FBI po hetonte lidhur me këto akuza. Tani hetimet do të drejtohen po nga një ish-drejtues i FBI-së, Robert Mueller, i cili u emërua prokuror i posaçëm i pavarur dhe që duhet të zbulojë, nëse ka pasur përzierje jo të duhura të Shtëpisë së Bardhë në hetime.

„Presion për shkak të Rusisë”

Sipas një raportimi në media, Trump duket se ka folur për nxjerrjen jashtë të Comeyt në një takim të shumëpërfolur me ministrin e Jashtëm rus, Sergej Lavrov  javën e kaluar. „Isha për shkak të Rusisë nën presion të madh, tani kjo ka marrë fund”, citon “New York Times” me gjasë nga një protokoll i brendshëm i Shtëpisë së Bardhë, që është mbajtur një ditë pas largimit të Comeyt nga detyra.

Sipas medias, kjo do të shtojë debatin, nëse Trump me largimin e drejtorit të FBI-së, me gjasa ka penguar edhe drejtësinë, dhe kjo do të shtojë dyshimet e kritikëve të Trumpit, se ai ka një afinitet të madh me qeverinë ruse. Ky dyshim shtohet ndga disa raportime të mëparshme në media, ku Trump, duket se i ka bërë presion kreut të FBI-së, për të mbyllur hetimet për kontaktet me Rusinë të këshilltarit për sigurinë të larguar, Michael Flynn.

Anthony Weiner deklaron fajësinë

Ish ligjvënësi demokrat Anthony Weiner deklaroi në një gjykatë të Nju Jorkut sot, se ishte fajtor lidhur me akuzat për kontakt të papërshtatshëm në internet me një vajzë 15 vjeçare.

Weiner, qau në gjykatë ndërsa i kërkoi ndjesë familjes së vajzës. Ai pranoi fajësinë lidhur me akuzën për transmetimin e materialeve seksuale tek një e mitur dhe ra dakort të mos e apelojë dënimin me burg që mund të jetë nga 21 deri në 27 muaj.

“Jam i sëmurë, por ky nuk është justifikim”, tha Weiner ndërsa i kërkoi falje 15 vjeçares.

Weiner do të regjistrohet si agresor seksual në bazë të marrëveshjes së arritur, tha gjykatësi.

Weiner u hetua në shtator të vitit të kaluar pasi vajza i tregoi një gazete tabloidësh se ajo dhe ish ligjvënësi kishin shkëmbyer mesazhe të papërshtatëshme prej disa muajsh.

Ajo e akuzoi gjithashtu atë se i kishte kërkuar të zhvishej përpara kameras.

Weiner ka një histori skandalesh seksuale.

Ai u detyrua të jepte dorëheqjen nga kongresi në vitin 2011 pasi postoi aksidentalisht një fotografi seksuale të vetes në llogarinë e tij në Twitter. Ai më pas pranoi se “kishte këmbyer mesazhe dhe fotografi të një natyre të papërshtatshme me gati gjashtë gra gjatë një periudhe mbi tre vjeçare.”

Rreth dy vjet më vonë, në vitin 2013, Weiner u përball me një skandal tjetër që kishte të bënte me mesazhe me përmbajtje seksuale, ndërkohë që shpresonte të kthehej në politikë duke hyrë në garën për kryetar bashkie të qytetit të Nju Jorkut. Weiner përdori pseudonimin “Carlos Danger” për të dërguar pamje të papërshtatshme tek një vajzë 22 vjeçare nga Indiana. Ai u tërhoq nga gara pas daljes në dritë të skandalit.

Bashkëshortja e zotit Weiner, Huma Abedin, njoftoi synimin e saj për t’u ndarë prej tij në gusht të vitit 2016, pasi u njoftua se zoti Weiner i kishte dërguar tekste me përmbajtje seksuale një gruaje tjetër ndërsa ishte shtrirë në shtrat me të birin. Abedin ishte këshilltare e ngushtë në fushatën presidenciale të kandidates Hillary Clinton në vitin 2016 dhe ka punuar për zonjën Clinton për një kohë të gjatë.

Trumpi sulmon ashpër emërimin e një prokurori të posaçëm

Presidenti i SHBA Donald Trump e sulmoi ashpër emërimin e një prokurori të posaçëm për të hetuar marrëveshjet e mundshme midis ekipit të fushatës së tij zgjedhore dhe rusëve, në përpjekjet e tyre për të ndikuar në zgjedhjet presidenciale të vitit të kaluar.

Presidenti Trump u tregua përsëri sfidues. Duke komentuar në krah të presidentit të Kolumbisë, ai e sulmoi ashpër emërimin e një prokurori të posaçëm për hetimin e lidhjeve të mundshme të ekipit të tij të fushatës me Rusinë:

“Unë e respektoj vendimin, por e gjithë kjo është një gjueti shtrigash.”

Ai përsëri mohoi se ekipi i tij i fushatës bashkëpunoi me Rusinë që ajo ta ndihmonte të fitonte zgjedhjet.:

“Më besoni, nuk ka patur ndonjë bashkëpunim.”

“Mendoj se është qesharake. Të gjithë mendojnë kështu,” tha presidenti.

Teknikisht, jo të gjithë, mendojnë ashtu.

Përfshirë zëvendës-prokurorin e përgjithshëm të zotit Trump, i cili të mërkurën emëroi ish-drejtorin e FBI-së Robert Mueller si prokuror të posaçëm për të kryesuar hetimin.

Ndaj zotit Trump ka patur akuza se ka penguar hetimin, pas shkarkimit të James Comeyt si drejtor i FBI-së.

Trump thuhet gjithashtu se i kërkoi zotit Comey të ndërpresë hetimin e ish-këshilltarit të tij të sigurimit kombëtar, Mike Flynn, i cili ishte në kontakt me zyrtarët rusë gjatë fushatës.

I pyetur për këto njoftime, zoti Trump nguli këmbë në të tijën.

Shumë anëtarë të Kongresit nuk janë të bindur.

“Ekzistojnë prova në rritje për pengim të drejtësisë”, sipas senatorit Blumenthal.

“Mendoj se kemi të bëjmë me një hetim penal,” thotë senatori Graham.

Nuk është ende e qartë se kush tjetër do të përfundojë nën hetime.

Por zoti Trump këmbëngul se nuk do të jetë ai:

“Sigurisht që nuk ka patur asnjë bashkëpunim nga ana ime dhe ekipi im i fushatës. Por unë gjithmonë flas për veten time.”

Një përgjigje e kujdesshme kjo e një presidenti të rrethuar nga kritikat.

Presidenti Trump thotë gjithashtu se polemikat rreth Shtëpisë së Bardhë që nuk po njohin prehje, po dëmtojnë unitetin e vendit.

Regjistrimi tronditës i senatorit republikan: “Trumpi është paguar nga Putini”

“Mendoj se Putini paguan Trumpin”. Një frazë tronditëse e thënë në qershor 2016, në mesin e fushatës elektorale, nga udhëheqësi i shumicës republikane në Capitol, Kevin McCarthy, sipas asaj që shkruan Uashington post.

Një pohim i bërë gjatë një bisede në Capitol Hill me disa deputetë republikanë, për të cilin ekziston dhe një regjistrim që është dëgjuar dhe verifikuar nga e përditshmja.

Ndërkohë presidenti amerikan është hedhur në sulm: “Me të gjithë aktet e paligjshëm që janë bërë në fushatën elektorale të Clintonit – ka shkruar në Twitter pas emërimit të Robert Mueller si komisioner special për Russiagate – dhe në administratën Obama, nuk është emëruar asnjëherë një komisioner special”. /Bota.al/

Trumpi niset në turneun e tij të parë të jashtëm

Presidenti i Shteteve të Bashkuara, Donald Trump, sot niset në turneun e tij të parë të jashtëm, derisa Uashingtoni është i përfshirë nga një krizë e thellë lidhur me hetimin për lidhjet e ndihmësve të presidentit me zyrtarët e Rusisë.

Administrata Trump shpreson se vizatat në Arabinë Saudite, Izrael, Itali, Vatikan dhe Bruksel, do t’i ndihmojnë zotit Trump, për t’i përforcuar lidhjet e afërta të Shteteve të Bashkuara me aleatët kryesorë, veçanërisht në Lindjen e Mesme.

Pritet që gjatë turnueut të tij, presidenti Trump do të takohet edhe me presidentin e Autoritetit Palestinez, Mahmoud Abbas, dhe me Papën Françesk në Vatikan.

Në Bruksel, zoti Trump do të takohet me kolegët nga vendet anëtare të NATO-s.

“Trumpi nuk do ta zhvendosë ambasadën nga Tel Avivi në Jerusalem”

“Administrata amerikane konsideron se në këtë moment nuk do të ishte hap i mençur që të zhvendoset ambasada dhe Jerusalemi të njihet si kryeqytet i Izraelit”

WASHINGTON – Sipas një burimi të paemëruar në Shtëpia e Bardhë, mediat amerikane lajmërojnë se presidenti amerikan Donald Trump nuk ka ndërmend të zhvendos ambasadën e SHBA-ve në Izrael nga Tel Avivi në Jerusalem dhe se kjo do të jetë edhe një nga premtimet e tij të parealizuara zgjedhore.

Duke mbajtur identitetin e zyrtarit të Shtëpisë së Bardhë, shtëpia mediale Bloomberg bëri të ditur se administrata amerikane konsideron se në këtë moment nuk do të ishte hap i mençur që të zhvendoset ambasada dhe Jerusalemi të njihet si kryeqytet i Izraelit.

“Ne qartë të gjitha palëve u kemi treguar qëndrimin tonë dhe çka do të dëshironim të ndodh, por sigurisht se nuk dëshirojmë të provokojmë askënd, meqë të gjithë janë miqësor dhe të gatshëm për bashkëpunim”, tha zyrtari i paemëruar.

Gjatë fushatës parazgjedhore të vitit të kaluar Trump premtoi se do të zhvendos ambasadën e këtij vendi nga Tel Avivi në Jerusalem, ndërsa zëvendëspresidenti amerikan Mike Pence në fillim të muajit prill deklaroi se Trump seriozisht është duke shqyrtuar këtë hap.

Ndonëse Kongresi amerikan që në vitin 1995 miratoi vendimin për zhvendosjen e ambasadës amerikane nga Tel Avivi në Jerusalem, tre presidentë amerikanë Geroge W. Bush, Bill Clinton dhe Barack Obama anuluan ekzekutimin e vendimit për shkak të ruajtjes së interesit nacional në rajon duke mos dashur që në mënyrë shtesë të kërcënojnë procesin paqësor në Lindjen e Mesme.

Kryeministri i Izraelit Benjamin Netanyahu deklaroi në fillim të vitit se pret që ambasadat e të gjitha shteteve të zhvendosen nga Tel Avivi në Jerusalem, për të cilin tha se është kryeqyteti i Izraelit.

Bashkësia ndërkombëtare nuk pranon pretendimet e Izraelit mbi Jerusalemin si kryeqytet të këtij vendi dhe se shumica e ambasadave janë të vendosura në Tel Aviv. Pjesa më e madhe e liderëve palestinezë ka paralajmëruar se zhvendosja e ambasadës amerikane do të thoshte “miratim të politikës okupuese izraelite”. aa

Shtëpia e Bardhë kërcënon me tërheqje nga NATO

Një zyrtar i Shtëpisë së Bardhë tha se presidenti i Shteteve të Bashkuara, Donald Trump, është “i kënaqur” me zotimet e aleatëve të NATO-s për të rritur shpenzimet në mbrojtje, por paralajmëroi se ai do të tërhiqet nga aleanca nëse aleatët nuk i përmbushin premtimet.

“Ai nuk do të mbetet në NATO nëse NATO nuk bën më shumë përparim së shpejti”, tha zyrtari amerikan.

Muajin e kaluar, Trump ka thënë se aleanca nuk është më “organizatë e vjetruar”. Gjatë fushatës zgjedhore, ai ka kritikuar shpesh aleatët e NATO-s, duke thënë se nuk bëjnë sa duhet për mbrojtjen dhe për të luftuar terrorizmin.

Në përgjigje, të gjitha vendet e NATO-s i janë bashkuar koalicionit që lufton grupin militant Shteti Islamik në Siri dhe Irak.

Trump do të takojë liderët e tjerë të NATO-s në një samit në Bruksel më 25 maj.

Fushata e Trumpit ka pasur “18 kontakte të pazbuluara” me Rusinë

Agjencia e lajmeve Reuters raportoi se këshilltarë të fushatës zgjedhore të presidentit amerikan, Donald Trump, kanë qenë në kontakt me zyrtarët rusë dhe të tjerë në Kremlin në së paku 18 thirrje dhe mesazhe elektronike, gjatë shtatë muajve të fundit të garës presidenciale më 2016.

Duke cituar zyrtarë dhe ish-zyrtarë amerikanë, Reuters tha se shkëmbimet janë pjesë e materialit që po shqyrtohet nga hetuesit që hetojnë ndërhyrjen e dyshuar të Rusisë në zgjedhje dhe marrëveshjet e mundshme midis Moskës dhe fushatës së Trumpit.

Gjashtë nga kontaktet e pazbuluara më parë, kanë qenë thirrje telefonike midis ambasadori rus në SHBA, Sergei Kislyak, dhe këshilltarëve të Trumpit, përfshirë ish-këshilltarin për siguri kombëtare, Michael Flynn, raportoi Reuters.

FBI dhe Kongresi janë duke bërë hetime të ndara të akuzave.

Më 17 maj, ish-drejtori i FBI-së, Robert Mueller, është emëruar këshilltar i posaçëm për mbikëqyrjen e hetimeve të agjencisë.

Emërimi është bërë pas rritjes së kërkesave për hetim të pavarur.

Yee paralajmëron për “ndikim malinj” të Rusisë në Ballkan

Zëvendësi i ndihmëssekretarit amerikan të Shtetit, Hoyt Brian Yee.

 

Zyrtari i lartë i Departamentit amerikan të Shtetit, Hoyt Brian Yee, paralajmëroi se Rusia ka rritur përpjekjet e saj për të ndikuar politikën në Ballkan.

Duke folur para një nënkomiteti të SHBA-së për marrëdhënie me jashtë, zëvendësi i ndihmëssekretarit amerikan të Shtetit tha se shumë vende të Ballkanit, si Shqipëria dhe Mali i Zi, duan integrim më të thellë me Perëndimin dhe Uashingtoni i mbështet ato.

Por, shtoi Yee, Moska përpiqet ta parandalojë një gjë të tillë me mjete financiare dhe politike.

Yee e cilësoi këtë si “ndikim malinj” të Rusisë.

„Tensionet etnike në Ballkan sërish janë rritur. Dhuna e e fundit në Maqedoni shpërfaqë seriozitetin e problemeve të tyre politike. Meqë përparimi në dialogun ndërmjet Serbisë dhe Kosovës është ndalur, stabiliteti në Ballkan është luhatur pa reforma strukturore të domosdoshme. Bosnjë e Hercegovina është në rrezik që të shndërrohet në një shtet të dështuar. Gjithandej rajonit nacionalizmi po rritet kurse retorika e politikanëve po krijon ndasi. Nga gazi lotsjellës në Kuvendin e Kosovës deri tek sfidimi i Republikës Serbe me autoritetet në Gjykatën Kushtetuese të BeH, politikanët nacionalistë hapur po testojnë normat dhe institucionet demokratike”, tha Yee.

Duke folur para nën komitetit për politikë të jashtme, zëvendës ndihmës sekretari amerikan i shtetit, Hoyt Yee tha se “Shteti Islamik i Irakut dhe Levantit (ISIS) dhe grupet e tjera të dhunshme kanë pasur sukses në rekrutimin e luftëtarëve dhe përkrahësve në Ballkan.

“Përfundimisht, Rusia po punon intensivisht në rrënimin e përparimit në Ballkan. Nga përpjekja e hapur që të rrënojë Qeverinë në Podgoricë, deri tek mbështetja më suptile e retorikës secesioniste në Bosnjë, Rusia po provon që të ndal përparimin drejt BE-së dhe NATO-s, kurdo që të mundet”, tha Yee.

„Në Bosnjë, posaçërisht në Republikën Serbe ekziston një interes i fortë dhe përpjekjet e Rusisë që të forcojë ndikimin përmes Qeverisë së RS edhe përmës rrugëve financiare por edhe përmes mjeteve politike. Ku e shohim ndikimin malinj të Rusisë është posaçërisht përmes trimërimit nga ana e Federatës Ruse publikisht dhe mund ta mendojmë se si bëhet fshehtas, të planeve secesioniste dhe hapave të politikanëve të caktuar që të ndahen nga Bosnjë e Hercegovina, që do të ishte shkelje e marrëveshjes së Deytonit. Kjo, sipas mendimit tonë, do të ishte tmerrësisht destabilizuese dhe do të kthente prapa përpjekjet shumëvjeçare në stabilizimin e BeH dhe rrugën e saj drejt BE-së dhe NATO-s”, tha Yee.

Në pyetjen se cilat sipas mendimit të tij janë qëllimet e Kremlinit në rajon, zëvendës ndihmës sekretari amerikan i shtetit tha:

„Do të ishte shumë e vështirë që të parashikohet ose t’i lexohen mendimet Vladimir Putinit, por mund të them se nab ëhet sikur në bazë të përpjekjeve muajve të fundit në rajon, kanë tentuar që të rrisin ndikimin, kanë provuar që të kthejnë prapa nga orientimi drejt institucioneve perëndimore, BE-së dhe NATO-s, dhe sa më shumë të krijojnë varësi të këtyre shteteve nga Rusia”.

“Sipas mendimit tim, nuk bëhet fjalë për një strategji të madhe, por më parë për një qasje oportuniste, sit ë dobësohen qeveri të caktuara që kanë synime perëndimore me qëllim që shteti të bëhet sa më shumë i varur dhe sa më miqësor me Rusinë. Këtu është edhe interesi komercial, për shembull në fushën e energjetikës, që të rritet varësia në Evropë dhe në Ballkan nga burimet ruse”, tha Yee

Hoyt Yee tha se shumë vende në Ballkan, si Shqipëria dhe Mali i Zi, kanë synime të integrimeve më të thella në institucinet perëndimore, siç janë Bashkimi Evropian dhe NATO, dhe Washingtoni vazhdon t’i përkrah në këto synime. Duke qëndruar e angazhuar në Ballkan, SHBA-ja siguron qëndrueshmërinë e BE-së dhe të SHBA-së.

Kur bëhet fjalë për luftën kundër terrorizmit, Yee tha se SHBA-ja në vendete rajonit ka partner të fuqishëm por atyre iu duhet ndihma.

„Bashkëpunimi i shkëlqyeshëm rajonal me Maqedoninë, Shqipërinë dhe Kosovën ka parandaluar sulmin e planifikuar terrorist në periudhën e ndeshjes futbollistike të Shqipërisë me Izraelin, në Shkodër në nëntor të vitit të kaluar. Këto shtete në Ballkan mund të na ndihmojnë vetëm nëse kanë stabilitet politik dhe nëse në rajon ka paqe. Vazhdojmë të punojmë në këtë drejtim por duhet bërë më shumë”, tha zëvendës ndihmës sekretari amerikan i shtetit, Hoyt Brian Yee

SHBA: Emërohet prokuror i posaçëm për çështjen e ndërhyrjes së Rusisë në zgjedhje

Departamenti amerikan i Drejtësisë emëroi të mërkurën ish-drejtorin e FBI-së Robert Mueller si prokuror të posaçëm për të mbikqyrur hetimet rreth bashkëpunimit të mundshëm midis Rusisë dhe ekipit të fushatës së zotit Trump gjatë zgjedhjeve presidenciale të vitit 2016.

Emërimi i zotit Mueller vjen në klimën e kërkesave në rritje nga ana e demokratëve që këto hetime me ngarkesë të madhe politike, të drejtohen nga një person jashtë Departamentit të Drejtësisë.

Presidenti Donald Trump u shpreh se një hetim i plotë do të konfirmojë atë që ai thotë se është tashmë e ditur: se nuk ka patur asnjë bashkëpunim midis ekipit të fushatës së tij presidenciale dhe ndonjë entiteti të huaj.

Ai i bëri komentet të mërkurën vonë, pasi Departamenti i Drejtësisë njoftoi emërimin e ish drejtorit të FBI-së Robert Mueller për të mbikqyrur hetimin.

Zoti Trump tha në një deklaratë me shkrim se ai pret që “kjo çështje të përfundojë shpejt”.

Zëvendës Prokurori i Përgjithshëm Rod Rosenstein tha se vendimi i tij për të emëruar një këshilltar të posaçëm – i njohur edhe si prokuror i posaçëm – nuk nënkupton se “ekzistojnë fakte për ndonjë vepër penale apo se ndjekja ligjore është e justifikuar.”

Vendimi për emërimin e prokurorit të posaçëm vjen pas njoftimeve të ditës së martë se drejtori i shkarkuar i FBI-së, James Comey, kishte shkruar në një shënim se Presidenti Trump, në një takim që kishte patur me të në Zyrën Ovale në muajin shkurt, i kishte kërkuar të mbyllte një hetim mbi ish-këshilltarin e sigurimit kombëtar Michael Flynn. Shtëpia e Bardhë e ka mohuar këtë version.

Zoti Mueller u emërua drejtor i FBI-së në vitin 2001. Ai e drejtoi FBI-në në periudhën pas sulmeve terroriste të 11 shtatorit dhe doli në pension në vitin 2013.

Departamenti i Drejtësisë tha se për të marrë përsipër detyrën e prokurorit të posaçëm, zoti Mueller dha dorëheqjen nga puna që bënte deri tani në një firmë ligjore private.

Ligjvënësi republikan: FBI të dorëzojë dokumentin e ish-drejtorit Comey

Një ligjvënës republikan me peshë i ka kërkuar FBI-së që të dorëzojë çdo dokument që mund të ketë në lidhje me pohimin e ish-drejtorit James Comey se Presidenti Donald Trump i kishte kërkuar që të ndërpriteshin hetimet për ish këshilltarin e sigurisë kombëtare, Michael Flynn. Ndërkohë një numër në rritje republikanësh në Kongres së bashku me demokratët kanë bërë thirrje për një prokuror apo komision të posaçëm për të analizuar lidhjet mes presidentit Trump apo këshilltarëve të tij me Rusinë.

Në një letër për drejtorin në detyrë të FBI-së, Andrew McCabe, kreu i Komisionit të Mbikqyrjes në Dhomën e Përfaqësuesve, Jason Chaffetz kërkoi që të gjitha materialet që kishin të bënin me zotin Comey dhe Presidentin Trump të viheshin në dispozicion të komisionit deri më 24 maj. Gazeta “The New York Times” ishte e para që njoftoi mbrëmë se se zoti Comey në shënimet e tij për takimin me presidentin Trump kishte shkruar se presidenti i kishte kërkuar një ditë pasi zoti Flynn dha dorëheqjen në shkurt që FBI-ja të mbyllte hetimet.

“Nëse është e nevojshme, unë mendoj se duhet t’i thërrasim me detyrim ligjor që t’i dorëzojnë, por shpresoj që t’i japin vullnetarisht materialet. Por kur presidenti mesa duket e ka pranuar vetë që ishte folur për këtë temë, kur u diskutua nëse drejtori i FBI-së do të vazhdonte të ishte në detyrë, ndërsa zoti Flynn ishte subjekt hetimi, në kontekstin e njoftimeve nga ish drejtori i FBI-së dhe kolegët e tij se atij i ishte kërkuar të tregonte besnikëri ndaj presidentit dhe tani me akuzat e fundit se presidenti në thelb i ka kërkuar që të ndërpresë hetimin për Michael Flynn-in, kupa duket se është mbushur.”

Presidenti Trump e shkarkoi papritur zotin Comey javën e kaluar duke shkaktuar debate të shumta politike dhe thirrje për një prokuror të posaçëm apo komision të pavarur që të hetojë ndërrhyrjen ruse në zgjedhjet presidenciale të nëntorit, veçanërisht lidhjet e mundshme mes Rusisë dhe zyrtarëve të fushatës së presidentit.

Zoti Flynn dha dorëheqjen pas njoftimeve se Departamenti i Drejtësisë kishte paralajmëruar Shtëpinë e Bardhë se ish-gjenerali mund të ishte i ekspozuar ndaj shantazheve për kontaktet e tij me ambasadorin rus Sergey Kislyak para se zoti Trump të merrte detyrën.

Disa analistë ligjorë kanë argumentuar se një kërkesë e tillë nga presidenti mund të konsiderohej pengim i drejtësisë, një shkelje që mund të sjellë si rezultat kërkesën për fillimin e procedurave të shkarkimit të presidentit nga Kongresi.

Shtëpia e Bardhë nxorri një deklaratë dje ku mohonte që zoti Trump t’i kishte kërkuar zotit Comey apo dikujt tjetër që të ndërpriste hetimin e zotit Flynn.

Ky është i fundit mes debateve që kanë shoqëruar admnistratën e re që është përballur gjithashtu me pasojat e njoftimeve që lënë të kuptohet se zoti Trump u kishte dhënë informacion sekret zyrtarëve rusë javën e kaluar, përfshirë ambasadorin Kislyak.

SHBA, Lirohet nga burgu Chelsea Manning

Chelsea Manning, që gjatë shërbimit ushtarak në 2010 i dha Wikileaks mbi 700 mijë dokumente sekrete ushtarake dhe diplomatike, u lirua të mërkurën nga burgu pasi vuajti shtatë vjet nga dënimi me 35 vjet burgim.

Ndër dokumentet e nxjerra kishte raporte nga lufta në Irak dhe Afganistan, si dhe komunikime të Departamentit të Shtetit. Kritikët thanë se me këtë akt u nxorën disa nga sekretet më delikate të SHBA dhe u vunë në rrezik jetët e atyre që përmendeshin në dokumente për punën në ndihmë të trupave amerikane.

Ish-presidenti Barak Obama e reduktoi dënimin për Manning, duke caktuar të mërkurën si ditë për lirimin e saj.

Në 2010, kur u bë publikimi i dokumenteve akti u krye nga ushtari Bradley Manning, por gjatë dënimit me burgim Manning deklaroi se kishte prirje transgjinore dhe tani prezantohet si grua, me emrin Chelsea Manning.

Ajo thotë se kishte vepruar e nxitur nga “shqetësimet për vendin tim” për civilët e pafajshëm që vdiqën në luftra dhe me synimin për të nxitur “transparencë dhe përgjegjshmëri në institucionet publike”.

Ajo u shpall fajtore nga një gjykatë ushtarake lidhur me 20 akuza, përfshirë shkelje të ligjit për spiunazh, vjedhje dhe mashtrim dixhital. Ky vendim mbetet në fuqi dhe Manning ka thënë se synon ta apelojë.

Ajo shprehu kundërshtim ndaj dënimin të gjatë, që tejkalonte çdo dënim të dhënë më parë për akte të tilla. Avokatët e saj thanë se Chelsea Manning ishte bërë objekt dhune në burg dhe se ushtria e kishte keqtrajtuar duke e bërë të vuante dënimin në një burg për meshkuj dhe duke ia kufizuar qasjen në klinika për nevoja fizike dhe mendore.

“Tani do të shijoj përsëri lirinë me miq dhe njerëz të dashur, pas afro shtatë vjet që kalova pas mureve prej betoni dhe hekurave të burgut, pas periudhave në izolim dhe pas kufizimeve në kujdes shëndetësor dhe autonomi, përfshirë edhe prerjen e flokëve me detyrim”. Ajo shprehu mirënjohje për Presidentin Obama, ekipin e mbrojtjes në gjyq dhe përkrahësit e saj.

Deri të mërkurën ishin grumbulluar rreth 150 mijë dollarë përmes një fondi me donacione për të mbështetur Chelsea Manning të përballojë jetesën pas lirimit nga burgu.

Erdogani dhe Trumpi riafirmojnë luftën e përbashkët kundër terrorizmit

“Është legjendar guximi i turqve në luftë”, tha Trump, duke theksuar më tej se edhe sot ekziston rrezik i ri nga terrorizmi, ndaj të cilit do të vazhdojnë të luftojnë së bashku

WASHINGTON – Presidenti i Republikës së Turqisë, Recep Tayyip Erdogan dhe presidenti i SHBA-ve, Donald Trump, pas takimit të zhvilluar në Shtëpinë e Bardhë në një konferencë të përbashkët për media shprehën nevojën për luftën e përbashkët kundër organizatave terroriste, në veçanti kundër DEASH-it.

Presidenti Erdoğan dhe homologu i tij amerikan, Donald Trump, pas takimit kokë më kokë në Zyrën Ovale në Shtëpinë e Bardhë kanë mbajtur një deklaratë të përbashkët për shtyp. Erdoğan i ka përcjellë falënderimet presidentit Trump dhe ekipit të tij për interesin e treguar ndaj tij dhe delegacionit.

Duke i shprehur Trumpit urimet për fitoren e arritur në zgjedhje, Erdoğan, ka theksuar se në takimin me presidentin Trump kanë diskutuar për situatën aktuale të marrëdhënieve Turqi-SHBA, që bazohet rrënjësisht në të kaluarën dhe e cila ka një qasje në nivel partneriteti strategjik.

Pasi ka vënë në dukje se lidhjet mes Turqisë dhe SHBA-ve janë zhvilluar në bazë të vlerat demokratike dhe interesave të përbashkëta, Erdoğan është shprehur “Mbajtja e marrëdhënieve tona mes nesh të forta krahas interesave tona të përbashkëta është e rëndësishme për paqen dhe stabilitetin global. Në këtë periudhë të trazuar që po kalohet në rajonin tonë ka fituar rëndësi shumë më të madhe se çdo herë bashkëpunimi i afërt që do të tregojnë kryesisht dy vendet”.

“Jemi të vendosur për të rritur edhe më tej dialogun dhe solidarizimin tonë” 

Erdoğan, ka theksuar se Turqia me SHBA-në janë në bashkëpunim të afërt brenda institucioneve kyçe si OKB, NATO dhe G20 dhe ka shtuar më tej se, “Në proceset në vijim kryesisht në këto platforma dhe në çdo fushë jemi të vendosur të rritim edhe më tej dialogun dhe solidarizimin tonë. Në të vërtetë, unë besoj se kjo vizitë do të përbëjë një pikë kthese në historinë tonë në këtë drejtim”.

“Në të ardhmen e rajonit tonë nuk ka vend për organizatat terroriste” 

Ndër të tjera duke bërë të ditur se janë në të njëjtin mendim për rritjen e bashkëpunimit mes dy vendeve në fushat si ekonomia, tregtia, investime, energji dhe në industrinë e mbrojtjes, Erdoğan, ka vazhduar më tej:

“Paraqet një rëndësi të madhe vendosja e një solidariteti të përbashkët kundër të gjitha organizatave terroriste në rajonin tonë, kryesisht DEASH-it. Jemi të vendosur të luftojmë pa dallim kundër organizatave terroriste që kërcënojnë të ardhmen tonë të përbashkët. Në të ardhmen e rajonit tonë nuk ka vend për organizatat terroriste. Posaçërisht është e papërshtatshme sipas mirëkuptimit global që cilido shtet të marrë në konsideratë organizatën terroriste YPG/PYD. Në të njëjtën mënyrë nuk duhet të lejojmë ata të cilët dëshirojnë të ndryshojnë strukturën etnike dhe besimit në rajon nën pretekstin e aktiviteteve të organizatave terroriste. Herët apo vonë do të humbasin ata që dëshirojnë të kthejnë në mundësi kaosin në Siri, Irak, Jemen dhe Libi. Solidarizimi dhe bashkëpunimi i afërt i dy aleatëve është i mjaftueshëm për të mundur rrjetin vrastar me duar të përgjakura. Ashtu sikundër e kam theksuar edhe më parë do t’i shprehem qartë të nderuarit president në lidhje me pritshmëritë tona në lidhje me çështjen e organizatës terroriste FETO e cila është autori i tentativës për grusht shteti më 15 korrik”.

“E gjejmë me vend qëndrimin pas sulmit të fundit kimik”

Pasi ka theksuar se në takim kanë vlerësuar hapat e përbashkët që mund të hidhen në Siri dhe Irak, presidenti Erdoğan, tha se: “Fitorja e zgjedhjeve nga Trump ka sjellë lindjen e pritshmërive të reja, çeljen e filizave të shpresës në rajonin ku ndodhet Turqia. Ne besojmë se qeveria e re e SHBA-ve nuk do të nxjerrë boshe këto shpresa. E gjejmë goxha me vend qëndrimin pas sulmit të fundit kimik nga regjimi i Asadit në Siri. Shpresojmë se do të vijë vazhdimësia e hapave që do të rikuperojnë gabimet e përjetuara në të kaluarën në çështjen e luftës parimore dhe të vendosur kundër organizatave terroriste”.

Duke theksuar se bashkëpunimi Turqi-SHBA është shumë i rëndësishëm në vendosjen e stabilitetit dhe sigurisë rajonale, Erdoğan, është shprehur se, “Kam besimin se me të nderuarin Trump jemi në një vendosmëri për intensifikimin e takimeve tona dhe për vazhdimësinë në mënyrë të vendosur të bashkëpunimit tonë. Uroj që themelet e hedhura sot për periudhën e re të shërbejnë për të mirën e vendeve tona”.

“Në periudhën më të afërt dëshiroj të shpreh kënaqësinë të pres personalisht presidentin dhe familjen e tij në vendin tim”, tha Erdoğan, duke shprehur falënderimet për ftesën dhe mikpritjen.

Trump: Mbështesim Turqinë në luftën kundër grupeve terroriste

Presidenti i SHBA-ve, Donald Trump, në konferencën e përbashkët për media në Shtëpinë e Bardhë pas takimit me presidentin e Republikës së Turqisë, Recep Tayyip Erdoğan, ka thënë se mbështesin Turqinë në luftën kundër grupeve terroriste dhe se pret me padurim të bashkëpunojë me homologun turk Erdoğan në arritjen e paqes në Lindjen e Mesme dhe për të luftuar kundër rreziqeve.

Trump ka theksuar se mes SHBA-ve dhe Turqisë ekzistojnë marrëdhënie të thella që datojnë nga e kaluara e largët, si dhe ka shtuar se nuk e harrojnë faktin që ushtarët turq kanë luftuar së bashku me ato amerikanë gjatë Luftës së Koresë dhe se Turqia ka qëndruar kundër ekspansionizmit komunist dhe sovjetik.

“Është legjendar guximi i turqve në luftë”, tha Trump, duke theksuar më tej se edhe sot ekziston rrezik i ri nga terrorizmi, ndaj të cilit do të vazhdojnë të luftojnë së bashku.

“Populli turk në vitet dhe kohët e fundit është përballur me sulme të tmerrshme terroriste. Ne shprehim ngushëllimet tona për viktimat e këtyre sulmeve dhe i ofrojmë mbështetjen tonë popullit turk. Japim mbështetje për Turqinë në luftën kundër grupeve terroriste si PKK dhe DEASH dhe i ofrojmë siguri që të mos u lihet hapësirë e sigurtë grupeve terroriste”, ka deklaruar më tej Trump.

Trump theksoi se pret me padurim të bashkëpunojë me homologun turk në arritjen e paqes në Lindjen e Mesme dhe për të luftuar kundër rreziqeve të përbashkëta.

“Pres me padurim të bashkëpunoj me presidentin Erdoğan në arritjen e paqes dhe sigurisë në Lindjen e Mesme, në luftën kundër rreziqeve të përbashkëta dhe për një të ardhme dinjitoze për tërë njerëzimin”, ka thënë presidenti amerikan Trump.

Ndërkaq, lidhur me bashkëpunimin ekonomik me Turqinë, Trump potencoi se dëshirojnë t’i forcojnë lidhjet ekonomike dhe tregtare mes dy shteteve. Ai shprehu bindjen se marrëdhëniet mes dy vendeve mund të rindërtohen mbi themele ekonomike në një mënyrë që do të ishte në interesin e dy vendeve.

Trump ka shprehur vlerësime për përpjekjet e Turqisë në ndalimin e masakrave tmerruese në Siri, duke shprehur mbështetje për, siç tha, “çdo hap që zvogëlon dhunën në Siri dhe mundëson zgjidhje paqësore”.

Simpatizantët e PYD/PKK-së u lejuan të protestojnë para Shtëpisë së Bardhë

Teksa zhvillohej takimi Erdoğan-Trump, një grup simpatizantësh të PYD/PKK-së protestuan kundër takimit para Shtëpisë së Bardhë duke hedhur slogane në favor të oganizatës terroriste. Ndërkaq, vëmendje tërhoqi sjellja e ashpër e policisë ndaj disa qytetarëve turq që reaguan ndaj grupit të protestuesve.

Simpatizantët e organizatës terroriste mbanin në duar posterë të kreut të organizatës terroriste Abdullah Öcalan.

Nga ana tjetër, një grup qytetarësh turq që po ashtu u mblodhën para Shtëpisë së Bardhë në shenjë mbështetjeje ndaj presidentit Erdoğan reaguan ndaj simpatizantëve të terrorit. Gjatë ndërhyrjes, policia tërhoqi vëmendjen me sjelljen e ashpër ndaj qytetarëve turq dhe përfaqësuesve të mediumeve.

Policia ka trajtuar me ashpërsi kameramanin e AA-së dhe ka kërkuar që qytetarët turq ta braktisin parkun Lafayyete para Shtëpisë së Bardhë, teksa lejoi që simpatizantët e organizatës terroriste të vazhdonin të protestonin në park.

Protesta që u zhvillua nën masa të rrepta policore vazhdoi gjatë kohës së mbajtjes së takimit.aa

Shtëpia e Bardhë mohon njoftimet se Presidenti i kërkoi zotit Comey të mbyllte hetimet rreth çështjes Flynn

Sipas lajmeve të publikuara në shtypin amerikan, Presidenti Donald Trump i kërkoi në muajin shkurt ish-drejtorit të FBI-së James Comey të mbyllte një hetim mbi lidhjet e këshilltarit të shkarkuar të sigurisë kombëtare Michael Flynn me Rusinë, por Shtëpia e Bardhë tha se njoftimet nuk ishin të vërteta.

Sipas njoftimeve, Presidenti Trump ia bëri kërkesën zotit Comey gjatë një takimi vetëm për vetëm në Zyrën Ovale. Sipas një shënimi që zoti Comey mbajti pas takimit, siç raportojnë mediat, presidenti i tha: “Shpresoj se ju mund ta lini këtë çështje të kalojë”, duke iu referuar hetimeve rreth zotit Flynn.

Hollësitë e shënimeve të zotit Comey u njoftuan për herë të parë nga gazeta New York Times dhe më pas u konfirmuan nga Washington Post dhe media të tjera.

Në një deklaratë të bërë më pas nga Shtëpia e Bardhë thuhej se njoftimet nuk ishin “një portretizim i vërtetë ose i saktë i bisedës midis presidentit dhe zotit Comey”. Në të thuhej se presidenti vërtet kishte shprehur në mënyrë të përsëritur pikëpamjen e tij se zoti Flynn është “njeri i mirë”, ai në asnjë rast nuk i kërkoi zotit Comey apo ndonjë tjetri të mbyllte ndonjë hetim që kishte lidhje me këshilltarin e sigurimit kombëtar.

Presidenti Trump e shkarkoi zotin Flynn në muajin shkurt, pasi këshilltari i sigurisë kombëtare nuk u tregoi të vërtetën zyrtarëve të lartë të Shtëpisë së Bardhë rreth kontakteve të tij me Rusinë.

Dorëheqja e zotit Flynn erdhi pak orë pas njoftimeve se Departamenti i Drejtësisë e kishte paralajmëruar qysh më parë Shtëpinë e Bardhë se këshilltari i sigurimit kombëtar mund të bëhej objekt shantazhesh për shkak të kontakteve të tij me ambasadorin rus Sergej Kislyak përpara se zoti Trump të merrte detyrën më 20 janar.

Një zëdhënëse e FBI-së nuk pranoi të komentojë mbi hollësitë e shënimeve të zotit Comey.

Trumpi u përgjigjet kritikëve: Synimi ishte të ndaheshin “fakte rreth terrorizmit”

Pas njoftimeve se Presidenti Donald Trump kishte nxjerrë informacione tepër sekrete në bisedimet me zyrtarët rusë gjatë një takimi në Zyrën Ovale, ai komentoi sot në Twitter se synimi i tij ishte të ndante “fakte që kishin të bënin me terrorizmin dhe sigurinë e fluturimeve ajrore” si dhe të nxiste Rusinë që të ndërmarrë më shumë veprime kundër grupit Shteti Islamik.

Komentet ishin me sa duket një përpjekje për t’iu përgjigjur njoftimeve që u publikuan dje vonë, së pari nga gazeta Washington Post dhe më pas nga media të tjera. Zoti Trump tha gjithashtu se si president ai ka “të drejtën absolute” për të ndarë informacione të tilla.

Këshilltari i Sigurimit Kombëtar amerikan, H.R. McMaster dhe anëtarë të tjerë të administratës Trump mohuan njoftimet e mediave se presidenti zbuloi informacione tepër sekrete kur ishte duke biseduar me zyrtarët rusë në Zyrën Ovale.

Njoftimi “është i rremë”, u tha zoti McMaster gazetarëve në Shtëpinë e Bardhë të hënën mbrëma. “Asnjëherë nuk u diskutua për burime apo metoda zbulimi dhe presidenti nuk foli për ndonjë operacion ushtarak që nuk ishte i njohur publikisht,” shtoi ai.

“Unë isha vetë atje dhe asgjë e tillë nuk ndodhi”, përfundoi gjeneral McMaster, para se të hynte përsëri në krahun perëndimor të Shtëpisë së Bardhë pa iu përgjigjur pyetjeve të gazetarëve.

H.R. McMaster flet për gazetarët

H.R. McMaster flet për gazetarët

Tillerson mbështet gjeneralin McMasters

Sekretari i Shtetit Rex Tillerson, i cili tha se ishte gjithashtu i pranishëm në takimin e 10 majit me ministrin e jashtëm dhe ambasadorin rus, mbështeti përshkrimin që zoti McMaster u bëri bisedimeve. Ai tha në një deklaratë se “u diskutua një gamë e gjerë temash, ndër të cilat ishin përpjekjet e përbashkëta dhe kërcënimet përsa i përket luftës kundër terrorizmit”.

Disa media amerikane njoftuan se presidenti, në takimin e Zyrës Ovale, zbuloi informacione që shihen si tepër sekrete.

Sipas njoftimeve të gazetave Washington Post, New York Times dhe mediave të tjera, informacioni i nxjerrë nga zoti Trump mund të vinte në rrezik një burim zbulimi me rëndësi të madhe lidhur me grupin Shteti Islamik si dhe mënyrën me të cilën ishte siguruar ai informacion.

Në SHBA, presidenti ka kompetencën të deklasifikojë pothuajse çdo informacion, prandaj ajo që bëri zoti Trump nuk duket të jetë diçka e paligjshme. Por zyrtarët e zbulimit, të cituar nga gazetat, shprehën shqetësimin se informacioni, i siguruar nga një qeveri partnere me SHBA, mund të dëmtojë disa marrëdhënie të rëndësishme.

Agjencia Qendrore e Zbulimit dhe Agjencia e Sigurisë Kombëtare, të kontaktuara nga Zëri i Amerikës, nuk pranuan të bëjnë komente.

Alarm nga selia e Kongresit

Sipas gazetës Washington Post, në takimin me Ministrin e Jashtëm rus Sergej Lavrov dhe Ambasadorin Sergej Kislyak, Presidenti Trump me sa duket po lëvdohej rreth informacioneve të brendshme që kishte për një kërcënim të afërt me të cilin përballet aviacioni.

Informacioni, i cili shihej si tepër sensitiv, nuk ishte ndarë madje as brenda qeverisë amerikane dhe as me aleatët e SHBA, sipas gazetës New York Times.

Njoftimet u bënë menjëherë shkak për alarm mes ligjvënësve të të dyja partive në selinë e Kongresit.

“Jam i tronditur nga njoftimet se Presidenti Trump u zbuloi informacione të klasifikuara diplomatëve rusë javën e shkuar. Kjo sigurisht ngre pyetje nëse Presidenti i njeh implikimet serioze që ka nxjerrja e një informacioni të tillë të ndjeshëm përpara një kundërshtari”, tha ligjvënësi Eliot Engel, numri dy i komisionit të Dhomës së Përfaqësuesve për Punët e Jashtme. “Do të takohem këtë javë me Këshilltarin e Sigurisë Kombëtare McMaster në një sesion të klasifikuar dhe do të kërkoj përgjigje për atë që u zbulua dhe si mund ta ketë dëmtuar kjo sigurinë kombëtare amerikane,” tha ligjvënësi.

Senator Mark Warner

Senator Mark Warner

“E pafalshme”

Nënkryetari i Komisionit të Senatit për Zbulimin, demokrati Mark Warner, tha në Twitter se “vënia në rrezik e burimeve dhe metodave është e pafalshme, veçanërisht me rusët”.

Komentet e zotit Trump, nëse janë të vërteta, janë një “shuplakë në fytyrë” për komunitetin amerikan të zbulimit, shtoi senatori Warner.

“Shtëpia e Bardhë duhet të bëjë diçka shpejt për ta vënë veten nën kontroll dhe rregull”, u tha gazetarëve kryetari i Komisionit të Senatit për Marrëdhëniet me Jashtë, republikani Bob Corker. “Është e kuptueshme se ata janë tani në një spirale që shkon në rënie, prandaj duhet të gjejnë mënyrat për të riparuar atë që po ndodh,” tha senatori.

Njoftimet e medias vijnë në një kohë që Shtëpia e Bardhë mbetet e përfshirë në polemika për shkak të shkarkimit javën e kaluar nga presidenti të drejtorit të FBI-së, James Comey. Shkarkimi ndodhi një ditë para takimit me rusët në Zyrën Ovale.

FBI heton rreth lidhjeve me Rusinë

Byroja Federale e Hetimeve po heton rreth lidhjeve të dyshuara midis ekipit të fushatës presidenciale të zotit Trump dhe Rusisë.

Në një deklaratë të përbashkët, demokratët kryesorë në Komisionin e Dhomës për Mbikëqyrjen dhe Reformën Qeveritare si dhe në Komisionin Juridik të Dhomës, Elijah Cumming dhe John Conyers, kërkuan publikimin e çdo regjistrimi audio të takimit të zotit Trump me rusët javën e kaluar.

“Pas një jave të pashembullt, në të cilën shumë njerëz mendonin se ishte e pamundur që Presidenti Trump të tregohej më i papërgjegjshëm se aq, tani ai mund të ketë rënë në një nivel edhe më të rrezikshëm,” thuhej në deklaratë.​

Clinton formon një organizatë politike anti-Trump

Ish-kandidatja për presidente të SHBA-së, Hillary Clinton, nisi një organizatë të re politike, me synimin për të nxitur shtetasit amerikanë të përfshihen në politikë dhe të mbështesin grupet që kundërshtojnë administratën Trump.

Me organizatën “Së bashku përpara”, Clinton kthehet në arenën politike, pas humbjes nga republikani Donald Trump në zgjedhjet e nëntorit.

“Muajt e fundit, kam reflektuar, kam kaluar kohë me familjen dhe, po, kam ecur nëpër pyje”, tha Clinton, 69 vjeçe.

“Më shumë se kurrë, besoj se angazhimi i qytetarëve është jetik për demokracinë tonë. Jam e frymëzuar nga të gjithë ata që ngrihen për të organizuar dhe udhëhequr”, tha Clinton në një seri të postimeve në Twitter.

“Këtë vit nuk ka ndodhur ajo që kam parashikuar, por e di se për çfarë vazhdoj të luftoj: Një Amerikë më të mirë, me zemër më të madhe, më gjithëpërfshirëse. Përpara”, shkroi Clinton.

Ajo përmendi pesë grupe me prirje majtiste që do t’i mbështesë lëvizja e re.

Zëdhënësi i Komitetit Kombëtar Republikan, Michael Ahrens, e kritikoi lëvizjen e Clintonit.

“Nëse demokratët do të ishin të zgjuar, do ta kuptonin se është kohë për të lëvizur përpara pa Hillary Clintonin”, tha ai.

Shtëpia e Bardhë mohon se Presidenti Trump u tregoi rusëve informacion tepër sekret

President Donald Trump takohet me ministrin e Jashtëm rus Sergei Lavrov, majtas, dhe me ambasadorin rus në SHBA

Këshilltari i Sigurimit Kombëtar amerikan, H.R. McMaster dhe anëtarë të tjerë të administratës Trump mohuan njoftimet e mediave se presidenti zbuloi informacione tepër sekrete kur ishte duke biseduar me zyrtarët rusë në Zyrën Ovale.

Njoftimi i raportuar fillimisht nga gazeta Washington Post, “është i rremë”, u tha zoti McMaster gazetarëve në Shtëpinë e Bardhë të hënën mbrëma. “Asnjëherë nuk u diskutua për burime apo metoda zbulimi dhe presidenti nuk foli për ndonjë operacion ushtarak që nuk ishte i njohur publikisht,” shtoi ai.

“Unë isha vetë atje dhe asgjë e tillë nuk ndodhi”, përfundoi gjeneral McMaster, para se të hynte përsëri në krahun perëndimor të Shtëpisë së Bardhë pa iu përgjigjur pyetjeve të gazetarëve.

H.R. McMaster flet për gazetarët

H.R. McMaster flet për gazetarët

Tillerson mbështet gjeneralin McMasters

Sekretari i Shtetit Rex Tillerson, i cili tha se ishte gjithashtu i pranishëm në takimin e 10 majit me ministrin e jashtëm dhe ambasadorin rus, mbështeti përshkrimin që zoti McMaster u bëri bisedimeve. Ai tha në një deklaratë se “u diskutua një gamë e gjerë temash, ndër të cilat ishin përpjekjet e përbashkëta dhe kërcënimet përsa i përket luftës kundër terrorizmit”.

Disa media amerikane njoftuan se presidenti, në takimin e Zyrës Ovale, zbuloi informacione që shihen si tepër sekrete.

Sipas njoftimeve të gazetave Washington Post, New York Times dhe mediave të tjera, informacioni i nxjerrë nga zoti Trump mund të vinte në rrezik një burim zbulimi me rëndësi të madhe lidhur me grupin Shteti Islamik si dhe mënyrën me të cilën ishte siguruar ai informacion.

Në SHBA, presidenti ka kompetencën të deklasifikojë pothuajse çdo informacion, prandaj ajo që bëri zoti Trump nuk duket të jetë diçka e paligjshme. Por zyrtarët e zbulimit, të cituar nga gazetat, shprehën shqetësimin se informacioni, i siguruar nga një qeveri partnere me SHBA, mund të dëmtojë disa marrëdhënie të rëndësishme.

Agjencia Qendrore e Zbulimit dhe Agjencia e Sigurisë Kombëtare, të kontaktuara nga Zëri i Amerikës, nuk pranuan të bëjnë komente.

Alarm nga selia e Kongresit

Sipas gazetës Washington Post, në takimin me Ministrin e Jashtëm rus Sergej Lavrov dhe Ambasadorin Sergej Kislyak, Presidenti Trump me sa duket po lëvdohej rreth informacioneve të brendshme që kishte për një kërcënim të afërt me të cilin përballet aviacioni.

Informacioni, i cili shihej si tepër sensitiv, nuk ishte ndarë madje as brenda qeverisë amerikane dhe as me aleatët e SHBA, sipas gazetës New York Times.

Njoftimet u bënë menjëherë shkak për alarm mes ligjvënësve të të dyja partive në selinë e Kongresit.

“Jam i tronditur nga njoftimet se Presidenti Trump u zbuloi informacione të klasifikuara diplomatëve rusë javën e shkuar. Kjo sigurisht ngre pyetje nëse Presidenti i njeh implikimet serioze që ka nxjerrja e një informacioni të tillë të ndjeshëm përpara një kundërshtari”, tha ligjvënësi Eliot Engel, numri dy i komisionit të Dhomës së Përfaqësuesve për Punët e Jashtme. “Do të takohem këtë javë me Këshilltarin e Sigurisë Kombëtare McMaster në një sesion të klasifikuar dhe do të kërkoj përgjigje për atë që u zbulua dhe si mund ta ketë dëmtuar kjo sigurinë kombëtare amerikane,” tha ligjvënësi.

Senator Mark Warner

Senator Mark Warner

“E pafalshme”

Nënkryetari i Komisionit të Senatit për Zbulimin, demokrati Mark Warner, tha në Twitter se “vënia në rrezik e burimeve dhe metodave është e pafalshme, veçanërisht me rusët”.

Komentet e zotit Trump, nëse janë të vërteta, janë një “shuplakë në fytyrë” për komunitetin amerikan të zbulimit, shtoi senatori Warner.

“Shtëpia e Bardhë duhet të bëjë diçka shpejt për ta vënë veten nën kontroll dhe rregull”, u tha gazetarëve kryetari i Komisionit të Senatit për Marrëdhëniet me Jashtë, republikani Bob Corker. “Është e kuptueshme se ata janë tani në një spirale që shkon në rënie, prandaj duhet të gjejnë mënyrat për të riparuar atë që po ndodh,” tha senatori.

Njoftimet e medias vijnë në një kohë që Shtëpia e Bardhë mbetet e përfshirë në polemika për shkak të shkarkimit javën e kaluar nga presidenti të drejtorit të FBI-së, James Comey. Shkarkimi ndodhi një ditë para takimit me rusët në Zyrën Ovale.

FBI heton rreth lidhjeve me Rusinë

Byroja Federale e Hetimeve po heton rreth lidhjeve të dyshuara midis ekipit të fushatës presidenciale të zotit Trump dhe Rusisë.

Në një deklaratë të përbashkët, demokratët kryesorë në Komisionin e Dhomës për Mbikëqyrjen dhe Reformën Qeveritare si dhe në Komisionin Juridik të Dhomës, Elijah Cumming dhe John Conyers, kërkuan publikimin e çdo regjistrimi audio të takimit të zotit Trump me rusët javën e kaluar.

“Pas një jave të pashembullt, në të cilën shumë njerëz mendonin se ishte e pamundur që Presidenti Trump të tregohej më i papërgjegjshëm se aq, tani ai mund të ketë rënë në një nivel edhe më të rrezikshëm,” thuhej në deklaratë.​

Trumpi do të mbrohet nga 10 mijë policë në Izrael

“Më 22 maj, kur presidenti Trump pritet ta vizitojë Izraelin, në detyrë për ta mbrojtur atë do të jenë 10 mijë policë.”

JERUSALEM – Gjatë vizitës së tij në Izrael e cila do të zhvillohet javën e ardhshme, presidentit i SHBA-ve, Donald Trump, do të mbrohet nga 10 mijë policë.

Zëdhënësi i policisë izraelite, Micky Rosenfeld, në një deklaratë për gazetarin e AA-së tha se më 22 maj, kur presidenti Trump pritet ta vizitojë Izraelin, në detyrë për ta mbrojtur atë do të jenë 10 mijë policë. Ai bëri të ditur se për ta garantuar sigurinë e presidentit Trump po i zhvillojnë përgatitjet në koordinim me policinë amerikane.

Sipas lajmit të “Jerusalem Post”, në Izrael, Trump nga aeroporti me helikopter do të kalojë drejt për në Jerusalem dhe në kuadër të vendeve të cilat do t’i vizitojë do të jetë edhe rajoni Qyteti i Vjetër, që është i rrethuar me mure dhe ndodhet në Jerusalemin Lindor, i cili po ashtu ndodhet nën pushtim. aa

Shtëpia e Bardhë: “Trump nuk imagjinon se Rusia është e kënaqur nga testi i ri i Koresë së Veriut”

Në kumtesë thuhet se “provokimi i fundit do të duhet të jetë një thirrje për të gjitha kombet që të zbatojnë sanksione më të ashpra ndaj Koresë së Veriut”

WASHNIGTON – Presidenti i Shteteve të Bashkuara të Amerikës, Donald Trump, nuk imagjinon se Moska është e kënaqur nga testimi i fundit i raketës nga ana e Koresë së Veriut, e cila ka rënë më afër territorit rus se sa atij japonez.

“(Trump) nuk mund të imagjinojë dot se Rusia është e kënaqur me atë që projektili ka rënë afër territorit rus, aq më shumë se ka rënë më afër Rusisë se sa Japonisë”, thuhet në njoftimin e Shtëpisë së Bardhë.

Në kumtesë thuhet se “provokimi i fundit do të duhet të jetë një thirrje për të gjitha kombet që të zbatojnë sanksione më të ashpra ndaj Koresë së Veriut”.

Më herët, Komanda e Forcave Amerikane në Paqësor (USPACOM) bëri të ditur se kanë regjistruar se Koreja e Veriut ka kryer një testim rakete.

USPACOM tha se testimi i raketës nga ana e Koresë së Veriut është bërë në orën 10:30 sipas kohës lokale në Havaje.”Raketa është lançuar në afërsi të Kusunga dhe ra në detin e Japonisë”, thuhet në deklaratë në të cilën shtohet se fluturimi nuk ishte në përputhje me fluturimet e raketave ndërkontinentale balistike. aa

Presidenti Trump para diplomantëve të Universitetit “Liberty”

Presidenti Donald Trump u tha studentëve të një universiteti të krishterë të ndjehen krenarë që nuk bëjnë pjesë në rrymën qendrore të opinionit publik. Me komente që dukej se i referoheshin elitës politike në Uashington, presidenti tha në fjalimin që mbajti para diplomantëve të Universitetit “Liberty” – universiteti më i madh i krishterë në vend, ta përqafojnë me zell statusin e tyre si zëdhënës të pikëpamjeve larg qendrës, pasi ata që nuk janë konformistë “janë ata që ndryshojnë botën”.

Fjalimi në Universitetin “Liberty” ishte dalja e parë para publikut që kur presidenti shkarkoi drejtorin e FBI-së, James Comey, i cili po drejtonte hetimet mbi rolin që mund të ketë luajtur Rusia në zgjedhje dhe kontaktet e mundshme që dyshohen të kenë pasur punonjës të fushatës Trump me qeverinë ruse.

Presidenti i mëshoi mesazhit populist, kundër qarqeve politike të Uashingtonit, duke thënë se e kishte parë me sytë e tij se sistemi nuk funksionon dhe u bëri thirrje 18 mijë diplomantëve t’u bëjnë qëndresë zërave të dështuar që “mendojnë se dinë gjithçka”.

Universiteti “Liberty” u themelua nga aktivisti konservator, evangjelisti Jerry Falwell. Djali i tij e mbështeti që në fillim të fushatës Donald Trumpin dhe ishte faktor që zoti Trump mori 80% të votës së evangjelistëve të bardhë.

Një anketë e fundit e Qendrës Pew tregon se 3/4 e evangjelistëve të bardhë kanë mendim pozitiv për punën që ka bërë presidenti në 100 ditët e para në detyrë, krahasuar me 39% të publikut të gjerë që shpreh opinion pozitiv.

Comey refuzon të dëshmojë para Komitetit të Senatit

Ish-drejtori i FBI-së, James Comey

 

Ish-drejtori i FBI-së, James Comey ka refuzuar ftesën e Komitetit të Inteligjencës të Senatit që të dëshmojë lidhur me hetimin mbi ndërhyrjen e dyshuar të Rusisë në zgjedhjet presidenciale të SHBA-së më 2016.

Comey u shkarkua nga posti i drejtorit të FBI-së më 9 maj, nga presidenti i Shteteve të Bashkuara, Donald Trump.

Komiteti i Inteligjencës, që po heton ndërhyrjen e dyshuar ruse në zgjedhjet e 2016-ës, kishte shpresuar që të dëgjonte dëshminë e Comey, në një seancë të mbyllur për media.

“Ai nuk do të dëshmojë por ne shpresojmë, që në një të ardhme jo të largët, ne do të gjejmë kohë që ai të vijë dhe të flasë në komitetin tonë”, ka thënë Mark Warner, anëtari demokrat i këtij Komiteti.

Trump një ditë më parë kishte paralajmëruar Comey përmes një postimi në Twitter që të mos flas, duke thënë se “James Comey shpresoj që nuk ka ‘përgjime’ të bisedave tona, përpara se ato të fillojnë të dalin në media”.

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend